كمل الدراسه لاتتركها ؟؟؟
والوظيفه (كل حي رزقه معه)

اول شي زي ماقالوا الاخوان كمل دراستك ليلي

وثاني شي لاحظت انك ماتحب الشغل الشاق والصحية بدري ههههههه

وعشان كذا شوف شغلة تحبها عشان تقدر تعطي فيها وتواظب لان زي ماشفت اذا حطيت احد على حلالك ماتدري ايش يصير

فأهم شي شوف شغلة تحبها وسويها وكثييير هنا ماشاء الله اشوف شباب يشتغلوا شغلات ماتخطر على البال زي اللي يحمل برامج الجوالات واللي يشتغل في التمور والاغنام يعني ماشاء الله كل واحد يسوي اللي يعجبه

وياليت ماتزعل مني بس مافي شي اسمه مااطيق القومة بدري ترا كلنا مانطيقها بس غصبا عننا عشان ندور رزقنا

فانت خلي الصباح للشغل لانه شي انت ترغب فيه وتبغى تدور رزقك فبتتشجع على القومة وخلي الدراسة مسائي وياااااااااارب يرزقك من فضله رزق حلال طيب ماينقطع

قرأت موضوعك وذكرتني بواحد يقربني الله يذكره بالخير


نفس الشهاده متوسط


وماحصل وظيفه


وعايش مع أبوه
ولكن ياكل ويشرب ومرتاح وأبوه ما يقصر معه عنده جوال وسياره وبس
ولكن مررررررررررررررررره طفشان
وأبوه ما يبيه يبعد عنه لأنه الكبير وتعرفون
قال بيزوجه ويقعد عنده ... وفعلن زوجه


ولكن الحال ساء
وتغير للأسوء
لان كل مار غبت المدام في شي لو بطاطا ليز للسهر راح طلب أبوه خمس ريال وراح البقاله
يعني مسكين.. تعب نفسيا

ثم بدأ بالأستغفار وصلاة الليل .." أيه بالله أنها أفضل شي وأحسن من أي شهاده بالعالم

المهم :
وجاب له دباب هذا حق الخضار على ما أعتقد أن هذي تسميته وأشتغل في بيع الخضار ويستغفر ويقولنا والله تيسرت أموره
ووقال والله أستغفر طول اليوم لين يوم جاه واحد يشتري من عنده وسولف معه
وقاله أنشالله أدبر لك وظيفه .....يقولنا : ما أعرفه ولا يعرفني
لكن بمشيئة الله توظف في شركه وفتح بيت صغير على قده هو وزوجته
وألحين يبيع ويشتري بالسيارات لأنه ماشا لله هوياته السيارات فيعرف يختار ويصلح ومن هذا القبيل.
والحمدلله ربي رازقه.

حبيت أكتب تجربته يمكن تفيدك.

وبالنسبه لي الحمد لله من بعد ما صرت أكثر الأستغفار وأصلي ركعتين باليل
تحسنت في حياتي حاجات كثيره
ومها دخلي صرت معد ألحق على الشغل وخااااصه أني عرضت أعمالي بالمتدى هنا والحمدلله
الله وفقني .

الله يوفقك أنت بعد ويرزقك من حيث لا تحتسب .

اذا بتكمل الدارسة لهدف الوظيفة فأنت خسران
اذا بتكمل الدراسة لهدف المعرفة والتحصيل العلمي فأنت ربحان

اهتم بالتجارة افضل لك مع العلم