السلام عليكم ورحمة الله وبركاته
...
مسلسل المهزلة في الشخمطة السعودية
بطولة : التونسي سواق التريلة
الاشراف العام وقائد المهزلة في جدة : طارق العليان
انتاج شركة : الشخمطة الجوية السعودية
اخراج : متمرمط في الشخمطة

يوميات ممرمط في (الشخمطه) الجوية السعودية


البداية ..

المكان : الرياض ـ مطار الملك خالد الدولي ـ الساعه الخامسة فجرا

الرحلة من الرياض الى المدينة
..
آنا مواطن حالي حال غيري وصلت الساعه الخامسة فجرا يوم عرفه الى المطار قبل موعد رحلتي بـ ساعه
( مع العلم ان الحجز اوكي )
وماسك صف مع الخلق على اساس الحصول كرت صعود الطائرة ..
وعندما اقترب الدور عندي سمعت الموظف يقول (قفلت الرحلة) ..!!!

سألته : كيف قفلت ؟ ومن ركب اصلا اذا احنا اوكيه ؟
قال : حنا نعطي الي يجينا بدون مانشوف الحجز ..!!
(الدعوهـ شختك بختك )
قلت له : طيب كيف ماتشوفون الحجز؟

قال عندنا زحمة ؟ بياخذ وقت ؟
لكن انت تعال لي الساعه السابعه وانا اشوف لك رحلة بس ما اوعدك انك تطير
..
لـ حد الان انا عندي امل .. وصارت الساعه سبعه وقابلت الموظف
قالي : خلاص انا راح اكلمك لك الي بيستلم بعدي ... (وبصراحه ماقصر كآن المسؤول الاول على الموظفين اسمه ياسر)
جاء الي بعدهـ بعد ماشرح له (ياسر) وضعنا ...
وحنا كنا اربعه .. وانتظرنا من الساعه 7 صباحا الى الساعه 10.15 ونحن من صف الى اخر ..

مرهـ الى المدينة ومرة بيشه ...!!
وينقلون الصف مرهـ يمين ومرهـ يسار والموظف ماتحرك ...!!
واخيرا اخذنا كرت صعود الطائرة وذهبنا في صالة الانتظار ..
حتى حان موعد الرحلة (والله العظيم مانادو على الرحلة ولا شي فجأة لمحت واحد من الموظفين الخطوط (الشخمطه) ينادي المدينة المدينة )
..
المهم الكلام هذا الساعه 1.30 الظهر (طبعا حنا صايمين)
ركبنا الطائرة فرحين .. وتفكيرنا اننا خلاص بنوصل المدينة .. المهم بالفوضى ويالله دخلنا الطيارة ..

وجلسنا الى الساعه الثالثة ف الطيارة وبعدها اقلعنا ..

ومن سحابه في سحابه ...
وانا كنت جالس على الطرف (يعني اشوف الي برى)
..
ودخلنا في سحابه كبيرهـ وطلعنا منها ..مرينا بـ مطبات قوية ...
ودخلنا المدينة ووصلنا الى طريق المطار وشفنا معالم المدينة
وكل شي واضح

فجأة مر بـ مطب خفيف ...!!
بعدهـ (سواق التريلة) اقلع بالرحلة ويقول نظرنا لـ ظروف الطقس لايمكننا الهبوط في مطار المدينة ..!!
وسوف نهبط في مطار جدة..!!!
ليش جدة ماندري؟ مع العلم تقريبا ثلاث رحلات من الرياض الى جدة ماطارت والسبب ظروف طقس جدة..!!
ليش يودوننا هناك ما ادري .. (يمكن يحسبوننا فئران تجارب) ولا عشان (سواق التريلة) ماهو مخلص شهادة ويتدرب علينا خاف من النسمة وطار
المهم ...
وصلنا جدة قبل صلاة المغرب بـ ربع ساعه نزلنا الى مطار جدة
وابتدت معها قصة جديدة ...
..
نزلنا تحت وسألنا الموظفين وقلنا حنا جايين من الرياض عالمدينة وجابونا على جدة بالغلط ؟
وش الحل قالو اطلعو فوق واخذو بطاقة الصعود للطائرة .. رحنا فوق واخذنا كرت صعود الطائرة
وفرحنا قلنا ان شاء الله خلاص اول رحلة بنطير للمدينة اول ناس ...
..
نادونا ع المطعم (عساهم مايبلونه) والعالم والخلق ع المطعم ..عدد كبير جدااااا
ومعنا من غير رحلتنا يجي تقريبا سبع رحلات متأخرة ..(والله مهازل)
والعالم متكومة في المطار (مثل حراج بن قاسم يوم المكاين) ...
..
المهم الاخوان يطيرون رحلات دولية مرهـ ابوظبي مرهـ الخرطوم ومرهـ مدري وين...

وفجأة طارت ثلاث رحلات للرياض مرة وحدهـ
سألنا الموظف كيف تطير رحلات للرياض وحنا ماطرنا ؟ مع انه المفترض انو رحلتنا الاولى ؟؟
قال الموظف : انا ما ادري انا بس ادخل ركاب ..!!!!!
(والشخص هذا كان في قمة الاحترام في التعامل وللإسف ماعرفت اسمه)
عطاني اجابة صريحة قلت له من المسؤول .؟
قال : المشرف تحصله تحت .... رحنا للمشرف وشرحت له الوضع وقلت له انا لي 35 ساعه مانمت ابي ارتاح قول لنا متى راح نطير ؟؟
عشان نرتاح ع الاقل ننام في المطار..! الين تجي رحلتنا الموقرة
قال : الرحلة ممكن في اي لحظة تقلع ..!!
قلت له وش الحل ..قال : انتظر
الكلام هذا الساعه سبعه المغرب كان عندي امل على الساعه تسعه بالكثير اننا نقلع الى المدينة ...
جت الساعه عشرة ولا في شي وكان معنا (طفل) وامه عمرهـ ثلاث سنوات .. (تعب على امه وارتفعت حرارته)
وراحت للموظف ونقلها لـ مستشفى المطار وعطوهـ ابرهـ ورجعوهـ بس
وانا انظر للطفل بين اكوام الناس وذهبت اليه واخذته هو وامه وجلسته عند البوابة رقم 4 عند الموظف ورفض ..
قلت له الولد تعبان : قال انا داري وانا الي وديته للمستشفى
قلت له : (لا يـ شيخ ) يمكن الولد معه مرض ولا انتقلت اليه عدو من الزحمة قال ما اقدر ادخلك ..!!
المهم.. اخذت الولد (ودفيت) الموظف وجلسته في ساحه الموظفين عن الزحمة
جت الساعه 11 وماجاء شي .. وفجأة نادو على رحلة لـ (وادي الدواسر) ولأول مرهـ اعرف ان وادي الدواسر فيها مطار
وكنت انا موجود عند الكونتر ..تخيلو كم عدد الركاب ...؟؟؟؟؟؟؟
..
صدمة ...!!!
الموجودين في الصاله تقريبا اكثر من 5 الاف مواطن والاطفال وكبار السن متبهذيلن
والي حصل كان لي صدمة ...؟
العدد 18 راكب بسسسسسسسسسسسسسسسس..!!!
لا ارادين قلت للموظف : وين المسسؤول ؟
قال لي تحت الي هو : مدير مطار جدة : طارق العليان
رحت لـ طارق العليان في مكتبه الزجاجي والباب مقفل وفيه ست اشخاص ينتظرونه وهو ولاهمه
بعد مادقينا الباب بقوة طلع ينافخ يقول ايش فيك ؟
قلت ابد مافي شي بس ابي اعرف ليش جايبيني في جدة؟ وانا رحلتي للمدينة ..؟
قال : الطقس ..؟ قلت ياشيخ خاف الله حجاج ما راحو من الرياض لـ جدة بسبب الطقس . مو المدينة ..؟؟
والحين تقول المدينة والطقس ..(مع العلم ان شركة ناس رحلاتها شغاله الى المدينة وجدة شغاله)
....
بس على ما اعتقد ان (سواق التريلة) يبي يعيد مع اهله وحنا لا .... اسمه (.... التونسي ) > سعودي طبعا بس لقبه التونسي
....
مني كلمة ومن مدير المطار كلمة واخرتها قال لي مشغول بيروح ..!!
المهم .. قلت له حبيبي اول شي ابي تعويض عن الاضرار الي سببتوها لي سواء نفسيه او جسدية ... واخرها يوم راح من حياتي
بسبب اداراة فاشلة ... بس للإسف ردهـ كان حقير مثله ...وبكل برود يقول (روح لـ حقوق الإنسان)
قلت له انت اصلا فاشل...في الادارة وجاي بالواسطة قال لي احترم نفسك ومن الكلام ذا
قلت له : (البيك يصرف يوميا تقريبا 500 الف دجاجه وانت مو قادر تصرف طيارة مع العلم ان الطيارة اقل شي تشيل 150 راكب)
مع كلامي له .. طلع واحد بالواسطة للرياض ..!!!!!!!!!
شوف الي يقهرك ..

...
انا الان مواصل اكثر من 39 ساعه .. صعدت للصالة .. وقمنا وخربناها تصفيق ورقص وشعر ومحاورة
صارت مهازل ...لدرجة ان احد المتواجدين معنا ذهب الى المايك الذي ينادى به للرحلات وشغل مقطع شعر
واستمر لـ اكثر من خمس دقائق .... والعالم هسترهـ ولا احد من ادارة المطار تتدخل

بعدها اتى عسكري بـ كل احترام مسك الي شغل المقطع بالمايك ورد عليه خوينا ((المنتهي))
.قال : والله قفلوها معي ..ودف العسكري ومشا ...

استمرت المهزلة الى الساعه والواحدهـ صباحا ..واخيرا نادو بدون مايك على رحلتنا للمدينة وركبونا باص
اخذ مدة 15 دقيقة يمشي انا فكرة انهم راح يضحكون علينا ياخذو بنا لفة .. ويرجعوننا ..(يعني مافي عيد مع اهلنا)
تجي عليهم والله .. اذا مديرهم بـ هالحقارة ..توقع كل شي
المهم اتفقنا اذا انها كانت لعبة ..اول شي بـ نضرب السواق بعدين نتفاهم مع المدير.. بس يحمدون ربهم انها ماكانت لعبة ...
ركبنا الطيارة .. وعلى المدينة واذا بالشعب (المصرفد) وصل بحمدلله وسلامته الى المدينة المنورة بعد رحلة معاناة استمرت 24 ساعه ..
والاصوات تتعالى وتردد (يافرج الله) مع العلم ان بعض من الاشقاء في العرب موجودون معنا وفشلونا معهم بس خلوها على ربكم
...
في الاخير اطلب من كل من اطلع وقرئ قصتي المأساويهـ ان ينشرها ....

هذي نهاية الواسطات
بس احلى شي خربتوها عليهم

أولاً :الحمد لله على السلامة
ثانياً :الله يعينك على مرمطة الخطوط والله لو أنك مسافر بالسيارة كان وصلت بدررررررررررري.
ثالثاً: والله اعجبتوني يوم قمتوا وخربتوهاااا ههههههههههههههههههههه هههههه
رابعاً: الواااااااااااااااااااااااااااااااااااسطة ( ذبحتنا الواسطااااات )
وتقبل تحيااااتي

والله انكم صادقين كلها من الواسطات ^^

والله خربانها من القهر يعني باقي ع العيد تقريبا خمس ساعات وحنا مواصلين يوم ونص وتعبانين

الحمد لله على السلامه


ومن العايدين ومن الفايزين

والله يعننا على الواسطـه

اول شي حمدلله ع السلامه وبعدين ترا قصتك مأساويه جدن جدن..
واهنيك على طولة البال انا لو منك ادقها كعابي ولا اجلس انتظر ع الفاضي

والادها والامر اني سالت المشرف قلت له ممكن سؤال؟ وابي جاواب
قال تفضل لا وبكل ثقه
قلت له هالحين كل انواع العصيرات عندكم الا عصير واحد
الي هو اليمون ليش مافي
ماتبون العالم اريح الاعصاب والا هذه من عندكم صايره من الممنوعات
قال ومين قالك قلت خلاص لف واذا لقيت جيب واخذني ولفينا وماحصلنا قال غريبه قلت ماغريب الا وجودكم

اول شي الحمد لله على السلامه

ثاني شي ربي يسعدك ويسعد الكل

وربي موتني ضحك لآتسألني ليش ههههههه

لكن أنا اسمع عن الخطوط إن مشاكلها كثيرهـ

لكن تأمن بالله ؟؟

أسافر اسبوعيا من مكان لمكان

ما عمر مر عليه موقف من اللي تمر

على الناس ، حجز اوكيه ، صعود اوكيه

اقلاع اوكيه ، وصول اوكيه

ههههههههههههههههه

يعني ما اشوف في الخطوط شي

يمكن عارفين إن ما عندي

طوله بآل مثلك وممشين

آموري خخخخخخخخخخخ

تحياتي لك