الله يسير لك امرك

توكل على الله رزق جاك

انا لو اعطوني نصف مميزاتك وراتبك وخارج مدينتي اللي انا ساكن فيها ابوافق واقولهم مشكورين كثير بعد

يارجال الوظايف تراها بالقطارة هاليومين

وهذا انا اتخانق مع احدى الشركات ابغاهم يوظفوني بالقوة وماهم راضين على راتب 4500 خخخخخ

مع العلم ان معي خبرة 4 سنوات

انا شفت الموظفين في مصرف الانماء اللي ببرج العنود وصراحة ما ابالغ اذا قلت ان اغلبهم محافظين وتظهر عليهم مظاهر التدين على رأسهم عبدالمحسن الفارس ما شاء الله

مصرف اسلامي من الطراز الاول

ومصرف الانماء يقال انه لا يتعامل بالربا

استخير وشاور اللي حولك وتوكل على ربك

بالتوفيق اخي

1. ماشاء الله تبارك الله
2. شكلك محسوووووووووود الله لا يعوق بشر والله يحمينا وياك
3. استخر ربك واستشر ربعك اللي تحس بينصحك من جد لأن هالأيام أعوذ بالله بعض الناس قلوبها مريضة
4. دق على شيخ ثقة وخذ منه نصيحة مثل الشيخ الشبيلي والمطلق وبن مسفر
5. شوري عليك لا تتركها
6. يارررررب يوفقك لما فيه الخير والصلاح ويوفقنا وياك وجميع اخواني واخواتي المسلمين

ماشاء الله
الله يوفقك ربي العرض مغري

هذا انا اطرد ورى البنوك مطارد
ولا حس ولاخبر
يااخوي اخاف لو رفضتها تندم
توكل على الله واقبل

الله يكتب لك اللي فيه الخير
استخير وتوكل على الله واقبل الوظيفه
عصفور باليد ولا عشره عالشجر
وانت شايف حال العاطلين في البلد كل يوم بازدياد
ربي يرزق الجميع ويكتب لك الخير وييسر له

اولا اشكركم من كل قلبي سبحان الله اقرا ردودكم اقسم بالله احس اني جالس معا اخواني واخواتي
بالنسبة لترددي مدري اخاف ادخل وامرض من جديد خصوصا اني لمن كنت بالراجحي مرضت وهو سبب فصلي منه واكثر من مرة اتصلوا فيني الراجحي وقالوا اي وقت تبي ترجع مكتبك مفتوح لك باي وقت بس الله يكتب الي فيه الخير
الشي الثاني الحمد لله اتصلت بالشيخ العصيمي وقالي الانماء الراجحي البلاد بنوك اسلامية رحلهم ولو فيه اي ربا ترا ذنبك برقبتي والحمد لله ارتحت لكلامه لاني بجد كنت احس فبركة براتبي لمن كنت بالراجحي بعكس زملائي الي بالاهلي وسامبا...الخ كانوا يشتكون لي من عدم البركة
ثالثا مجال عملي بالانماء لو ربي كتب الي هو مدير علاقة يعني مسؤل عن العملاء الاثرياء او بالاصح الي ارصدتهم فوق 5 مليون وله قسم خاص ومكاتب خاصة بعيد عن العملاء الافراد العاديين....
اقدم شكري لكم وبشوف وش يصير معي وبردلكم خبر....
لا تنسوني من دعواتكم خصوصا ان الله يردلي صحتي الي فقدتها....

نصيحة أخوي مؤسس من كلامك انك محسود والله العظيم صارت لي نفس قصتك كنت موظف بالمرتبة ( ..... )

بجامعه ( ...... ) وبعدها الله لا يعوق بشر والله ثلاثة شهور الى اربعه وانا مريض وفي الاخير فصلت وانا الحين

جالس ما اقول الاحسبي الله فنصيحة مني لك لوجه الله لا تتركها لأنك بتتعب بعدين فشد حيلك وخل همتك أقوى من

مرضك ويارب يشفيك ويشفينا ويكفينا شر الناس