اهلين بنات معليش انا مره اسفه ترى والله كنت اجاوب بنفس الصفحه بس مايطلع ردي تراني ماأعرف كثير عن نظام المنتديات سامحوني

المهم الجمعيه بالرياض وعندهم اكثر من فرع انا بروح فرع السلمانيه وعلى ذمة الي كلمتها
تقول انك تقدرين تختارين اي قسم وان اكثر البنات الي يجيون يتدربون عندهم
يختارون القسم الاداري وانا ان رحت باذن الله بختار القسم الاداري احسه احسن شي
اقدر استفيد منه بس ودي احد يجي معاي منكم وعن المواصلات مااعرف

وعادي تجي عندهم وحده مو مخلصه بكالوريوس المهم بالنهايه ناخذ شهادة خبره ومن دون راتب على العموم انا تخصصي خدمه اجتماعيه الله يعيني

المهم الي متحمسه تقولي عشان نروح ونتواعد بنفس اليوم

اهلين عزيزتي والله انا ودي اشوفكم كلكم

بس ودي اعرف وش الفروع الثانيه غير السليمانيه

الله يعطيك العافيه

هلا عيوني ريانة العود ودي اعرف شسالفة وانا قريبة من السليمانية يعني حلو بس اعرف الموضوع وشو خصوصا تخصصي اداري ودي بشهادة خبرة لو بدون راتب بكيف بس علميني كيف اكلمهم وشلون طريقتهم

اهلين بنات انا كلمت هذا الرقم 4163127
وهاذي باقي الارقام 4650029_2170735استفسروا عن كل شي تبونه وعلموني ايش قررتو

الجمعية هذي بس بالرياض مالها فروع بباقي المناطق ؟

ماادري اذا لها فروع

مشكوره اختي ريانة العود وراح ادق عليهم ونشوف
عدل اهم شي الخبره

طيب هم طالبين تخصصات معينة؟؟

مشكوره اختي ريانة العود بس ماادري اختي يقبلون الي معهم ثانوي ولا لا.............

مرحبا اختي هاجس

نعم يقبلون ثانوي ويقبلون بعد المقيمات في التدريب الصيفي

انتي قدمي ولاعليك والله يوفق

اختك ..... الشيهانة