يالجميح ويا تويوتا ألعبو على غيرنا (موجود صور)

منيتي رضى ربي · #1 (**permalink**) 18-12-2009, 05:35 PM

السلام عليكم ورحمة الله وبركاته

ياجماعة الربع انتبهوا!!!!!

فيه عرض عند الجميح يبيع سيارات بسعر رخيص جدا

السيارات هذي غرقت في الفيضانات الاخيرة في جدة وبعد ما استلم الوكيل تعويضاته من التامين قام يصرفها!!!!!!

والمشكلة انه يقول ماعليها ضمان!!!!

خذواا الحذر .....وخصوصا ان المعروض يشمل موديلات 2006 يعني فيه منها شي من اللي لحقه حريق

شوفوا الاعلان

وهذ صور مستودعات تويوتا

This image has been resized. Click this bar to view the full image. The original image is sized 639x480.

الحذر ثم الحذر ثم الحذر

رد من الردوووووووووووووووووووووووووووووووووووووووووووووو ود

فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!

بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط

طبعا حسب الاعلان المعروض

لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!

قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة

كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!

طبعا المسئول يقول للوالد السيارة لك ؟؟ قال لا !!

قال طيب شخص يعز عليك ؟؟ قال ايه لولدي السيارة !!

قال ما انصحك !! طيب ليه ؟؟

قال كل هالسيارات اللي بالعرض جايه من مخازن جده ولاعب فيها السيل لعب

!! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان

هذا اللي صار معي امس والله شاهد على كل حرف كتبته .....

وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل

فعلى كل من بيشري سيارة جديده الانتباه لهالنقطه

بعض الردوووووووووووووووووووووووووووووووووووووووووووووو وووووووووووووووووووووود ايضا

كلنا سمعنا عروض الجميح

ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .

في اليوم الثاني جيت ومعي دفتر الشيكات عشان أسدد

قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )

قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف

قلت ماعندي مشكلة , قال خذ وقع على التعهد

قريته كالتالي:

بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :

نوع السيارة

اللون

الموديل

السعر

دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .

قلت للمصري مامعنى وخلافه ؟

قال لو تجيك السيارة تشليح ماراح تحصل فلوسك لأنك وقعت بالعلم .

وهذي صورة من العقد

This image has been resized. Click this bar to view the full image. The original image is sized 691x1024.

ودور محامي بخمسين ألف يطلع فلوسك بعد ثلاث سنين اذا تورطت

.................

اطلعوا على الورقه وشوف كيف العقد بصفه

و يخليه من المسؤليه

منقووووووووووووووووووووووووووول

ساس وايل · #2 (**permalink**) 18-12-2009, 05:38 PM

يارجال نصابين انا اشتغل عندهم مايعطون الموظفين حقوقهم

الاجنبي هو الاهم من السعودي

آلوآقع وآلحيآد · #3 (**permalink**) 18-12-2009, 09:55 PM

جزاك الله خير

وآنا صاحبي قال لي انها بتجي الرياض قريب من جدهـ

سيارات من موديل 2005 الى 2009

ومسوين عليها مزاد جديدهـ ما مشت شي

ويقول لي ما ادري متى وقتها يجي عشان ابي اشتري

لان الناس كلهم بيخذونها ومايمدي الحق شي

ورآح لـ ابوهـ وقال له السالفه ابوهـ قال له

طيب أنا اعرف واحـد هنآك مسئول كبير في

شركه الجميح .. واتصل عليه وقال له صحيح

بتجي في الايام القرريبه لمدينة الرياض

لكن اذا ولدك يبغاه له لا يشتريها

وعلمه بالسالفه قال كلهآ تصدمت وتخربت

في فيضانات جدهـ ، كانت في المستودع

وهي ما مشت شي بس سوينا لها تعديل

بعد اللي صار فيها من الفيضانات

مملكه حنان · #4 (**permalink**) 18-12-2009, 11:03 PM

غريبه خبر يبكم يا الشباب تفهمون اكثر في السيارات

بخبرتي المتواضعه إذا الماء دخل محرك السياره خلاص ماتسوى ولا هلله

ونا تأكدت من الوالد الله يحفظه ,,,,,,,,,,,,,,,,,,

فلاتتسرعون وتنشبون أنفسكم بخرد الجميح الله يجحمه في الجحيم هذا الغشاش

حسبي الله على كل كذاب وغشاش ونصاب

عاطل باطل داشر · #5 (**permalink**) 18-12-2009, 11:10 PM

يلعبوون على النااس
بس وين بيهربون عن يوم الحسااب

يوم لاينفع مال ولا بنوون

يحتالون بالدنيا بس بالاخره ماتنفعهم

يالجميح ويا تويوتا ألعبو على غيرنا (موجود صور)

إستراحة الأعضـاء

السلام عليكم ورحمة الله وبركاته ياجماعة الربع انتبهوا!!!!! فيه عرض عند الجميح يبيع سيارات بسعر رخيص جدا السيارات هذي غرقت في الفيضانات الاخيرة في...

يالجميح ويا تويوتا ألعبو على غيرنا (موجود صور)

تسجيل الدخول

يالجميح ويا تويوتا ألعبو على غيرنا (موجود صور)

إستراحة الأعضـاء

السلام عليكم ورحمة الله وبركاته ياجماعة الربع انتبهوا!!!!! فيه عرض عند الجميح يبيع سيارات بسعر رخيص جدا السيارات هذي غرقت في الفيضانات الاخيرة في...

يالجميح ويا تويوتا ألعبو على غيرنا (موجود صور)