السلام عليكم ورحمة الله وبركاته

اخواني انا جاني اتصال الثلاثاء الي فات من مجموعة سامبا الماليه بس للاسف مارديت على الاتصال لان الجوال ماكان قريب عندي ووقت الاتصال كان الساعه 4 العصر وانا مقدم على البنك مرسلهم السيره الذاتيه من زمان تقريبا حوالي 6 شهور واتصلت ورد علي السنترال وقلتله جاني اتصال منكم قال مدري اي الاقسام الي متصله فاكيد بيرجعوا يتصلوا عليك والى اليوم محد رجع اتصل علي مع العلم اني ماعندي حساب بالبنك والرقم الي اتصل علي هو 014759000 فاذا فيه احد جاه الاتصال او عنده خلفيه شالموضوع يبلغني الله يجزاكم خير لاني انا عاطل لي سنتين,,,,,ولكم مني جزيل الشكر والأمتنان.

ارجع اتصل وقول لموظف السنترال يحولك على قسم الموارد البشرية ، واذا ردو عليك قول لهم عن الاتصال وذكرهم بنفسك

اهلين اخوي في اي بي الرقم الي اتصل عليك هو رقم خدمات العملاء والتمويل لسامبا الماليه بشارع الفرزدق مبنى قديم ثلاث ادوار وكنت شغال فيه محصل قسم التحصيل وهو فيه ادخال البيانات وفيه العمليات وفيه التحصيل فأتوقع ان الاتصال الي جاك انه من التحصيل سوا كان تحصيل بطاقات الفيزا او القروض يمكن احد من اخوياك او قرايبك حاط رقمك معرف له واتصلوا عليك هذا والله اعلم وانا والله كنت شغال عندهم وهذا الي اعرفه

فعلا انا جاني اتصال من بنك سامبا وقال لي الموظف مبروك تم ....................


اصدار بطاقة فيزا ذهبية بدون رسوم قلتله لا اريدة شكـــــرة توقعت وظيفة.....

الاخوان صادقين أقولك شي الحمد لله أنا كنت موظف عندهم بس الحمد لله فصلت لايروح
بالك إني مهبول لا الرقم اللي أتصل عليك هو السنترال شف ياحبيبي أنا ماأعرفك بس
هاذا مايمنع إني أنصحك وأتنمنالك الخير دق عليهم وأطلب قسم التحصيل تراء القسم
فية مجموعات كثيره بس أطلب (خالد عداد العنزي)اللي هو أقرب واحد للمدير اللي
هو (محمد الحامد)مدير الطابق الثالث وبلغة بالموضوع ,,,,,,,,,,,,,,,,,,,,,,يتبع
ملاحظة: هل سئلة نفسك ليش دقو عليك البنك حسب خبرتي البنوك إنت تناقز وراهم
لين يوظفونك ولا يكون معك واسطة جامدة مثلي
التحصيل ينقسم إلى قسمين 1-القروض وهو زبالة التحصيل وأكثر الوظائف تجي
فية من كثر اللي يفصلون منه وأنا كنت فية الدوام فية من 8,30صباح إلى 5مغرب بدون اوفر تايم
والغداء تاكله في مكتبك لاكن مع نهاية الشهر الميلادي تداوم إلى الساعة 7العشاء وتداوم الخميس والراتب 3500ريال أذا قفلت مجموعتك يعني (وفيت المبلغ اللي مطلوب منك )يصرفلك 7000ألاف يعني يجي راتبك 10000ألاف بس والله ماتجيبها إلى بعد ماتخرج عينك
اما القسم الثاني هو البطاقات الفيزا والماستر كارد إلخ ما أعرف عنه شي الى ان دوامهم ألى الساعة 5مغرب بس (نصيحه اتركهم والله ان تكره اليوم اللي شفتهم فية)
ولا كن إذا انت مصمم بعطيك معلومات عن المقابلة (وهي أذا كان عندك عميل ولا له رقم جوال ولا أي معلومات كيف تسوي :قلهم اجيبه عن طريق معارفي في التامينات ولاتصالات.
وقلهم ان عندك أخ في التامينات وخويك في الاتصالات
وبيسئلك وين بيتك أنت قلهم في النسيم أو اي حي قريب من الملز هاذا والله يوفقك
(انا كنت عندهم ويعرفوني بـ اليامي)

مشكوووورين ويعطيكم الف عافيه