السلام عليكم
ابي تفيدوني في مشروع قطع غيار السيارات كم يكلف وشهي الاجراءات لفتح محل وهل توقعون يربح في النعيريه

قطع السيارات ينفع في أي مكان
شريطة جودة القطع وأسعار مقبوله
ولكن يحتاج مبدئياً لمبلغ جيد
وبعده تنزل على التصريف
وفقك الله

اكيد ينجح باذن الله وخاصه على الخط السريع واذا فيه ورشات ممتازه

مثل ماقالوا الاخوان
ويبغى له راس مال

اتمنى لك التوفيق
تحياتي

في النعيرية اتوقع له النجاح بإذن الله وخاصة ان النعيرية تستقطب الناس في وقت الربيع

انا العام كنت ابحث عن قماشات لسيارة نوع جمس ونيت حجم 15 ما لقيت في النعيرية كلها

حاول تركز على احتياج السوق

بالتوفيق

__________________
ومن يعمل من الصالحات وهو مؤمن فلا يخاف ظلما ولا هضما

الله واعلم يالغاالي

الله يوفقك

اخي الكريم , بعطيك خلاصة تجربتي في قطع غيار السيارات لأكثر من ثلاث سنوات , وهي :
ــ تحتاج لرأس مال قوي جداً , عشان توجد بضاعه (بشد الجيم) (يعني تكون اكثر طلبات الزبائن متوفره عندك ) كعنصر ترغيب هام جدا جدا جدا .
ــ أرباح قطع الغيار تعتبر بسيطه يعني بحدود ( 15% إلى 30% ) لأغلب القطع , ولكن الربح الحقيقي يأتي بكثرة التصريف .
ــ ركز على التعامل مع الورش يعني ( مع الميكانيكيين ) وعطهم عموله على كل فاتوره عشان يحرصون انهم يشترون القطع من عندك , مع ملاحظة ان مبيعاتهم أجله , لين يسددهم راعي السياره .
ــ لو قدرت تشبك مع الدوائر الحكوميه لمشتريات قطع غيار سياراتهم تكون خطوه ممتازه جدا جدا يعني ( الاماره + البلديه + الدوريات + المرور ....... الخ ) .

طبعاً أنا اشتغلت في هالمجال ثلاث سنوات وبعدين قفلت المعرض .... لـيييييييييــش ؟؟
لأني اخذت تعميد من جهه حكوميه وكنت اأمن لهم قطع غيار كل سياراتهم ( نيسان + تويوتا + فورد + جمس ) ولكن المسؤل اللي اعرفه تقاعد وراح الظهررررررر , وحاولت كثير ادخل السوق وابيع للورش ولكن واجهة مشكلة التحزب بين الاجانب وقوة التجار الحضارم بتأمين القطع وما قدرت انافسهم الا بطريقه وحده ؟؟؟؟ الـــغـــــــش !!!!!
وهذا بالنسبه لي كان من سابع المستحيلات , وطريقة الغش تكون بقطع الغيار المعبى ... وشو المعبى ؟؟
المعبى : هو قطع غيار تجاري يتم تغليفه بكرتون قطع أصليه ووضع استكر اصلي عليه , ويتم بيعه بسعر الاصلي وبأرباح تتجاوز 80% وتصل الى 120% .

من هنا , أثرت على نفسي الأنسحاب وشكر الله على ماجنيت خلال ثلاث سنوات من المبيعات الحكوميه , وصلى الله وبارك ..

نصائح مهمه , إذا انت دارس السوق مظبوط :
ــ البائع يكون من الجنسيه اليمنيه ويشترط أن يكون لديه خبره ممتازه في هذا المجال , مهم جدا جدا جدا .
ــ لابد من وجود مندوب لتوصيل القطع للورش وتحصيل المبالغ ويكون ( هب ريح وشقردي ) ويعرف يشبك مع الورش صححححححح .
ــ جملة قطع الغيار بالرياض موجودين في دويرة الخرج وأشهرهم ( بانعيم + العمودي + باحليوه + الحمد + التقوى + السبيعي + الرسام + ونسيت والله الباقين )
ادرس المشروع زيييييييــن , واستخر الله , وحط في بالك أقل شي يبيلك 150 الف إلى 200 الف ريال هذي للبضاعه فقط , عشان تقدر تنافس .

الله يكتب لكم الاجر والمثوبه والشكر لكل شخص ابدا لي رايه