محتاره

ريم الهم · #1 (**permalink**) 21-11-2009, 02:13 AM

السسلام عليكم
احترت مدري وين احط موضوعي
بس قلت ومنكم نستفيد
الحين انا توني مادخلت كليه ولاجامعه
بس مدري ليه اذا جيت اذاكر اقول
وبعدين ياريم اجتهد وبالنهايه
بقعد ببيتنا
كان طموحي طب
وخشيت علمي
كلن قعد يخرعني
قعدت بالبيت شهر كنه سنه مدري شسوي بس اصيح
وانا من النوع اللي ماحب ادخل شي واطلع خسرانه

يعني محب انقص درجات كله ابي كامل
ادري كذآ مو زين بس شسوي

لين صرت اكره شي اسمه مدرسه
وخشيت ادبي وجبت99%
والحين انا بثالث
ومازالوآ بالتحطيم يعني كل بنات جماعتنا ريم اهليه وادبي ويضحكون
صح اكابر قدامهم بس من وراهم اتعذب دايم اقول بحول علمي بس هذا مو حل يمكن خيره اني ادبي
الحين مدري وش اختار تخصص
آحب الانجليزي واحب المستشفيات
افكر بسكرتاريه طبيه ولا ادب انجليزي
اكره ادارة اعمال وشي زي كذآ بس اذا له مستقبل اضغط على نفسي وادخله
خصوصا اني بالشرقيه يعني مدري وش ازين تخصص لي
وربي منقهر ه ودي ابين لهم ان ترى يطلع من ادبي ناجحين
تخيلوا لدرجة ابلة رياضيات تمر من عند فصولنا وتقول

ليش تتعبون وتجون ومصيركم بالبيت قاعدين
انتم ماتتوقعون كيف احب ادرس

همس الشروق · #2 (**permalink**) 21-11-2009, 02:40 AM

اهلا اختي ريم الهم<<<النك لازم يتغير انتي باقي صغيره لاتفكرين بسلبية وراك مستقبل,,
حبيبتي من ناحيه المستقبل صار كله زي بعض الادبي والعلمي نفسس الشي للاسف العطاله ذااابحتنا,,
شوفي انا اقرب مثال لك داخله علمي بالثانوي وجبت الاولى عالمدرسه كانت نسبتي مررره عااااليه بس للاسف دخلت قسم ماله ابدد مستقبل ياما حاولوا اهلي فيني ادخل انجليزي بس كنت اقول ياسلام ادخل علمي واتعب بعدين يحولوني ادبي لاااا مستحييل انسوا ومن حقي بصراحه لان الكليه بالدمام معفنه هي وتخصصاتها مافيها الا الحاسب والانجليزي حلوه والمشكله الانجليزي يسبونه لانه ادب انجليزي مش انجليزي ويسبون الدكاتره فيه والدراسه بعد,,لكن بعدين بعد ماتخرجت تمنيت اني دخلت انجليزي والله لانه ينفع بكل شي ومطلوب بشكل كبير هو والحاسب,,,
فنصيحتي لك انجليزي او حاسب او اداره باي تخصص فيها لان هذي الاشياء اللي مطلوبه الحين,,,
سلاميشن معليش طولت عليك بس عشان تعرفين انك ادبي او علمي كله زي بعض مافيه شي احسن من شي من ناحيه المستقبل..
الله يوفقك بشرينا عنك...

الموزةة · #3 (**permalink**) 21-11-2009, 02:41 AM

ياعسل اتفائلي خير والله ماتتدرين يمكن لما تتخرجي وتجيبي مجموع عالي يكون في تخصصات جديدةتناسب طموحك سعتها ماتندمي لانو كل يوم يطلعوا نظام جديد اما بالنسبة للوظائف لاتفكري فيها ابدا اول شي فكري ايش تبغي تتدخلي تخصص يناسب طموحك لانو على ماتكملي الجامعة وتتخرجي منها ماتدري ايش يصير بس بما انك ادبي انصحك تتدخلي انجليزي اوشي اداري طبي لانو اختك الي جالسة تكلمك متخرجة من الجامعة كل مادور على وظيفة يطلبو اول شي الانجليزي وبعدين الحاسب يعني ان شاء اللة اذا دخلتي انجليزي ح ينقصك الحاسب وهذا سهل طبعا هذا راي وبالتوفيق ان شاء اللة

Mo chuisle · #4 (**permalink**) 21-11-2009, 03:03 AM

تخصص نظم المعلومات الحاسوبية جيد بالنسبه لوضعك

موفقه

خواطر عشاق · #5 (**permalink**) 21-11-2009, 03:07 AM

وش له التحطيم هذا كله

الدنيا يسر مو بعسر واذا لك رزق والله لو من فم الاسد بتاخذينه

وبعدين ترا في مهندسين عطالين مو شرط ناس متخرجين من إدبي

وصدقيني مآفي إحد يقدر يحطمك الا اذا كنتي انتي محتطمه من داخلك ولا اذا واثقه من نفسك طز فيهم كلهم

وبعدين كل انسان وله رغبات وميول انتي تحبين إننجلش تخصصي إنجلش

شوفي كل عالم يبدع في مجاله نيوتن في الفيزياء والمتنبي بالادب لأنهم شي حبوه برعو فيه مو جاي إحد يغصبهم عليه

الرسول عليه الصلاة والسلام وجه إصحابه ع مواهبهم وقدراتهم وكل صحابي بالشي الي يببدع فيه

ابو هريره رضي الله عنه كان ملازم للرسول علية الصلاة والسلام عشانه كان يحفظ

خالد بن الوليد رضي الله عنه كان يقود جيوش المسلمين

عمر رضي الله عنه بالحكم والادراه

بلال بن رباح رضي الله عنه عشان صوته جهوور كأن المؤذن

ونماااذج كثيير

واالادبي ترا مو شرط إنجلش في قانون بعد وله مستقبل

بالاخير لاتسمحي لليأس يسيطر عليك إنتي خذي بالاسباب والباقي على رب العالمين

مروق · #6 (**permalink**) 21-11-2009, 03:27 AM

ماشاء الله معدلك حلو مرره بالنسبه عندك انجليزي حلو والحاسب حلو بعد

أما الي يحطمون فيك لايهمونك تو قدامك مشوار ووسعي الصدر

تعآبير روح · #7 (**permalink**) 21-11-2009, 03:30 AM

ريم

صدقيني لو بنسمع حكي الناس

ونشوف النماذج الي تتخرج وتجلس في البيت

اتوقع لا درسنا ولا تعبنا حالنا

وصح هذا حال الكثير الان

يعني انا دووبني متخرجه وجالسه افكر اكمل دراسه وابغى اتوظف حتى اطور نفسي وكدا
وباقي ابحث الناس الي حولي يحكوون انتي حاسب الي ومالقيتي وظيفه غريبه كيف تخصصك مطلوب
جد اتحطم في لحظته وبنفس اللحظه امسح هالفكره وارد عليهم رزقي باقي بالطريق
حتى خواتي لما يحكوا انو انتي تخصصك كدا ونشوفك تدوري على وظيفه ليش احنا نتعب حالنا اجل
غلط هالتفكير.!
الله كاتب لنا رزقنا وهو عالم بكل شي
احنا نعمل الي علينا ونجتهد
ونكمل دراستنا
ونشوف نفسنا وين وبأيش راح نبدع
ونسمع من الناس الي يطور فينا ويرفع من هممنا بس

ريم
شدي حيلك واستخيري
واختاري القسم الي ترتاحي فيه وراح يفيدك في المستقبل

ربي يوفقك

اخصائية 2007 · #8 (**permalink**) 21-11-2009, 03:44 AM

خذيها مني وانا خبرة في وضعك ادب انجليزي لو ارجع لايام الدراسه على طول اختاره
الله يهدي امي وابوي طلعوني من ادبي بعد اسبوعين دراسه فيه وحولوني علمي واختارو لي التخصص بالجامعه ودرسته وفلحت بس ميولي ماكان تخصصي ذا الحين اللي اشتغل فيه ولو يردوني ثنوي اكمل ادبي واختار الشي اللي انا مقتنعه فيه

a7asess · #9 (**permalink**) 21-11-2009, 03:47 AM

ياريم ياقلبي شدي حيلك ...
واحمدي ربي ان الاسئله لاهي من وزاره ولا شي ...
احنا اللي اكلناها ...
واشوف ان الغالب نسبهم مره حلوه ...

برفسور بطالة · #10 (**permalink**) 21-11-2009, 03:50 AM

وعليكم السلام ورحمة الله وبركاته

أختي لا عاد تفكرين بأن هذا القسم له مستقبل والا ماله مستقبل لأن المستقبل لا يعلم به الا الله

وعندي مثال على ذلك وهو أن وحدة من قريباتي دخلت قسم اقتصاد منزلي عاد شوفي
أنواع التحطيم اللي يقول ماله مستقبل واللي يقول كبري المخدة ..........الخ
لاكن يوم ربي كتب أنه يصير لهذا التخصص مستقبل بدأت تنفتح كليات تقنية للبنات
ولا أغلب الوظايف فيها طالبين تخصص اقتصاد منزلي

,,, لكي يعرف الانسان أن الرزق بالسماء وليس بالأرض ,,,

واذا تبغين النصيحة ادخلي E لانه مطلوب وكذلك بيفيدك في حياتك بس بشرط انك تكوني تحبينه
لانك اذا ما أحببت التخصص اللي تبغينه ما راح تمشين فيه .

تمنياتي لك بالتوفيق ..