هموم عاطل

بوووووووناصر · #1 (**permalink**) 07-12-2009, 09:09 PM

السلام عليكم ورحمة الله وبركاته ....تكفون اللي يقدر يساعدني في الحصول على وظيفة لايبخل علي........مؤهلي ثانويه عامه وعاطل)لاوظيفه ولاهم يحزنون..... (.ولاتنسوني من صالح دعائكم)

عالم القهوة · #2 (**permalink**) 08-12-2009, 12:04 AM

هلا فيك اخوي

باقول لك شئ ليه ما تجرب حظك في تجاره شغله صفقه

ودبر امرك إلين الله يفرجها عليك وتتوظف

إذا ناوي وتبي لك فكره او شغله تمشي حالك فيها انا تحت امرك

ادلك وارشدك واوقف معك

لانني والحمد لله ما فيه شغله إلا اشتغلت فيها ولا قلت عيب

تقبل تحياتي

مضيع دربه · #3 (**permalink**) 08-12-2009, 05:46 PM

حالي من حالك افففففففففففففف

طفش ملل و فشيله و هم والله ابتلشنا

المشكله اني فاشل لا اعرف بتجاره و لا اقدر ادبر عمري قاعد مفهي مثل الجدار

والله لو اي شغله لو 500 ريال بالشهر ما قلنا شي بس وين هالوظايف والله كله كلام

الجلسه بالبيت ترفع ابو الضغط والله العظيم و تنرفز و تجيب الهم متى احس اني انسان بس

ابي اشتغل ابي احس ان لي قيمة بهالمكان !!!!!!!!!!!!!!!!!!!!

انا مثلك ثانوية عامه و جبت بالقدرات 89

يا تحصل واسطه و لا تنثبر ببيتكم هذا الكلام لي و لكل الشباب العاطلين اللي مرتفع ابو ضغطهم من هالعيشه القذره

و لا حد يطلع لي بسالفه بعد لاني الحمدلله و اعوذ بالله من الرياء .. صلواتي كلها بالمسجد انتوا بس ادعولي

و اكيد فيه ناس اخس مننا بس كلن يغني على ليلاه .. و الله يعين

عالم القهوة · #4 (**permalink**) 09-12-2009, 02:52 AM

اقتباس:

المشاركة الأصلية كتبت بواسطة مضيع دربه

حالي من حالك افففففففففففففف

طفش ملل و فشيله و هم والله ابتلشنا

المشكله اني فاشل لا اعرف بتجاره و لا اقدر ادبر عمري قاعد مفهي مثل الجدار

والله لو اي شغله لو 500 ريال بالشهر ما قلنا شي بس وين هالوظايف والله كله كلام

الجلسه بالبيت ترفع ابو الضغط والله العظيم و تنرفز و تجيب الهم متى احس اني انسان بس

ابي اشتغل ابي احس ان لي قيمة بهالمكان !!!!!!!!!!!!!!!!!!!!

انا مثلك ثانوية عامه و جبت بالقدرات 89

يا تحصل واسطه و لا تنثبر ببيتكم هذا الكلام لي و لكل الشباب العاطلين اللي مرتفع ابو ضغطهم من هالعيشه القذره

و لا حد يطلع لي بسالفه بعد لاني الحمدلله و اعوذ بالله من الرياء .. صلواتي كلها بالمسجد انتوا بس ادعولي

و اكيد فيه ناس اخس مننا بس كلن يغني على ليلاه .. و الله يعين

ليه يا شباب انتوا كذا محطمين

ياخي خذ لك اي شئ وبيعه

وربي ما فيه شئ ولا هو عيب ولا حرام

آلوآقع وآلحيآد · #5 (**permalink**) 09-12-2009, 03:30 AM

لآ لآ ياخوي أنت لو حطيت ببالك تشتغل وربي تلاقي شغل الشغل كثير ياخوك
موب مشكله لو كان راتبها 1500 او 1200 تلاقي شركات كثيرهـ
وأنا راح اقول لك .. انا "أصم" تعرفون شلون أصم يعني مآ اسمع
شهادتي كليه اتصالات وتقنيه معلومات . أول ما تخرجت ما رحت
أدور حكومية لآن يبي لهآ واسطه رحت للشركات توظفت بمؤسسة
راتب 2200 واخذت 5 شهور ورجعت شركـه ثانيه واخذت 4 أشهر
ورجعت وكالة طيران واخذت فيها 9 أشهر وتركتها ورحت شركه
الجهاز والحمد لله لي فيها الآن تقريبا سنه ، أنتم لاتحطمون أنفسكم
لاتقولون ماراح نلاقي شغل .. بالعكس فيه كثير والله
والمثل يقول " من دور الحاجه لقاها "
تحياتي لكم جميعا والله يوفقكم ويكتب لكم اللي فيه الخير
أخوكم / محمد الثبيتي

جعيمير · #6 (**permalink**) 09-12-2009, 05:30 AM

ليه يا شباب انتوا كذا محطمين
(عالم القهوه)
ياخي خذ لك اي شئ وبيعه

وربي ما فيه شئ ولا هو عيب ولا حرام

ماباقي الا ثيابنا نبيعهن ماصفا شي

اخوي عالم القهوه انا اقولك ليش (محطمين)

إذا كان قلبك يبكي كل يوم من غدر الدنيا نصير (محطمين..)

إذا تدرس ثلاث سنوات بالجامعه ويجيك فصل نصير (محطمين..)

إذا رحت تدور وظيفه لقيت الأحقيه للأجنبي نصير (محطمين..)

إذا الأجنبي يجي هنا ويصير سيد سيدك نصير (محطمين..)

قبل عشر سنوات كان حراس الامن اجانب الحين بالواسطه تصير حارس امن نصير (محطمين..)

إذا كان أجار الشقه فوق العشرين الـف نصير (محطمين..)

ناهيك عن امور كثيره انا وانت وغيرنا يعرفها بس خلنا ساكتين

(وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ)

امير بخشتي · #7 (**permalink**) 09-12-2009, 05:58 AM

الوظايف واجد
وبدون واسطه
الله يوفقكم

عاطل رومنسي · #8 (**permalink**) 09-12-2009, 08:49 AM

الوظايف بصراحه كثير نصها خرطي ههههههههه والنص الباقي يتشرطون ههههههه يعني تبي تطرد ورا الوظائف يبيلك ميزانيه بنزين وزيت لسياره ومسك خطوط وكفرات لسياره ومصاريف اكل وشرب يعني اغسل يدي وفي النهايه يقولون نبي خبره اخوكم صرف الكثير من المال برصيد حسابه على حساب الطرد ورا والوظائف ونشكركم لحسن تعاونكم وتفهمكم