[hide]مشكلتي مع وظيفه زوجي[/hide]

حارس امن بشركه معه شهاده دبلوم فني صيدله براتب نص الشهر مامعن حق حليب الولد
واحنا صابرين على امل يرزقنا الله بوظيفه افضل

اللي حصل بعد سنتين جاء مشرف جديد الله لا يعيد ذاك اليوم
المشكله انه متسلط على زوجي من زين الحظ رضينا باالهم والهم مارضى فينا
ثبته على شفت الليل اكثر من شهر وهذا مخالف لنظام ولما راح يكلمه انه يعامله مثل زملاه شهر العصر وشهر الصبح قاله انا بكيفي لو اثبتك على الليل سنه اذ مو عاجبك افصل
وش هاالظلم ليش انت تدفع راتبه والله اني لي اكثر من شهر انواع الخوف لحالي
جاء زوجي واحد من اللي معه وقاله انا بفزعلك وببدل معك امسك الليل وانت النهار انت متزوج خلك عند اهلك وانا اعزوبي ماوراي شي والله انه رجل ويوم راحو للمشرف رفض مع انه بنظامهم مسموح التبديل بس شف حركه الوساخه للمشرف
واخررررررررررر اللعانه الله لا يسلطنا
نقل زوجي الحين خارج المحافظه ولا شاوره وجاب بداله واحد يعرفه
والله انه ياجماعه مشوار صرف بنزين والراتب الله المستعان والسياره لك عليه
امس ماراح مامعه سياره باالورشه يعني خصميات اكملت
زوجي مل يقولي اكلنا ذل لحد ماشبعنا ابفصل والرزق على الله
طيب مشرفه هذا مافكر انه عنده اسره مسئول عنه يقولك قطع الاعناق ولا الارزاق حسبي الله على كل ظالم ميخاف الله حتى واحد مع زوجي فصل
اتمنى تنصحونا براي اجابي ولله الشباب السعودي مستعد يشتغل لو براتب قليل بس اذ جاك واحد مثل هاالمشرف وسكرها بوجهك وقتها ما اقول الا نبي ناقف عند واحد احد ونتحاسب ولله مو غافل
واعذروني كثر كلامي وطولت عليكم

لحظة فرح
الله يجعل ايامك كلها فرح
وصلي لك ركعتين باخر الليل وادعي ان الله يفرجها
وتبي تتيسر اموره ان شاء الله
وديوان الخدمه المدنيه راح يفتح باب التقديم 25/1/1431هـ
ولكن أكثرو من الاستغفار قال تعالى بعد أعوذ بالله من الشيطان الرجيم
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
ووفقنا الله واياكم

.
.

حسبي الله عليه
شكله نآوي يطير زوجك .. ؟ هذآ أسلوب تطفيش
شوفي يآ قلبي
اذآ كآن مثل مآقلتي ان الرآتب يروح في المشآوير
معنآه مآ استفدتوآ شي منه / كرف ع الفآضي
أحسن لـ زوجك إنه يدور على وظيفة غيرهآ والرزق بيد الله
والله يعوضه بأحسن من وظيفته اللي هو فيهآ الحين

كمآن شوفي سنتر بوينت منزلين وظآيف خلي زوجك يقدم فيهآ
وزي مآ قآلت الشويش عطيه أكثروآ من الاستغفآر
والله يسهلكم الخير وين مآ كآن

حسبي الله ونعم الوكيل على اللي مايخافو الله وماهم ظانين ان مقابلهم حساب وعقاب ..
ياقلبي انتي قولي لزوجك يبحث عن عمل آخر وهو على رأس عمله صبعه يفصل ويترك وظيفته وهو انسان متأهل ..
واذا يقدر يوصل للمسئول عن المشرف نفسه ويشرحله هذا التعسف والظلم ..افضل لحد ماتُفرج
الله مطلع على عباده يمهل ولايهمل وماينزل عسر الا معه يسر ((إن مع العسر يسرا))أصدق القائلين ..
وسهام الليل لاتخطئ..
الله يسخرلكم الخير ويغنيكم بفضله عمن سواه ياكريم ..

الله يعطيكم الف عافيه على الفاده
يسلممممممممممممممممممممممممممممممممممو

قولي الله كريم ..

ويا ليت تردين على الخاص ..

تقبلي تحياتي ..

الله يسر امركم

لا حول ولا قوة إلا بالله وش جنسية المشرف هذا ؟
ياليت تعطينا معلومات وش مؤهلات زوجك وعمره وبأي مدينة انتم والله يقدرني على اللي فيه النصيب