عزيزي كاتب الموضوع
والمحترمين الذي تم من قبلهم الردود
احنا نتكلم ونقول سعودي هاجر وناس تجلس تلعن في هالسعودي وانه ناكر جميل الوطن
و و و و و و و و
وناس تدعيله بالتوفيق والرضى من الله والوالدين وان يفتحله ابواب رزقه
شباب احنا مشكلتنا والي خلق سبع ماندل القرآن وين الآ من رحم ربي
يآخي الرزق بكل مكان والشغل ماهو بعيب وانا لو تحصلي وظيفه بمكان خارج دولتي السعودية آكيد راح اروح
تدرون ليش؟.؟
هاذا رزق الرازق اجي انا وانت واقول لا انت خنت البلد وانت فيك ويخطيك
ربي قسم الآرزاق وانا ماراح اطلع من السعودية الا اكيد حدتني الضروف للغربه
وانا بصراحه ما اشوف فيها غربه كلهم اهلنا واخوانا بالخليج
وبسنا ماخذين عزه بآنفسنا وكانه نحن شعب الله المختار ونحن الذي لايحصل منه زلل ولاذنوب ولامعاصي ولاشيء
والواحد يفكر بعقله
الهندي والمصري والسوري و و و و صارت له قيمة اعلى مني كسعودي
والي خلق سبع وبطنها
انا كنت اعمل في شركة الزامل الي اعتقد اكثرنا يعرفها
عملة بهاذه الشركة لتكيف طبعا مو اي فرع اخر
آقسم بالله دعس على الكرامه
باليوم احمل انا والشباب الي كانو معي 40 مكيف تغسيل وتنظيف
والراتب 2400 ريال زياداة سنويه سلملي ناس قبلي سنين خدمو ماجاتهم زياده سنويه
السيارات معنا باص موديل 96 بدون مكيف والهنود معطينها باصات على ايام 2007 وكاله
رحنا كلمنا المدير يقول الشعب السعودي يخرب السيارات
الي يسمعه ماهو سعودي
وثاني شي سيارة موديل 96 كم صارلها سنه تخدم
آكيد راح تتعب وتطلع خرباتها
وغير كذا
آذا هندي سلك او شتمك عاادي جدااا لاتفتح فمك
ولو هندي حتى تبلى عليك انك سويتله شي يتم فصلك من الشركة؟...؟ وتلمون الشباب ؟؟؟؟
ويضحكون علينا رواتب السعودين عاليه والمساكين الهنود رواتبهم متدنيه
الهنود الي كانو يشتغلون معانا
رواتبهم 1400 معا البدلات 1700 آحلى سكن+ آحلى مواصلات
السعودي 2400 ريال السكن عليك والمواصلات عليك والاهانه عليه
وكل هاذا عشان مانبين للخليجين انه ترى حنا شعب عزيز وشعب مترف وشعب مافيه مثله
الله يستر من الزمان الجاي
وحاب اقول نقطه قبل ما انهي كلامي
رواتبهم 1400 معا البدلات 1700 آحلى سكن+ آحلى مواصلات + الطعام والوجبات اليوميه
السعودي 2400 ريال السكن عليك والمواصلات عليك والاهانه عليه
اعتقد الي يقدر يحسب يقدر يعرف مين الي راتبه اكثر من الثاني
وكل هاذا ونحن شعب غير مظلوم ونحن شعب على قولة القصيبي مترف ومجربنا الحياه
اعتقد المترف الي هو بمنصب وزير ماهو واحد عاطل وعنده مليون التزام لازم يرتبط فيه
شقه + زواج+سياره+ مصاريف آهل + تكوين حياتك و و و و و و و و و
واذا على قولة الوزير القصيبي الهندي ترى يالقصيبي الهندي سحب ميزانية البلد
والهندي براتبه الي ياخذه هنا خلال سنتين يبنيله بيت او 3 سنوات
وثاني شي وشو الراتب الي تتكلم عنه تراء رواتبنا 3000 والا 4000 يعني ياالوزير القصيبي آبي اجمع نص راتبي لمدة سنتين عندك يمكن آحصل آرض
او احصل بيت فوق جبل بآحلى الآثاث زي الهنود

نآس تبربر على فاضي

تقبل مروري عزيزي
اخوك بوسارا