السلام عليكم ورحمة الله وبركاته

صباح ومساء الخيرات للجميع



وش لونكم عساكم بخير ؟

انا خريج ثانوية وساكن بالرياض من قبل 3 سنين نسبتي 82,88 علمي ..
قدراتي 85 ..

موظف بشركة ولله الحمد ..

وودي اطور نفسي

استفساري : انا بسجل بجامعة انتساب وش الأفضل جامعة الملك عبدالعزيز ولا جامعة الأمام محمد ؟

وهل جامعة الملك عبدالعزيز موفره مكاتب بالرياض للأختبارات ؟

كم اسعار الترم او مجموع المبلغ نهائي وكيف مقسمه ؟
وكم سنة مدة الدراسة وهل الشهاده قوية مثل المنتظم ؟

وش التخصصات الحلوه اللي تقبلني واقدر احول مثلا لقسم ثاني ؟


الله يجزاكم خير ويوفقكم ياخواني

؟؟؟؟؟؟؟؟؟؟؟

والله ياخوك اني مثلك

انشاء الله يفيدونا الاعضااء

من ناحية وش افضل جامعة الامام ولا الملك عبدالعزيز


الثنتين تعتبر من افضل الجامعات عموما الشهاده وحده سواء هنا ولا هنا


لكني اجد جامعة الملك عبدالعزيز افضل بحكم كثرت مجالاتها فيها بعكس جامعة الامام مجالاتها محدوده نوعا ما


ومن ناحية ان جامعة الملك عبدالعزيز توفر اماكن بالرياض لإجراء الاختبارات ما اعتقد والله اعلم


وقيمة الانتساب 3 الاف ريال للترم والدراسه اربع سنوات وشهادة الانتظام طبعا افضل بشيء بسيط بحكم ان الطالب المنتظم يكون حاضرا طوال السنه ومنتظم

على عكس الطالب المنتسب اللي قد يكون موظف وبالتالي تقوم عملية التعليم للطالب المنتسب خارج قاعات المحاضرات والجامعه

وهذا ما يرفع من قيمة شهادة ( بكالورويس انتظام ) وطبعا هذا لا يلغي احقية بكالوريوس الانتساب !

بالعكس شهادة الانتساب معترف فيها من قبل اجهزة الدوله وديوان الخدمه وهذا المطلوب

وقد استفاد منها الكثير وكانت سبب بعد الله في تطويرهم عمليا وترقيتهم الى افضل المناصب

اما بالنسبه للتخصصات والله كثير وانت نسبتك حلوه ما شاء الله الثانويه والقدرات وتأهلك بقوه لأفضل التخصصات

لكن اذا تبي نصيحتي شف مجال عملك اذا كان مثلا في مجال الإداره شف لك تخصص اداري

هذا اللي اعرفه وحاولت افيدك فيه والله اعلم


احترامي ..

الله يجزاك خير وننتظر الأخوان