المشاركة الأصلية كتبت بواسطة انسان مكتفي

الأخت لحظة وداع تحياتي
كان عندنا حريم متخرجات وجلسن في البيوت يبحثن عن وظيفه وجلسن 15 سنه وماجت الوظيفه حتى انهن نسن وش درسن واقترحت عليهن ان يعملن في القطاع الخاص 0
اختي في الله
اذا كنا بننتظر اصحاب القلوب الحجرية فعشم ابليس في الجنه عندنا ناس ماتخاف الله ولا تخشاه في عباده والواسطه عندنا فايحة ريحتها فساد مابعده فساد غي اطهر بقاع الأرض واذا انتي منتظره الواسطه فهذا لن يكون بدون ثمن وأكون صريح معك اذا ماعندك فلوس 00000 ولكن انشاء الله تعملين وتخدمين وطنك بالعمل الحر فادخلي مجال التجارة وانا ابي ادلك على طريق فكري فيه وفيه حريم سووه ونجحوا 0
تقدمي لصندوق الأمير سلطان لدعم المشاريع الصغيره موقعه طريق الخبر الدمام السريع مقابل مستشفى اسطون وهم يعطونك قرض 200000 الف ريال تسوين مشروعك حتى لو في البيت والحقيقه انهم متعاونين جدا ومديرته انسانه ممتازه وهي تساعد في اكثر من المسموح به ودعمت نساء كن بأمس الحاجه للعمل وهن الآن يعملن في منتهى السعادة المهم انك تدرسين المشروع جيدا وتكوني من سيدات الأعمال احسن لك من ذل ماقبل الوظيفه والوظيفه 0
كلمه لكل من يقرأ هذه الكلمات :
اخواني / نحن في بلد الخير كله لنا ولاة أمر جواهر ليس لها مثيل لماذا نحن نبحث عن وظيفة الذل وغيرنا من الأجانب تعمل لحسابها وترسل المليارات للخارج الا انهم يرون فينا شعب كسول يبحث عن وظيفة ويجلس على البحث سنوات وبالأخير ( صام وأفطر على بصله ) 0ولذلك يعملون بكل يأتي امامهم حلال او حرام 0واستغرب من بعض الأخوة اللي يعانون من عدم وجود الوظائف ( ياأخي ماحد يبيك يبون الأجنبي ارخص منك أفهمها ) فيه مشاريع عندنا لاتعد ولا تحصى وتبحث عن ابن البلد اللي يبي يشتغل واشتغل لحسابك وتعلم وتعيش احلى عيشه 0
ماذا تفضلين أن يكون دخلك الشهري من خمسة الآف الى ثمانية الآف أو محدد 1500 او 2000 ريال 0
تحياتي لك ولكل الأخوه وألأخوات في الموقع وانا مستعد لأي خدمة يطلبها مني اي محتاج لعمل ادله فورا 0