انا اقووووووووووووووول انتس بتروحين لديرتس وبتدرسين هناك ..ووووو

وهناااك فله قليل الطلاب وووووووو ........ومدري بس كملي قصصه مشوقه صراحه...

تسلمون أخواني راااح أكمل لعيونكم

بالفعل قررت أروح أوقع العقد طبعا على نظام الساعات ورحت لديرة أهلي وفرحو أهلي بالمره طبعا خواتي مايدرون ليش انا جايه
وش عندك ومن هالكلام لاني ما أبغى أعلم أحد الا لمين أوقع العقد
قمت الصبح رحت مع أبوي الغالي ووقعت العقد لمدة فصل دراسي واحد فقط
وقالو دوامك يبدأ من 3/3/1430قلت تم
ورحت لم خواتي وبشرتهم بالخبر والحمد لله الكل أنبسط لي
سافرت للرياض ورحت للمدرسه الأهليه اللي قبلوني قبل وقدمت أعتذاري والحمد لله قبلوا عذري وقالوا والله حسافه كان ودنا تنظمين لنا
لأنه باين عليك الإجتهاد قلت خيرها بغيرها ..........
رجعت كملت حياتي وبديت ألف الأسواق أدور لبس للمدرسه ولفيت ولفيت وأخذتلي كم بلوزه واشاربات ومن هالحركات
تعرفون شغلات الحريم ماتنتهي
صار كل همي المدرسه وش اسوي وش احط
المووووووووهيم

متااااااابع بشده..........

أبكمل القصه كلها الحين لانه بصراحه عيوني راحت وطي صاحيه من خمس الفجر مرة تعبانه (غلبني النعاس )
رحت لديره أهلي وجاء اليوم الموعود اللي هو 3/3/1430وداومت بالمدرسه استقبلتني المديرة وعطيتها الورقه اللي عطون أياها التوجيه
وقالت خلاص
قلت وش خلاص <<<<<<<<<متنحة
قالت روحي لغرفة المعلمات
رحت للغرفه دق الجرس ومافيه بالغرفه الا استاذتين بس
قلت غريبه وين الباقي
سألت ؟؟؟؟؟؟؟؟قالو بس حنا اللي بالمدرسه قلت كيف قالو حنا ثلاث معلمات والمديره الرابعه
قلت تصير ذي قالو نعم وراحت معلمه يعني صرنا ثنتين وانت الثالثه قلت اللهم أجعلة خير
رحت أتفرج على الفصول وأدخل الفصل ألقى البنات منقسمات إلى قسمين من جهة اليمين خمس بنات ومن جهة اليسار بنتين
طيرت عيوني وش السالفه سألت البنات قالو ذولا رابع وحنا سادس يؤ يؤ يؤ يؤ يؤ
أنا طيرت عيوني وطلعت من الفصل وأنا كل حالات الإنبهار على وجهي
رحت للفصل الثاني اللي جنبهم لقيت نفس الحكايه ست بنات على اليمين وبنتين على اليسار سألتهم قالوا أبلى حنا ثالث وهم أولى
قلت يالله الخيره رحت سيدا على الاداره سألت المديرة قالتلي أيوه المدرسه دمج لان عدد البنات قليل
حمدت ربي وشكرته وقلت يابنت الحلال مصيرك تتعودين
وبالفعل تعودت عليهم وحبوني البنات بالمره وانا والله تعلقت بهم صرت أشبعهم هدايا وكانو ينتظرون حصصي بفارغ الصبر
ومرت الايام والاسابيع وجتني كذا موجهه والحمد لله أثنوا علي بالمره المديره الصراحه ماقلتللكم انبهرت فيني الحمد لله صرت اساعدها بالاداره
وعلى الكمبيوتر
ماشاااااء الله علي صرت بتاع كله لانكم خابرين بعض المعلمات يملون وتصير مكتفيه بالحصص اللي عندها ولاعندها استعداد تعطي بعد
لكن أنا غير كنت ماأحب أجلس فاضيه بالمدرسه ابد أدخل الإداره أساعد المديره الصادر والوارد كله عرفته الحمد لله صرت ملمه بفصل دراسي واااحد فقط
الا الآآآآآآآآآن أكلم المديرة وتكلمني وتسأل عني وتقولي تركتي فراااااااغ كبير بالمدرسه والبنات يسألون عنك
الحمد لله والشكر

اقول روحي نامي ابركلك الله يصلحك
الفصل الثاني بالحلم اخ اخ اخ نوم
تسير خبره سنه
اختي هذا حال الدنمو قصدي الدنيا
كيف لو تسمعين قصتي

خلص الترم وخلص مسمى معلمة ورجع لقب عااااااااااطلة
الحمد لله والشكر خضت التجربه بمافيها من غربه وبعد عن بيتي إلا أنها كانت من أحلى أيامي ولله الحمد التي اتمنى من الله تعالى
ان تتكرر كل عااام يارب
رجعت لبيتي
بدأت العطله ورحت للمعهد قالو فيه ترم صيفي رابع ان بغيتي تدرسين قلت يالله ندرس لعلها تكون آخر دراسه يارب والله مليت
وبالفعل درست وتخيلو كان الصيفي مسائي يعني انواع القلق الناس استراحات وطلعات وملاهي واناأدرس قلت يابنت الحلال فتره وتعدي
والحمد لله عدت التجربه وخلصت الدبلوم وباقي بس أختبار المؤسسه
قرب العام الدراسي الجديد قلت يارب يدقون على واعيد التجربه الحلوه اللي خضتها العام وكنت كل يوم أحط جوالي عند راسي أنتظر أحد يدق
ولايدق يمر اليوم الثاني ولايدق أحد واللي بعدة واللي بعده ولا حولي أحد بدوا بالدراسه ودرسوا العالم وانا على أمل إن الاشراف يدق على لكن مافيه أمل دخلل الملل الى قلبي وأنا انتظر مرت الايام
رحت اختبرت اختبار المؤسسه والحين انتظر النتيجة يارب أنجح تكفون ادعولي والله محتاجه منكم دعوة
وحاااااااااااليا أنا عاطله عن العمل للأسف
انتهت قصتي
الحين أبغى منكم عاد توجيهاتكم وتعليقاتكم على القصه وهل كانت قراراتي صائبه ولا فرطت بالمدرسه الأهليه
أنتظر ردودكم بفارغ الصبر
أختكم/متفائلة بوظيفة

طيب وخلاص ترم بس وخلصتي دراسه والحين تدرسين ولا باقي .......

بعدين كيف أستغربتي عدد الطالبات ودمجهم يعنى انتي ما درستي الأبتدائي والمتوسط والثانويه

بديرتك ولا بمدينه <<< احس اني زودها بالأسأله بس تحمليني حمستني قصتك...

صرأأأحه يا خيتووو << مسوي الولد اللباني

طيب قدمتي على تدريس بديوان الخدمه ولا لا بعدين أنشاء الله تنجحين بالمؤسسه وتأخذين الدبلوم

وتنفعك بالتدريس وتصيرين مدرسه ولا أروع وتدرسين بنااااتي لامني تزوجت أنشاء الله

بس علمينن أذا تعينتي بمدسه واسمها عثان اجيب البنات عندك يدرسون << انبسطي من قدك بتدرسين بناته


(( خيتو أتمنااء لكي التوفيق والنجاح في الدنيآآآ والآخره ))

تقبلي مروري أخوك:الغريب بديآرهـ...