المشاركة الأصلية كتبت بواسطة مخاوي العبرة

السلام عليكم ورحمة الله وبركاته
ما شاء الله وانتي عندك استعداد تشتغلين ب800 ريال زي الاجنبي
وعندك استعداد تتحملين صاحب المحل يامرك وشتم فيك مثل ما يسون اصحاب المحلات لعمالهم
وعندك استعداد تتحملين طوال الدوام كرف من الساعة 8 صباحا حتى 12 ليلاً وب800 ريال او 1500 ريال
وعندك استعداد تتحملين التهزي من الزبائن والا يدخلون المحل من المتفرجين
وعندك استعداد انك تقابلين المجتمع بالصورة الا انتي فيها يعني بائعه ملابس او احذية اعزكم الله ويشفونك اقاربك ويقولون والله ابن فلان من قبيله فلان صاير بائع احذية في سوق وعند فلان
الحقيقة انا مو ضد ان المحلات يكون فيها سعوديين بالعكس انا ودي اشوف راعي البقالة في سعودي وراعي المغسلة سعودي وراعي الخياط سعودي لكن العيب فينا حنا اقصد الرجال نحن ياجماعة لبسين عباءة سوداء واسف على التعبير لكن هذا الواقع المرير والله يقول الواحد ما ودنا نبسط او نوقف على المحل عشان ابو زوجتي او ابو العروس الا ابخطبها ما يرفضين لما اتقدم على ابنته ولا ولد عمي يعايرني لما يشوفني ابسط واترزق الله
هذا الواقع يا شباب المرير
فلما اجيب سعودي لمحلي اي نشاط كان واقول اشتغل فيه براتب 1500 ريال وسلمه المفتاح بكرة اجي ااحصل محلي مسكر ليش يقولي عندنا مبارة الهلال والنصر او ولله جاين ضيوف او طالعين كشته بالبر الخ
بينما الاجنبي وللاسف الشديد دوام كامل المحل مفتوح ما جاء وتغرف الا ليعمل عكس السعودي الا عنده ظروف وارتباطات ما يقدر يوفي بالكل ابداً
فارجوا ان يفهم الوضع القائم حالين
اعتقد ان تجربة بندة والعثيم والسدحان والمجمعات الكبيرة هي مثال حي على توظيف الشباب السعوديين
والتي تناسبهم والافضل لهم

ولعل يجي يوم ونشوف السعودي في المحلات الصغيرة انشاء الله
وسلامتكم