غلا ياغلا لاحظت انك متحمممممممممسة مرة انا كنت كذا اول مافكرت اسوي مشروع بس بعدين جاتني نصيحة انه اللي اكله بيديه الثنتين غص ههههههه يعني حلو الحماس بس ركزي على جزء في المشروع وبعدين كبريه وحدة وحدة ولاتشتتي نفسك يعني خلي بعض الاشياء خطط مستقبلية تابعة للمشروع


يعني ماشاء الله مشروعك مرررررررة حلو وفكرتك حلوة وجديدة وسهلة وحمستيني معاكِ
بس فهمت انك بتسوي اشياء مرة كثيرة واشوف انها صعبة شوية وتقدري تسوي المشروع بس بشكل ابسط وبقولك ليش صعبة لانه: اتوقع ماعندك خبرة في الموضوع والثاني انه ماعندك راس المال ((حتى لو بقرض ماهو ملكك يعني تعتبريه سلف ودين ))
ولاتفكري اني بكلامي بحبطك بالعكس
يعلم ربي نيتي واني بقولك لو انا مكانك ايش فكرت... وانا زي ماطلبتي بقولك ايش اللي عجبني وايش لا والسبب

1-الفكرة انه بوفيه وانت تسوي الديكور حلوة
2- الفكرة انك تسوي عشا تجريبي للأكل حلوة
3- انك تسوي الاكل ضمن المشروع صعبة
والسبب: انه هذا مشروع لوحده مطعم واكل خصوصا انت تعرفي البوفيهات تكون متنوووووعة يعني مقبلات حلويات اطباق رئيسية مشاوي وذبايح يعني اشياء يبغالها مطعم متخصص مو اي مطعم ويبغالك مطبخ وطباخين واشياء كثيرة وهذي ميزانية كبيرة ومجهود لوحده

4- انك تتفقي مع وحدة تسوي الديكور حلوة ومي حلوة

مي حلوة لانه انت تقدري تسويها بنفسك تشوفي صور في النت وتسويها او تشتري في بنات كثيييير يسووا ديكورات ممكن تشتريها منهم وبعدين انت بس تركبيها
وبالنسبة للبنوتة اللي بتتفقي معاها ماانصحك براتب لانه انت ماتعرفي كمية الطلب لانه مو كل يوم الناس تبغى بوفيهات يعني زي الكوش لحد ماتشوفي الاقبال وبعدين ممكن تلاقي احد براتب


هذي النقاط اللي شفتها وقلت ارد عليكِ فيها لو باقي شي ماقلته سوري :o ونفسي اقولك اقتراحاتي بس محتاجة اعرف كم شي

1-عندك خبرة في مشروع مشابه لهذا ولا اول مرة ؟

2-فهمت انه الديكورات حتجيبي احد والاكل نفس الشي تبغي تجيبي طباخات يعني انت بتتولي الادارة بس.. يعني ايش دورك في المشروع؟

3-كيف حتودي الاكل للقاعة اوللمكان يعني بنفسك ولا تجيبي عمال ؟ونفس الشي الديكور حتروحي بنفسك تزبطيه في القاعة ولا ترسلي متخصص؟

بس هذي الاشياء كل ماجيت اكتب فكرة احس اني ابغى افهم منك شي وعشان كذا قلت افهم مزبوط وبعدين اقولك بالتفصيل

وصح بالنسبة لدراسة الجدوى مرررررررررررررررررة غالية بنفسك تقدري تسويها وصدقيني لها متعة وبعدين وحدة في الامارات يعني مستحيل تسوي لك دراسة جدوى مزبوطة لانها ماتعرف اسعار الاشياء عندنا

ويلا بالتوفيق يااااااااااااارب لنا كلنا وتنجح مشاريعنا

اول شي لاتسمعي للي تقولك الناس ماتدفع لانه الناس لو شافوا شي حلو وسعره معقول حيدفعوا
ولمن يجربوه ويلاقوا جودته كويسة حيدلوا اصحابهم وناسهم وخصوصا زي ماقلتي انه اللي يسوا بوفيهات كويسة يتعدوا عالاصابع فانت لازم تققلي السعر عشان تغري الناس تجرب محلك

بس نجي لثاني شي

قبل ماتبدئي في اي شي ارسلي شخص للبلدية خليه يشوف شروطهم لمشروعك وايش الاوراق المطلوبة لانه على اساسها تكملي الباقي

خلصنا من المهم نجي للحماس هههههههه
مرة تمام انك الغيتي فكرة المطبخ كذا كل شي صار سهل ان شاء الله وبسيط

-بالنسبة للاكل شوفي ايش احسن المطاعم عندكم ولا تقولي مافي شي بطل هههههه مكة بطولها وعرضها اكيد فيها مطاعم بطلة روحي كل يوم وجربي مطعم وممكن كمان تسوي ذبايح وبعدين خلي واحد قريبك يكلم صاحب المطعم ويبين له انه في اتفاق مع ناس ومسؤولية يعني كلام من رجال لرجال ههههههه وتخليه يسوي لك اسعار خاصة مو عادي زي الزباين وبعدين الاكل يجي على محلك وانت توديه للقاعة وسوي منيو ولكل منيو سعر زي البوفيهات بالزبط العادي والغالي اللي تدخل فيه اسماك وجمبري ومنيو صيني ومنيو بخاري ومنيو اكلات شعبية

-بالنسبة للديكور بما انه غاليات سوي زي فكرتك حلوة انك تسويها بنفسك وهذا احسن شي واذا الفكرة في بالك ترا مرررررررررة سهل ودوري الارخص زي ماقلتي وروحي لاسواق الجملة في جدة بتلاقي اشياء تعجبك كثير واسعارها زي ابو ريالين ومن ناحية الخياطة روحي لخياط باكستاني لانهم ارخص من الخياطات واعطيه اصغر شي وجربيه بعدين اعطيه الشغل كله عشان لايخربه وترا في كثير ماشاء الله شاطرين واسعارهم حليوة وشجعيه قولي انك تسوي حفلات وممكن تجي تسوي عنده اشياء اكثر

-بالنسبة للسيارات وحدة تكفي مو لازم اثنين خصوصا انه وقت الديكور غير وقت الاكل يعني الديكور بتوديه بدري بس الاكل بيكون متاخرعشان مايبرد فسيارة وحدة تكفي مثلا زي الباص اللي يجي جوا فاضي مافيه كراسي بيشيل ويكفي ولو تتفقي مع عامل او اثنين شوفي اشخاص من هنا لاتجيبي من برا ووقت ماتبغيهم تكلميه يجي يسوق السيارة ويوصلها ويشيل ويحط يعني تحاسبيهم باليوم لانه شغلك بيكون يومين في الاسبوع بس فماله داعي استقدام ورواتب وترا في كثثثييييييييييييييييييييير شباب بتعجبهم الشغلة لان مافيها شي واذا مالقيتي سعوديين في الافارقة عندهم امانة وخصوصا لو تعرفوهم واسعارهم حلوة ويحبوا يسترزقوا وطبعا تتفقي مع اكثر من واحد عشان لو واحد مو فاضي الثاني فيه ولو عندكم سواق ممكن تتفقي معاه وتقولي له انه بتعطيه زيادة غير راتبه ولمن يجي الصيف تتفقي براتب في الشهر وكذا

بس هذا الاساس وخلي فكرة العزايم والحفلات ليش الغيتيها انا اشوفها هيا الاساس وتشهرك بين الناس وبتناسب بدايتك لان بتكون صغيرة فحلو تبدئي فيها وممكن تضيفي انه تجيبي طاولات وكراسي وتلبسيها وتزيني الطاولات وتجيبي البيتفور والشكولاته بس اهم شي في البداية تشوفي المكان قبل قبول الطلب عشان تعرفي المساحة وطبع البيت مليان اطفال بيخربوا عفشك ولا لا ههههههه اكيد فاهمتني

واخر شي بجاوب على سؤالك :لا ماقيد سويت مشروع بس بادية في مشروع محل ملابس بس لسا ماصار رحت ابغى اطلع الاوراق طلبوا معروض وهرجة اوراق رسمية فعشان كذا قلتلك روحي البلدية اول شي شوفي المتطلبات الله يسهل امورنا ويسخر لنا اولاد الحلال اللي يسهلوا الامور ويكونوا حركين وسريعين
وصح ترى مافهمت ايش تقصدي باللي بيتشغلوا معاك بنسبة20% قصدك البنت اللي بتروح معاك ولا مين؟

حبيبتي ... زي ما قالوا لك ممكن تكلمي اصحاب البوفيهات ...

بلنسبة لمكه .. صحيح ما فيها بوفيهات مرررررة لزيزة ... بس اتفتح الدار البيضاء عندنا في الشوقية في مكه ..

وصراحة اكله لا يعلى عليه .. وحتى حلوياته مرررة كويسة ... ايش رايك تروحيلهم وتعرضي الفكرة عليهم ..

وانا مررررررررة حبيت الفكرة ماشاء الله عليكي .. احنا بجد محتاجين اشياء لزيزة زي كدا في مكه .. احييكي من كل قلبي واتمنالك التوفيق يااااااااااارب ...

وانا عندي ليكي كم فكرة حلوة ... وكم مكان ممكن تتعاوني معاهم ... وهيكون حاجة مرررررة حلوة ... ارسليلي ايميلك وباذن الله .. اذا انتي حابة اعاونك ...

ومررررة بالتوفيق ..

اهلين فيكِ
انا الحمدلله بخير ومبرووووووووووك التقديم وعقبال ماابارك لك على القبول ولا تخافي اللي ربي رايده بيصير ان شاء الله بس زي ماقلتلك روووحي البلدية اول عشان تمشي وانت مرتاحة زي ماقلتلك انا ابغى محل ملابس وبعدين من ضمن الشروط حددوا لي مساحة معينة وبكذا الايجار بيزيد فتختلف دراسة الجدوى يعني شوفي شروطهم والتصاريح وبعدين ابدئي التخطيط وباذن الله كل شي يتسهل لك

وفكرة الحفلات اللي برا ماقصدت بس اطفال اقصد عموما خطوبة ملكة حفلة نجاح في ناس كثير يسووها في بيوتهم او استراحات يعني اي عرض يجيك لا تقولي بس افراح خلي الوضع عام واذا كان على اشكال الحلويات ففي كثير اشوفهم في المنتديات يعرضوا حلويات على شكل قبعات تخرج واشياء حلوة ولو مافي في مكة شفت وحدة في جدة قريب منكم يعني ممكن تلاقي شخص سعودي بسيارته تتفقي معاه مثلا كل ربوع يجيب الاشياء من جدة يعني الموضوع سهل بيروح يتمشى في جدة ويرجع ههههههه واللي يسووا الحلويات باشكال لاحظت اسعارهم عالية فانت اتفقي معاهم بالعمولة ومو لازم تربحي فيها كثير المهم تتميزي لانه اكيد حتى اللي بتقولي عليه الدار البيضا ماعنده دي الحلويات اكثر شي بشوفها عند تاجرات النت ومعليش كلامي مرررة كثير بس ماشاء الله مشروعك حلو واللي مشجعني انه سهل وتقدري تنفذيه باذن الله فيلا رجعي حماسك وروحي البلدية واسالي في كل مكان ممكن يدي قرض لا تعتمدي بس على جهة وحدة عشان مايروح وقتك وانت تستني ويااااااااااااارب يوفقك ويوفقني ويوفق كل الناس ويسهل امورنا ويحقق احلامنا