السلام عليكم ورحمة الله وبركاته

يشهد الله علي كتبت هذا الموضوع ابي اطلع الي في قلبي

مـاعندي إلا النت ..

انا من طبقه متوسطه ولله الحمد أبوي عنده خير كثير وأمي بعد

لاكن الطامه الكبرى أنهم مايفكرون إلا بأنفسهم وكلن لاهي في طريقه

أبوي مايدري عن البيت مشغول في تجارته

وامي كل يوم في السووق ولا رايحه تسير على الحريم وهامله البيت

لاطباخ ولا غسيل ملابس ولاتدري عني

والله ابي أكل زي الناااس كبسه ولا دجاج على الفرن ولا لحم مع رز

ماشوفه إلا اذا صرت معزوم ولا مطاعم

وحتى خدامه ماعندنا رغم انه ابوي يقدر يجيب ثنتين مو وحده

واذا غبت عن البيت يومين ثلاثه محد يتصل علي ولا حتى يسئلون وينك واشوف الشباب يكلمونهم اهلم كل ساعه

يسئلون وخايفين على اعيالهم وووينكم وانتبهووو ولاتبطووون

وأعز اصدقائي الي كنت كل يوم معهم ودرسنه سوا وتخرجنا راحو يدرسون في الخارج عسى الله يوفقهم

كلمت ابوي اني اروح معهم ورفض

وجلست لحالي ماطلع من البيت وكل ابكي على حالي لاوظيفه ولا ربع ولا أهل

والمشكله أبوي مطنش يشوفني لحالي ولاحتى قالي روح ادرس دوره ولا اهتم في مستقبلي

ولاحتى يمشيلي مصرووف والله تجي ايام انام على السرير بطني فاضي اللهم لك الحمد

وكل شهر بيسويلي محاضره طويله عريضه ليـش فاتورة جوالك 300 ريال انت مصرف انت مهمل وهو بس هذا الي يدفعه لي مو عشاني عشان اهلي يتصلون علي اوديهم واجيبهم

والله مو مصبرني إلا صلاتي لله

الله يكون بعونك وتنفرج انشاء الله

سبحان الله فين حنانهم الله يكون بعونك

أصبر على رضاهم وربي مارح يخذلك

أذكر الله وأستغفر وربي بغير حالك

لاحول ولاقوة الا بالله
اصبر خيوو مالك الا الصبر ,,
وفي الاول والاخير هذولا امك وابووك وواجب عليك الصبر ف مثل هذي الظرووف ,,
وان شاء الله ربي راح يعوضك خير ,,

الله يفرج همك اخوي والله حالتك صعبه
طيب ماتقدر تطلب من ابوك مبلغ معقول وتبدأ فيه مشروع
تشغل وقتك فيه

صحيح شي مؤلم لما اهلك مو مهتمين

واضح إنك فاهم وتحسن التصرف اعتمد هلى نفسك وكانك عايش لحالك وعيش حياتك صح ادرس دراسات عليا لو تقدر انغمس في امور نافعه ارعى المسنين في دور الرعايه وشاركهم كانكم عيله وعندك جمعيات كثيره ترعى الايتام

وتحول المك لشي يخفف عنك

اهم شي تذكر إن الله معك وافعل الخير دايم
واعانك الله

الله يبارك فيكم على تفاعلكم ودعواتكم لي أن تتغير أحوالي للأحسن

الله يكون بعونك وتنفرج انشاء الله