لا تعدا لـبـنـــــــــــــــــــــان ... أقرب و أسرع و أرخص وألـذ .
للمعلوميه , 90% من معارض الشوكولاته الي في شارع الثلاثين بالرياض يجيبونها من لبنان وانواع كثيره وطعم خرااااااااافي , ويبيعونه المحلات هنا بسعر 150 الى 200 ريال للكيلو .
وشلون توصل للمصدر ... هذي تبي منك شوي تحرك , مثلاً :
ــ ممكن تمر الجمارك في مطار الملك خالد عند الشحن الجوي وتحاول تشوف لك احد من موظفين الجمارك يكون ابن حلال وتخليه يشيك لك على كشوفات الشوكوته المستورده وبفاتورتها ممكن يعطيك عنوان المصدر في لبنان .
ــ تزور السفاره اللبنانيه ( القنصليه التجارية ) وبيعطونك عناوين لييييييييييييين تقول بس .
ــ تسافر بنفسك لمدة اسبوع وتخليها تمشيه فـلللللللللللللــه هههههههههه وتزور معامل الشوكوته وتختار بنفسك .
على فـكـــــــــره , انت لازم تحدد بينك وبين نفسك وين موقع محلك ؟؟
لأن الموقع هو الي بيجبرك على أي نوعيه تعرض في المحل , وقدامك ثلاث خيارات يا تجيب من ( مصانع السعوديه , أو المستورد من سوريا أو المستورد من لبنان أو المستورد من سويسرا ) .
يعني ماهب معقول وماهب منطقي انك فاتح محل في القويعيه ولا بالبكيريه وتعرض للزباين شوكولاته سويسرسه ولا لبنانبه , لأنها بتكون غاليه مقارنةً مع منافسينك .
وموفق بإذن الله ,,,