عشان ما اطول عليكم عندي اخوي تخصصه لغه انجليزيه في كلية التربيه غلق سنه من الدراسه



وهذي السنه الثانيه له مستواه في الانجليزي ضعيف ازعجنا يبغا يسافر برا يحسن مستواه باللغه ا


السؤال هل فيه جامعات برا ممكن يسجل مواد عندهم الترم الثاني بحيث ما يضع عليه ترم الي يعني تاخره سنه

بحيث تكون جامعات سهاله ما يرسب فيها ومنها يتعلم لغه ارجو الي عنده علم متاكد منه لا يبخل علينا فيه


لانه قالي ابروح بريطانيا او نيوزلندا قلتله كثر منها والله غير يرسبونك ابسالك عن جامعات سهاله

والله ياحبيبي انا طالب كنت ادرس بنيوزلندا لغه المهم مافي جامعه تقبله الا لازم يكوون معاه الايلتس ولا التوفل وذيك الساعه يقدر يعادل مواده

http://208.43.41.187/~btalahc/showthread.php?t=32820

اخوي مدري اختي المهم انا بقولك شي بخصوص اللغه الانجليزيه


صدقني لو اخوك عنده رغبه في تعلم اللغه الانجليزيه


بمعنى انه ما اختار تخصص اللغه الانجليزيه الا عن رغبه وحب في تعلمها


بإذن الله راح يتعلم بس الشغله يبغالها اول شي فهم للقواعد بعد كذا يجي التطبيق او الممارسه


ويحاول المتعلم انه يحفظ اكبر عدد ممكن من الكلمات والجمل بالإضافه الى مشاهدة الأفلام والبرامج باللغه الانجليزيه ( لهدف الإستفاده لا غير )


وعموما المسأله ترجع للشخص نفسه ومدى تقبله لهذي اللغه من البدايه


اما بالنسبه للجامعات صدقني عندنا معاهد تدرس اللغه الانجليزيه باحترافيه وانت في وطنك وبين اهلك


لكن بعضهم يفضل السفر للخارج عشان يكون قريب من اجواء اللغه ويحتك مع متحدثيها وبالتالي يتعلم بسرعه


وانا في رأيي هذا افضل طبعا للي عنده استطاعه انه يسافر ويتحمل تكاليف الدراسه والمعيشه

خليني أبدي رأيي و المجال لك مفتوح أنك تاخذ به أو لا ..

شوف تعلم اللغة الإنجليزية موب بالصعوبة اللي تخلي الشاب أو الشابة أن يفكر يتغرب عشان تعلمها !!

هذا كان زمن ماضي كان في وقت وسائل المعرفة متقفله الأن كل شي مكشوف مافي شيء مستخبي ..

فنصيحتي موب أي أحد يخرج برا وأنت عارف مجتمع مُتفتح مثل المجتمعات الغربية ياخوفي بدل يجي الشاب متعلم يجي وراسه مليان أفكار تحرريه !!؟

عندك برامج كثييره في النت يمكن يحملها طالب اللغه , المبلغ اللي بيروح فيها للخارج يختار له معهد له سمعه طيبه وقوية في التعلم مثل المجلس الثقافي البريطاني أو أكاديمية الفيصل يجلس عندهم سنتين بس يُمارس اللغه بكل لحظة موب حفظ وبس ؟!!

ويمسك له أحد من الأجانب وخليه يدردش معاه حتى لو حكي مكسر بس مع الوقت بيطلع بُلبل اللغة موب بيوم وليله تتقنها يبغى لها صبر أقل شي لو هو حاط له برنامج ست أو سبع شهور هذا إذا عنده الرغبه أنه يطلع بلغة تفيده في مستقبله ..

يارب أكون أفدتك بشيء ..

8888

أنا مارآح أجبر السآئل بوجهة نظري هو أدرى بمصلحة أخوه ..

بس اللي أشوفه الجيل الجديد هذا مدلع نوعاً ما بالرغم أني من هالجيل بس مقهوووره منهم ؟!!

يعني اللي قبل كيف صاروا بلبل وهم ماطلعوا برا بنووووب ؟؟

عندي أخواني ماشاء الله عليهم مناصبهم عاليه في المجال الطبي ومع هذا ماعمرهم طلعوا برا يومــ ( ن ) كانوا صغار وبلابل في نطقهم ..

العبره موب بالسفره بالخارج العبره بالإنتاجيه اللي بيحصلها الطالب ..


موفقين كلكم يارب ..

أختكم ..

اشكركم اخواني واخواتي علي الرد ما قصرتوا لاكن اخوي اختار قسم اللغه الانجليزيه عشان التوظيف ما هو عن رغبه قلتله نفس الكلام انه يطور نفسه داخل السعوديه لاكن يقول ابغا اسافر برا احسن صراحه الواحد في صراع

اذا خلاه هنا ممكن ما يمشي في التخصص واذا قاله سافر ما احد يظمن الجيل هذا برا من الدشره عشان كذا المفروض الدكاتره بالجامعه يراعون الطلاب خله يتخرج مثل الهندي عندنا اللغه تعبانه وبعدين اذا توظف وتزوج

يطور نفسه يسافر مع زوجته ويتعلم بالمره لغات

أخوي هو يرجع لهمة الشخص صدقني لو هو حتى داخل بلاده بس يتعلم ويجتهد في غضون شهور يطلع لك حريف لغة ..

بس هالجيل يشوف ربعه طالعين ويقول يالله أبطلع معهم ؟!!

إذا هو دخل التخصص عشان التوظيف لازم يحب هاللغة حتى مايستثقل تعلمه والمدة اللي بياخذ فيها لأن نفسه يمكن ينقطع مع تعلم اللغة وبيمل منه ..

وإلا كذا ماراح يستفيد بنووووب وخاصة أن اللغة موب حفظ وبس اللغة ممارسة وتطبيق ..


الله يوفق الشباب والبنات في حياتهم ..

اللغة الانجليزية تحتاج ممارسة بمعنى لابد اخوك يكون عندة المام بالتحدث حتى يتقن التعامل مع هذة اللغة بالدراسة بالجامعة
المعاهد الداخلية لافائدة منها فقط شهادات بلا خلفية علمية واكبردليل غالب خريجي الجامعات بأي تخصص تجد ان خلفيتهم الانجليزية صفر مع العلم انهم درسوا بالثانوية والجامعة مواد انجليزية لكن حفظ فقط بدون اتقان
بختصار اخوك يحتاج لدورة ثلاثة اشهر خارجية وهذا مافعلة احد اقاربي الذي تخصص انجليزي