الله يعينك

للأسف هذا هو الي حاصل بكثير من الدوائر الحكوميه اذا كان عندهم تقديم
كنك جاي تشحذهم هم

الا هالموظفات المتعنطزات كانوا في يوم من الايام بنفس الموقف يوم جو يقدمون على وظايفهم هذي
مايخافون من الله ويحترمون اللي قدامهم وجعععععع!

حسبي الله ونعم الوكيل

^^

كلامك صحيح وبالنهايه عاد منت مقبوول وش راح تحس به ؟ قهر صح

صارت لنا من قبل هالحركات ,,

انا كنت ياختي مقدم على جامعه الملك فيصل تبع أمن الجامعه .. تتوقعين من متى مقدم من شهر 5 وليومك مادقو علي ولاحاجه ورحت لهم كل اسبوع يقولون لي اسبوع الجاي وكل ماجيهم اسبوع الجاي يقولون بعد اسبوعين

بعدين تعال يوم الثلاثاء واجيهم يقولون ماجانا جديد تعال بعد اسبوعين صارات ههههههه وجيتهم بعدين قالو تعال بعد اسبوعين نفس الشئ ولاجيتهم شهر واسبوع وبالنهايه تعبت منهم ودخلت الدوره العسكريه الامن العام وجطلت فيهم الحمدالله بس مانقول الا حسبي الله عليهم على هالوجع الراس اللي خذناه منهم لو في واسطه جامده عندي لهم كان مشوني مثل مامشو خويي اللي عنده شهاده كفائه وعنده واسطه جامده من مشرف الامن والسلامه ووظفوه وانا بوثانويه قلت حسبنا الله ونعم الوكيل وجعل الواسطه تنداس برقبتهم ليوم الدين وانا مقدم قبل خويي من فتره

لالالالا تذكروني قمة المهزلـه مآتتخيلون انآ جآي من بدري يقآلي مآبي اجي وسط الزحمه الآ واشوف امة محمد واقفه عند بآب مقفل وتحت الشمس وش السالفه ؟ انا استغربت وقفت بعيد وتمنيت لحضتهـآ اني اصور المنظر من فوق عشـآن تشوفون الزحمه كيف واشكآل البنات تحت الشمس والحر المهم وقعدت معهم لين 9 ونص تقريبا شوي تطلع وجده ومعهـآ عصـآ انآظر مآني مصدقه وش تحس فيه هذي من جدهـآ طآلعه علينـآ بالعصـآ ...؟ شوفو عـآد البنات لمـآ شافو العصـآ هجدو حسيت بقمة الإهآنه والاذلال المهم فتح البـآت وقلت جآنآ الفرج ويالله شوفو اشلون لمـآ انفتح الباب اشكالنـآ واحنـآ داخلين وكل وحده تدف الثانيه عشـآن تدخل قبل شي لايوصف وربي وصيآآح الموظفـآت علينـآ مو عاجبهم الوضع المهـم شوي تتوزع الاستمارات وطبعـآ يالله وصلتني استماره بحكم ان البنات ماشاء الله مو مخلين مجآل لمـآ وصلت قلت جـآنآ الفرج عبيت الاستماره ودخلت القآعه عشـآن المطآبقه وانآ جآيه الا اشوف شي مو طبيعي زززززززززحمه عالمسسسرح وهواش الموظفآت واصوات عآليه الموظفات يبون ينظمون والبنـآت يبون يخلصون ويطلعون المهم دخلت وقعدت شوي يقآلي بصير نظآميه حسب كلآمهم اشوف البنآت مااهتمو ويطلعون وانا مسكينه مصدقتهم اللي بيقعد بيمششون اوراقه والله ماشفت شي بالعكس اللي فوضى هو اللي يمشي اوراقه وانا اقوم واطلع واصف ورا البنات طبعا ياهو طابور شي مو طبيعي تقريبا اربع طووابير متداخله ببعض لما يوصل اكثر من وحده للموظفه اللي بتطابق تبدا تقول ماني ماخذه منك وباخذ من هذي الطابور مدري شفيه ويبدا صوت البنت والموظفه يعلا وبالنهايه تاخذ اوراقهآ وهي ماتشوف الدرب على قولتهم المهم وانا لازلت منتظمه بالطابور يجون بنات من آخر الدنيا شوي الا هي قدامي اقول بنفسي ياربي وش اقولهآ اقولهآ ارجعي بترفع صوتهآ علي وبتصير مشكله مآلهآ داعي اسكتي يابنت وان شاء الله ربي يفرج عليك المهم من 10 لين 12 ونص اخيرا وصل دوري طابقت اوراقي وطلعت ماتتخيلون وش صار فيني هذا الكلآم يوم السبت رجعت البيت نمت وماصحيت الا العشـآء من التعب طبعـآ للمعلوميه انا جايه من 8 وعـآد شوفو واقفه من 8-12 وبالنهايه مجرد مطابقه والله يرزقنـآ يارب ويكتب لنـآ اللي فيه الخير .. ادري كثرت كلآم بس للآن مصدومه من الفوضى اللي صـآرت....

الكلام عندك واسطه ولا تعب على الفاضي ترين كلها شغلة واسطات
بعد فيه اختبار بس واتوقع مايصحح الي عندها واسطه يختارونها وانتهى الموظوع
نصيحتي لك دوري واسطه من هلحين ولا انسي التقديم احسن لك

لا حول ولا قوة الا بالله العلي العظيم

يارب صبرني على هالبلوى

يعني هالحين كل هالزحمة وهالطقاق على 25 وظيفة .!!!!!!!!!!!!!.

مدري وش يحسون فيه هذول

وربي مهزززززززززززززززززززززززلة مهزززززززززززززززززززززززززززلة مهززززززززززززززززززززلة

يا اخوان بالله احد يعلمني المسؤلين الكبارة عندهم خبر عن هالكلام .!.!.!.!.!.!.!.

قال ايه قال اصلاح
قال ايه قال سعودة
قال ايه قال معدلات البطالة تنخفض
قال ايه قال البنات يشتغلون خادمات
قال ايه قال ممنوع البنات يشتغلون في محل الملابس الداخلية
قال ايه قال مملكة الانسانية
قال ايه قال ملك القلوب
قال ايه قال الشعب مرتاح
قال ايه قال .................................................. .....................................

ومضة :
البنات يشتغلون في المستشفيات بشهادات جامعية عمال نظافة . وايضا هناك حملة لاستبدالهم باجانب !!!