مين يعرف شركة عبد اللطيف الغامدي

نواف الغرام · #1 (**permalink**) 29-11-2009, 01:09 PM

السلام عليكم

يا اخواني طالبكم طلب

دق علي رقم من جده تلفون ثابت يوم صحيت دقيت محد رد المهم اليوم الثاني دقيت رد علي واحد

قلت ياخوي دقيتم على ذا الرقم قال وش اسمك عطيته اسمي قال انت محتاج وظيفه قلت ايه

قالت من معي قال معك شركة عبد اللطيف الغامدي تجينا في جده في شارع التحليه وصفلي سوق مدري مستشفى ونسيته المهم نزلت جده دورت مالقيت الشركه كل مسئل واحد وصفلي غلط

وابي منكم خدمه
تكفون ترى تكفى تهز الرياجيل
معلومات عن الشركه
ورقم التلفون حقهم

ماجد عبدالعزيز · #2 (**permalink**) 29-11-2009, 01:42 PM

وعليكم السلام ورحمة الله وبركاته.

شركة عبداللطيف الغامدي موقعهم خلف مطاعم لبنان الي بالتحلية وهي في فيلا .

وانت بشارع التحلية تعدى سوق الصيرفي ميجا مول على يمينك تحصل مطاعم لبنان موقعهم بالشارع الخلفي .

والشركة بفيلا .أسأل اي احد بذاك الشارع يدلك عليهم.

وهذا رقمهم: 026615216

بالتوفيق

عاطل حارتنا · #3 (**permalink**) 29-11-2009, 02:16 PM

مبرووووك

نواف الغرام · #4 (**permalink**) 29-11-2009, 07:59 PM

الله يوفقك ومشكورين على المرور

بس بسئلك عندك خبره وش نظامهم يعني وظائفهم شنو هي؟

نواف الغرام · #5 (**permalink**) 29-11-2009, 08:08 PM

اقتباس:

مبرووووك

الله يبارك فيك
بس للحين ماصار شي

غدووو · #6 (**permalink**) 30-11-2009, 06:13 AM

هي شركة توظيــــــــف أخوي وهذي معلومات عنهااا بالنسبة لفرعهم بالرياض اما جدة مادري واكيد لهم نسبة من راتبك

مجموعة المهندس عبد اللطيف سعيد الغامدي للتجارة (قنوات الرواد سابقاً)

الموقع : طريق التخصصي وانت متجه شمال لما يجي مطعم اللؤلؤة على يمينك ويقابلك أول إشارة يكون في الزاوية البنك الأهلي تروح يسار مع الإشارة من ثم أول لفة يمين من ثم تمشي مسافة 50 متر يجي على يمينك مواقف ومبنى هذاك موقعهم في الدور الأول
نشاط الشركة : توظيف تعاقدي في بنك الرياض وسامبا و مصرف الانماء وموبايلي وكثير من القطاعات على وظائف محصلين ومندوبي مبيعات ومدخلي بيانات وتسويق وحراس أمن وفي اقسام القروض والفيزا والكول سنتر
هاتف الشركة : 4888558- 01
فاكس الشركة : 4828916-01
http://www.unipic.net/faqs_ar.htm