السلام عليكم ورحمة الله وبركاته

الاخوه والاخوات

اهلا بكم

قبل ابدا الموضوع

تفضلو



بس كل نفر ونفره ياخذ حبه وحده فغط فغط < كااااااااك


وخذ فنجالك



الحين اقولكم مشكلتي


مشكلتي ومشكلة كثير من الشباب اننا عاطلين صح


انا عندي سياره ومن ضيقة الصدر اطلع اروح يمين ويسار .اقول بنفسي يامطرد البل دامك تلفلف بشوارع يمين ويسار ورا ماتشتغل وتوصل الي يبون مشاوير ونكسب قريشات

قلت والله فكره وشتغلت المهم لقيت يعني مرات باليوم مالقاء احد ومرات مايبون يركبون معي

طبعا سيارتي عاديه مو تكسي

بس مرات احصل ناس ترفع ضغطك يبونك توصلهم بلاش

مره لقيت باكستاني يرفرف بيدينه يبي تكسي ووقف عنده .

السلام عليكم . قلتله عليكم السلام .قال ان يبغى روخ كبري ثمامه.قلتله اركب ويوم ركب قلتله عشرين .طبعا ابوصله من الربوه لثمامه المهم قام يناظر بي ويقولي سعودي ويبغى فلوس انتى سعودي واجد فلوس هههههههه ومايدري اني في حالة افلاس ادور حق تتن وبنزين قلتله لا يبغى يوصل كبري جيب عشرين قال لا < ووحطه بواحد وفحط بوجهه


ومره لقيت شايب الساعه يمكن 6 منكمش من البرد سرفرف بيدينه ووقف عنده قال ياوليدي ابيك توصلني الى المكان الفلاني .قلتله سم تفضل عشر ريال قال ياوليدي انت ولد الوطن ومثل عيالي ونا ماعندي فلوس اعطيك .قلتله خلك ابوصلك ومابي منك الا دعوه

اصلن ذاك اليوم كنت رايق توني متقهوي ومفطر ومع الجو حلو قلت اتمشى ولقيته ووصلته

وياكثر الي اوقف عندهم ومايبون يدفعون

مع ان ابوي والله العظيم يقولي لاتشتغل الشغله هذي.لانها خطره .ويمكن تصادق يوم من الايام ناس سكرانين او معهم ممنوعات او يسرقون سيارتك

وهذي قصة حياتي وتسلمون