اكتشفت اني موظف !!! ماذا افعل ؟؟؟

سعودي متوهق · #1 (**permalink**) 17-12-2009, 02:50 AM

[type=416210]

بسم الله الرحمن الرحيم

السلام عليكم ورحمة الله وبركاته

اخواني افادوني مكتب التأمينات الاجتماعيه اني موظف بأحد الشركات لمدة سنه ونصف

وبمقدار الراتب ..

وكل هذا دون علمي .. فلم استلم اي راتب ولم اعلم بقبولي في الشركه !!!!

رجااااء اللي عنده حل اكيد يفيدني .. او يعرف احد مر بمثل هالموضوع يفيدنا

هل تفيد الشكوى لمكتب العمل ؟

علما ان لدي اوراق مصدقه من مكتب التأمينات الاجتماعيه

وهل يأخذ الموضوع وقت طويل ومعاملات سقيمه ؟

وماهي العقوبات اللتي تتعرض لها الشركه لو اشتكيتهم لمكتب العمل ؟

[/type]

glamour · #2 (**permalink**) 17-12-2009, 03:13 AM

ينقل للقسم المخصص

مهندس تقني · #3 (**permalink**) 17-12-2009, 03:56 AM

[align=center]أفعل مثل أخونا في الله ولا تنسى النسبة
[/align]

اقتباس:

إخواني انا بنقل لكم سالفة واقعيه وآنا حآضر هالواقعه
السالفه من البدايه ...
وآحد من خويآي مقدم على وظيفة وتم قبوله وطلبو منه اوراق كإجراء للقبول النهائي
وكان من المتطلبات ( برنت من التأمينات الإجتماعية )
المهم رحت انا وياه على انه بياخذ هالورقه وبيروح بعدها يوصلها لمكان عمله
وبعد مادخلنا التأمينات طلب بطاقة الاحوال من صاحبي وقال انت متوضف سابق
قال لا بتوضف انشالله بالمكان الفلاني قال غريبـه !!!!
قلنآ له وراه وش السالفه
رد الموضف مسجل عندنا انك إلى هاللحظة على رأس العمل في الشركة وذكر إسمها
قال خوي لامنب موضف ولاهم يحزنون
قال أجل خذ هالورقه واطلع للدور الثامن واشرح لهم سالفتك
طلعنا انا وياه واستقبلنا موضف وقلنا له بالسالفه جلس يطقطق بالجهاز وقال هذي الشركة الفلانيه
وهذا مكانها وهذا رقم مديرهم وهذا رقم الشركة
دق عليهم والا روح لهم وطالبهم بورقة اخلاء طرف ونصيحة قبل تاخذ اخلاء الطرف
طالبهم بجميع رواتبك الي مسجله بالتاريخ
رحنا للشركة وقلنا وين المدير قال موب فيه بس وشعندكم قلنا نبي ورقة اخلاء طرف قال روحوو للمكتب الفلاني
دخلنا الا سوداني قلنا له نبي ورقة إخلاء طرف قال انت مو موظف عندنا قال ايه مو متوظف عندكم بس
اسمي مسجل عندكم بالشركه من ثلاث سنوات وانا الى الان على رأس العمل
وعطاه خويي ورقة التأمينات وتغيرت معالم الزول
قال دقيقه خلينا نتفاهم قال خويي مافيه تفاهم هذا الورقه وعندي وانا عندكم لي ثلاث سنوات ولا اخذت منكم راتب واحد عندكم حلين إما تعطوني رواتبي الي راحت والا موعدنا بمكتب العمل
قال لا لا لا مالها داعي الشوشره انت روح وبندق عليك بالجوال
خويي عاد نزلن بالبيت وهو راح لبيتهم
عاد يحكي لي عقبها يقول نمت وصحيت فوق 20 اتصال من رقم
يقول استغربت وادق عليه عقب العشااا طلع مدير الشركة
وقال انت فلان الفلاني قال خويي ايه قال معك مدير الشركة
خويي يقول تعرف شلون يتمسكن ويترجاني ويقول خلاص بنعطيك
20 % من المبلغ قال خويي لااااا اقل شي استلمه 80% من المبلغ والا ماوراي شي
مكتب العمل فيه وانا انسان عاطل ومتفرغ لهالسالفه قال طيب ووظيفتك الي مقدم عليها
قال خويي ابعتبر نفسي ماقدمت خخخخ
المهم يقول مطالبات ومطالبات ومحامي الشركة كل شوي يدق عليه ويعرض عليه
بالاخيرر تصافوا على 70% من المبلغ الاساسي

طبعاً مسجل له راتب اساسي 2900 وبدل سكن 200 وبدل نقل 200 يعني يكون راتبه شهرياً 3330
بس مع الحسبة سحبو منه بدل السكن والنقل وقالو بنعطيك على الراتب الاساسي
وطلع له من هذي كلها فوق السبعين الف ريال
والحين متوظف بوظيفة واسمه ماشي بالتأمينات يعني استفاد من كل الجهتين

https://www.btalah.com/t70597-6.html

سعودي متوهق · #4 (**permalink**) 17-12-2009, 04:34 AM

اقتباس:

المشاركة الأصلية كتبت بواسطة مهندس تقني

[align=center]أفعل مثل أخونا في الله ولا تنسى النسبة[/align]

[align=center]
[/align]

https://www.btalah.com/showthread.php?t=70597&page=6

اللـــــه يطمن قلبك .. والله انقهرت وتوقعت الشركه مايهمها مكتب العمل

ع العموم بروح لمكتب المدير .. وبأذن الله لي عوده وتعقيب على اللي بيصير معي

لعل وعسى الموضوع يفيد الأخوان

اللي يبي يستفسر هل هو موظف ام لا على هذا الرابط

http://www.mol.gov.sa/Services/Inqui...quiry.aspx?m=4

وسوووري للمشرفين اضافة الموضوع في غير مكانه المخصص

فهد المعلم · #5 (**permalink**) 17-12-2009, 05:18 AM

أهلاً أخي...في البدايه أعاننا الله على اللي ما يخافون الله

أما بالنسبه لإستفسارك فما قامت به الشركه هو تحايل عالنظام بالإضافه إلى ذلك أنهم إستغلوا إسمك الشخصي دون إذن منك لأن مكتب العمل يطالب الشركات بإرسال أسماء السعوديين الذين يعملون لديهم وبالتأكيد أنت كنت من ضمن هذه الأسماء بإستخدام سافر دون مراعاه من هذه الشركه للأنظمه و اللوائح وبكذا تقدر تشتكيهم للجهه القضائيه المسؤوله في الفصل في مثل هذه المنازعات وهو مكتب العمل بإعتبار أنه ليس هناك محاكم خاصه بالفصل في منازعات العمل و العمال والقصه التي أوردها الأخ مهندس تقني خير مثال وأنت الآن صاحب حق ومن حقك تطالب فيه

ولكن أنصحك أن تذهب للشركه وتتفاهم معهم لم يأتي التفاهم بنتيجه هددهم بمكتب العمل لم يأتي بنتيجه إذهب لمكتب العمل وقدم فيهم شكوى

و أتمنى لك التوفيق

اكتشفت اني موظف !!! ماذا افعل ؟؟؟

إستفسارات ونتائج وظائف القطاع الخاص

بسم الله الرحمن الرحيم السلام عليكم ورحمة الله وبركاته اخواني افادوني مكتب التأمينات الاجتماعيه اني موظف بأحد الشركات لمدة سنه ونصف وبمقدار الراتب...

اكتشفت اني موظف !!! ماذا افعل ؟؟؟

تسجيل الدخول

اكتشفت اني موظف !!! ماذا افعل ؟؟؟

إستفسارات ونتائج وظائف القطاع الخاص

بسم الله الرحمن الرحيم السلام عليكم ورحمة الله وبركاته اخواني افادوني مكتب التأمينات الاجتماعيه اني موظف بأحد الشركات لمدة سنه ونصف وبمقدار الراتب...

اكتشفت اني موظف !!! ماذا افعل ؟؟؟