الحمدلله رب العالمين والصلاة والسلام على اشرف الانبياء والمرسلين سيدنا محمد عليه وعلى اله وصحبه افضل الصلاة واتم التسليم اما بعد .

انا كنت موظف في الشركة وكانت وظيفتي في قسم الصيانة ومدة خدمتي تقريبا 4 سنوات طبعا مدير الورشة والمشاريع كان مصري كان طيب وفي نفس الوقت نحس الراتب 2300 مع البدلات كان بدل معيشة بس والاساسي 1800 كان في اوفر تايم ومشيين حالنا به والمدير العام كان هندي كان محترم معانا بس المشكلة زيادة راتب مافي اذا تكلمنا عن الزيادة قال اخذ اضافي والزيادة انشاء الله راح تجي اما بالنسبة للمصري كان يعطينا اوفرتايم قد مانبقى المهم انفذ اوامره وكأنه يدفع لنا من جيبه .
تقريبا جلسنا على الحالة هاذي سنتين او سنة ونص وبعدها تقيرت الادارة المدير العام سافر نهائي استلم مكانه المصري فترة بسيطة وبعدها جابو لنا مدراء بريطانين 3 اشخاص وكل واحد مسك منصب
اما المصري تم نقله للمكتب الرئيسي ومسك مكانه بريطاني واول حاجة وقف الاضافي نهائي
وفي 3 فورمن جاتهم زيادة مرتين في سنة واحدة طبعا هنود
وفي تقريبا 8 عمال جاتهم زيادة ولا ارامكو ماعطت زي كذا 2000 ريال على راتبه
والمدير العام عراقي مجنس سعودي كل ماكلمناه عن زيادة قال انا ماقدر اسوي شي
الاجانب في الشركة كانو تقريبا 200 اما السعوديين 10 اشخاص المهم جى واحد للأسف انه سعودي توظف مندوب تقريبا جلس سنة وحدة وبعدها صار مسؤول على 7 سعوديين اول مرة انا اشوف شركة اتحط مسؤول على سبع اشخاص وكان غير كل الأنظمة وجاب أنظمة من راسه
اي تأخير خصم من الراتب حتى لو دقيقة الغياب والأستأذان نفس الشي ماكأنك استأذنت خصم يومين
من ظمن الأنظمة الي جايبها
التحضير خمس مرات 1-ضرب كرت 2- السكرتي يحظرنا في الاوراق الي عنده 3-الفورمن يحضرنا عنده 4-سوالنا اوراق علشان انسجل فيها طول 8 ساعات ايش اشتقلنا وكل شغلة كم استغرقت وقت 5- اذا جينا نطلع من بوابة الشركة لازم ورقة موقعة ومختومة من عنده حتى لو كان العمل للشركة
طبعا الختم مكتوب عليه اسمه و سوبر فايزر فور سعودي
وهذه الانظمة كلها بس ل7 اشخاص والادرة متعاونة معه لان الادارة مافيها ولا سعودي واحد مسوي نفسه سعودي والباقي بريطانيين مسيح وكلهم متعاونين على السعوديين علشان يطفشوهم
وانا واحد من الي طفشو حاولت استحمل لكن ماقدرت والحين عاطل عن العمل صارلي تقريبا اربع شهور
وأقسم بالله العظيم ان مافي كلمة كذب وهذا في ذمتي وفي يوم نتحاسب على كل كلمة نقولها
والحين معندي غير كلمة حسبي الله ونعم الوكيل في كل واحد تسبب في قطع رزق احد
(( قطع الأعناق ولا قطع الأرزاق ))