السلام عليكم ورحمة الله وبركاته

اخواني ماهي طريقة عمل وكالة شكوى ولو سمحتم بتفصيل الممل لاني اول مرة وغشيم في هذي الاشياء
الموضوع ومافيه اني سلفت واحد من للاصدقاء وللاسف لم يسدد وابغى اسوى وكالة لواحد يرد حقي

وارجو من الجميع التفاعل واذا ممكن صيغة الوكالة

انا في انتظار نصايحكم \


ولك التحية

وعليكم السلام ورحمة الله وبركاته : اخي القاموس الشغلة بسيطة انا اذكر اني صلحتها لقريبيي قبل اربع سنوات في كتابة عدل الرياض الثانية , بس تروح عندهم ومعك بطاقة الأحوال ومايحتاج شهود ولاشي يعطونك نموذج تحط اسمك فيه واسم اللي بتوكله وموظوع الوكالة يعني بتوكله على إيش ويوقعها كاتب عدل وتروح عند احد الكتبة ويطبعها لك من الكمبيوتر ويختمها الشيخ ويوقع وإنتــــــــهى ... كلها ماتأخذ عشر دقايق... طبعا في الوكالة يذكرون انك توكل هذا الشخص في المدافعة والمخاصمة ورفع الدعاوي وقبول الحكم والأعتراض عليه والتوقيع نيابة عنك وإنهاء كافة مايلزم ,,,, بس إحذر لاتوكل شخص إلا انت واثق 100%فيه , انا وكلت واحد واستلم المبلغ وبالعافيه أخذته من بعد 4 أشهر,,,,,,,,, هذا والله يوفقك وإن شاء الله تجيك فلوسك بس لآتنسى تتصدق منها إذا جاتك عشان تتبارك ,,
ولـــكـــ التــحــيـة

الله يعطيك العافية وماقصرت يعني انا اكتب في الوكالة المدافعة ورفع دعاوي صح بس مدري هل اكتب انه هو يستلم المبلغ اولا . مدري وش يحكم القاضي مثال انا سلفت واحد 20000 الف قرض حسن وهو يقوم بتسديد القرض كل شهر 1000 هو سدد شهرين وسحب على 7 اشهر .السؤال هل القاضي بيحكم علية بدفع المبلغ حق ال7 اشهر او يدفع المبلغ كامل .
انا بالعربي ابغى واحد يرفع شكوى بنايبه عني ويتابع المعاملة وهو الكل في الكل بس وانا اثق فيه بس ماتدري الفلوس تعمي النفوس
يعني ابغى انا حاجه تظمن حقي من الي ابوكالة حاجه مكتوبة في الوكالة وش الصيغة؟

ذلحين بتقولون وش التناقض هذا كيف تثق فيه وبعدين ماتثق فية .

انا اقول لكم بتجربة لي هو اني سلفت صديق عزيز على صداقه 10 سنوات وفي النهاية سحب على عشان ايش عشان فلوس . احمد الله اني لم اسلفة مبلغ اكبر من كذا لانة بعد ماسلفت طلب مرة ثانيه.

فعشان كذا مدري في مين اثق

ولكم التحية
*

أخوي إذا تبي تسوي وكالة وكل الشخص في المرافعة والمدافعة والمخاصمة وإقامة الدعاوي وقبول الأحكام والاعتراض عليها وتقديم اللوائح الاعتراضية لجميع الجهات القضائية باختلاف أنواعها ودرجاتها، واحذر أنك توكله في الاقرار والانكار والصلح واستلام المبالغ وحق توكيل الغير.

وبالتوفيق،،،

يعني قول لكاتب العدل بأن ما يكتبها لك في الوكالة التي تريد عملها

إذا أنك تدور على شخص يستلم عنك القضية ويترافع فيها حتى صدور الحكم راسلني عالخاص