انا محتـااار ما ادري وش اسوي ابي نصايحكم ومشورتكم يا اهل الخبره !!

قبطان · #11 (**permalink**) 18-11-2009, 05:13 PM

غدووو + ميرندا فراولة

انا بوضح نقطة قبل لا ارد بالتفصيل على ردكم
الحين انتم تقولون خل الكول سنتر وانت عندك بكالريوس حاسب + انجلش وتقولون راح تلاقي شيء يناسبك
المشكلة زي ما قلت الحاسب اللي عندي تربوي كل ما اقدم يقولون انت تربوي
فعشان القى وظيفة في مجال الحاسب شيء صعب
وانا ما ارغب في التدريس مره مره
طيب على افتراض اني تركت وظيفة الكول سنتر
ورحت ابحث اكثر عن وظائف في الحاسب هذا يبي ياخذ وقت كثير علي
انا لي خمسة اشهر ابحث عن وظيفة في المجال ما لقيت ولو ادور ثاني مرة يمكن تجي خمسة اشهر ثانية وما القى شيء
فيكون فوت علي فرصة الكول سنتر ولا استفدت شيء
وغير كذا ما يهمني الراتب كثر ا يهمني اخذ خبرة في المجال
ما ادري وش اسوي اقبل بالكول سنتر او ابحث عن عمل ثاني وش تنصحوني

ĢДMΣ Ǿ√ΣЯ · #12 (**permalink**) 18-11-2009, 08:28 PM

انا اشوف انك تدور على مدرسة اهلية احسن عشان تحصل على خبرة وتقدم على التدريس لأنه عندك بكالوريوس حاسب آلي تربوي وتمشي حالك فيها الين يجيك التعين .. غالبا الشركات ماتبغى حقين التربوي

والله يوفقك اخوي

جامعي محاسب · #13 (**permalink**) 18-11-2009, 11:09 PM

اقتباس:

الحين في راسي اسئلة ما لقيت لها اجابة ! ، اللي هي :

سأجيب علك تستفيد

1- انا اخطط اني اعمل في مجال الحاسب الآلي فلو رضيت بوظيفة حقت شركة التأمين فهل هذة الوظيفة حقت الكول سنتر بتفيدني كخبرة حتى اني اعمل في مجال الحاسب الالي أم في ماذا بتفيدني ؟ طبعاً انتوا عارفين دور الخبرة يعني ما يحتاج .

بصراحة ما اعتقد تفيدك الكول سنتر وانت عارف مجال تخصصك وين والكول سنتر وخدمة العملاء وين

2- هل انتظر الوظيفة اللي قالي عنها الرجال الي في الوزارة مع العلم ان الوظيفة اللي في شركة التأمين يعني صعب اني لقيتها ومالقيت الا هذه الوظيفة وانقبلت فيها والحمد لله ، فلو مثلا تركتها وانتظرت وظيفة الوزارة اخاف بعد هالوظيفة ما القها لان الرجال قالي اذا فيه شيء بدق عليك يعني يصرفني يعني احس كذا مافيه ؟

والله ماني فاهم انت كيف حصلت الوظيفة في الوزارة .!!. يعني على اي بند .!!. وكيف مستقبلها بالترسيم من الديوان .!!. يعني ماني فاهم وش قصة الوظيفة الحكومية .!!.
بالنسبة لتساؤلاتك انا اقول لا تستعجل وتقبل وظيفة الكول سنتر الا اذا كان مرتبها ممتاز بنظرك وممكن انك تطلع في اي وقت اذا حصلت وظيفة في تخصصك

ملاحظة / الوظيفةحقت شركة التأمين فيها ( عقد ) يعني مثلا لو توظفت فيها ما اقدر اقدم استقالة واطلع لو جتني الوظيفة الثاني حقت الوزارة الا بشرط جزائي ادفعة لشركة ويكون عالي .

هل قالوا لك انه فيه شرط جزائي .!!!.
كل الشركات فيها عقود والاغلبية لا تشترط شرط جزائي الا اذا كانوا بيدرسونك فترة تزيد عن 6 شهور
واذا فيها شرط جزائي انظر لها انها ليست من ضمن تخصصك يعني الخبرة فيها ماراح تفيدك ومستقبلها ماهو هذاك المستقبل اللي يخليك تربط نفسك فيها بعقد فيه شرط جزائي الا اذا كان الشرط بسيط يعني 5000 ريال ماهي مشكلة وقع ووقت اللي بتطلع عطهم الـ 5000

3- انا جالس يعني احضر لإختبار التوفل والحمد لله حسيت اني امشي بكل جيد وعشان اخذ الشهادة هذه بدرجة كويس احتاج من 4 الى 6 اشهر كدراسة ، فما هو رأيكم اني اترك هالوظيفتين واكمل دراسة عشان اخذها ، مع العلم اني عاطل الحين لي 5 اشهر ولا خبرة ولا شيء .
تعرفون اختبار التوفل يزيد من فرصة الابتعاث واكمال الدراسـة

والله انا انصحك تركز على ايش تبغى .!!. يعني اذا كان طموحك تكمل دراستك في هالحالة شيل فكرة الوظيفة وركز على التوفل مشان تبتعث
واذا كنت تبغى التوفل مشان يضيف لك شخصيا مهارة اللغة الانجليزية فما يمنع انك تحاول تاخذ التوفل وبنفس الوقت تبحث عن وظيفة مناسبة لك
وانا مثلك ياخوي عاطل لي 8 شهور تقريبا ومالقيت وظيفة في نفس تخصصي مع كل اسف الى الان
اتمنى من اصحاب الخبرة انهم يفيدوني ودعواتي لهم عن غيب
والله يوفقكم ويحقق امانيكم
لست صاحب خبرة ولكن رأي ممكن يفيدك

وبالتوفيق لي ولك

جامعي محاسب · #14 (**permalink**) 18-11-2009, 11:21 PM

طيب ياخوي ليه ماتحاول تبحث عن دورات تضيف لك اشياء في مجال تخصصك

يعني تربوي يعني مدرس وانت ماتبغى مدرس فعليك تبحث شنو تبغى الشركات من كفاءات وحاول تكتسبها مشان تسهل امور الوظيفة في الشركات

وانا اقولك لا تستعجل اصبر شوي وهالوقت اللي احنا فيه نهاية 2009 والامور ماهي واضحة بالنسبة للشركات في مركزها المالي ووضعها المالي فالكل بنهاية السنة يحاول تخفيف المصروفات باي شكل من الاشكال
وببداية السنة توضح الامور وتوضع خطط جديدة واحتياجات الشركات من الموظفين
يعني يصير ترتيب صفوف في الشركات مع بداية العام وفي ترتيب الصفوف تطلع وظائف كثيرة

وربي يرزقني معاك

ولا تستعجل

قبطان · #15 (**permalink**) 18-11-2009, 11:53 PM

اقتباس:

انا اشوف انك تدور على مدرسة اهلية احسن عشان تحصل على خبرة وتقدم على التدريس لأنه عندك بكالوريوس حاسب آلي تربوي وتمشي حالك فيها الين يجيك التعين .. غالبا الشركات ماتبغى حقين التربوي

والله يوفقك اخوي

اخوي ابراهيم البديوي
انا ما ارغب بالتدريـس عشان كذا طرحت المشكلة