السلام عليكم ورحمة الله وبركاته


في يوم من الايام كالعاده ارسلت ايميل لوحده من المستشفيات الخاصه

وبعدها بكم يوم بس اتصلوا عشان المقابله طرت من الفرحه

ورحت المقابله وبدعت وبعدها بكم يوم اتصلوا عشان اوقع العقد

الوظيفه راتبها 3500 ما شي حال المبلغ

بديت احلم فين بكمل دراستي ( ابي ادرس وانا اشتغل )

وفكرت بطقم ذهب اجيبه لامي في اول راتب في حياتي

فكرت بالاشياء الكثيره اللي ودي اشتريها << يعني احلامي خذني للسماء

مالكم بالطويله

رحت سويت الكشف الصحي وكل شي

وقالوا توقيع العقد اول يوم دوام تعالي الساعه الفلانيه

جيت وانا فاطره مجهزه نفسي اني بداوم والفرحه مو سايعتني

المفاجاءه اللي ما جات على بال احد

قالوا لي روحي الطبيب وخذي الفحص رحت ولا الطبيب يقول لي بالحرف الواحد

ايه ده انتي عندك hcv احنا ما نعينك في اي مستشفى

عارفين احساس لما احد يكب عليكم مويه بارده هذا اللي صار لي

قلت ايش hcv ? قال التهاب لكبد الفيروزي

انا اعرف المرض هذا بحكم دراستي انه ينتقل بالعدوى

قلت له متاكد؟ قال روحي المختبر وتاكدي رحت وقالوا لي نفس الكلام


ركبت لومزين وجيت بيتي واول ما وصلت صليت شكر انه قواني ربي

الين اوصل البيت من الصدمه


في نفس اليوم جاني اتصال من مستشفى حكومي كنت انتظر تلفونهم من 4 اشهر

والوظيفه ما كنت احلم فيها والراتب ضعف اللي اللي كنت راضيه فيه

طبعا رفضتها وقلبي يتقطع

عشت يومين الله لا يوري مسلم حالتي او حاله اهلي

سويت فحص ثاني في مستشفى خاص ثاني وقالوا في اجسام مضاده حقت المرض

بس سوي التحليل هذا اسمه pcr قيمته 2000 ريال ويتسوى في خارج الدوله

سويته وبعد انتظار اسابيع من القلق والحيره وهم مو على صحتي بس على مصاريف علاجي


طلعت النتيجه سلبيه

يعني ما عندي هامرض << تخيلوا الفرحه


الحمدلله على نعمه الصحه


باركوا لي على السلامه


وادعوا لي القى وظيفه احلامي


هذه سيرتي

https://www.btalah.com/showthread.*****..08#post1824608

اولا الحمد الله على السلامه

والقروش والوظيفه بالطقاااااااق المهم العافيه

بعدين شفيك رفضتي الحكوميه ؟

حلوه رواتبهم وعلى الاقل وسط الديره

لازم تكونين قنوعه >> مو مهم الراتب المهم تستفيدي من وقتك وتاخذين خبره




:

الحمد لله ان النتيجة تمام
الله يوفقك و يرزقك باللي تتمنين

الحمد لله على سلامتك

الله يعوضك خير إن شاء الله

ياقلبي ربنا يديكي الصحة والعافيه

كولو يتعوض بإذن الله

الحمدالله ع السلامه اختي

والله يعوضك خيراً منها يارب

أتمنئ لك التوفيق يارب والله يرزقك بالوظيفة الي تتمنيها والحمد الله علئ سلامتك

الحمد لله على السلامه والله فرحت لك

والوظيفه لاتشيلين هم ربي بيرزقك ان شاء الله

الحمد لله على سلامتك ياعسل

وعسى ربي يرزقك ويعوضك خير