السلام عليكم جميعا
شخباركم ؟؟ حبيت اعطيكم معلومات عن مقابلة موبايلي وايش صار فيها اليوم
عشان الكل يستفيد من المقابله طبعا المقابله من اولها الى اخرها
اساله ولكن مو اي اساله يعني اساله (( لكاعه )) يجيبك منا ويوديك منا
والله لو الواحد فاهم وذهين قدام هالاسئله يسعبل خخخخخخخخخخخ
يعني هذا وانت عادي وغير مرتبك وتجاوب بسلاسه وماخذ راحتك
بس بعض الاسئله ماتدري وش تقول لانك ماتتوقع انه يسالك هالسوال !!!
نبدا في بدايه المقابله والطريقه اول ماتجي تجلس على الكرسي وتنتظر
لمن ينادونك وبعدها بجيك واحد سعودي يناديك للمقابله وهو نفسه
الي بسوي معاك المقابله ومعاه واحد مصري المهم ببدا السعودي
بالكلام وبقولك تكلم عن نفسك وويخليك تتكلم سواء عربي او انجليزي
ووانت عاد تختار وش تبدا المهم انا سويت نفسي فاهم وبديت اعرف
عن نفسي بالانجليزي اسمي وعمري وموهلاتي والشغلات البسيطه
المهم الحين يبدون عليك بالاسئله بعد ماتعرف عن نفسك مره السعودي
ومره المصري وكل واحد سوال يختلف المهم بسالك وش شركتك
وخبراتك العمليه في البدايه ومتى كانت البدايه يوم اشتغلت
واذا كنت موظف وبغيت تطلع وتجي موبايلي بقولك ليه تبي تجي موبايلي ؟؟
وبعدين يبدا ينوعون عليك بالاسئله وانا بحاول اضيف الاسئله الي متذكرها
ومن مقابله موبايلي توقع اي سوال يجيك كذا ماتتوقعه لان اغلبها اساله مرواغه
وبقولك ماذكر صيغه السوال بالظبط لكن بقولك تقريبا
هل تومن بالقاعده الي يقول ان الفريق الواحد اساس النجاح ؟؟
وبسالك سوال بيقولك مين الاهم بنظرك مديرك في العمل ولا العميل ؟؟
وبسالك بقولك لو اتصل عليك عميل معصب وش ترد عليه ؟؟
وبسالك وبقولك مثلا لو عميل اتصل عليك من خرخير وقالك ماعندي شبكه نهائي
وماعندهم ابراج وكلمك وهو فعلا ماعنده ابراج وش تسوي ؟؟
وبسالك يقولك لو مثلا عميل دق عليك من لبنان وقالك ابي تجوال دولي
ولبنان مافيها تجوال دولي وش تسوي والعميل مصر انك تسوي الخدمه الحين
وش تسوي ؟؟
طيب انت فرضا سالت اخوياك واخوياك نفس السبب مايعرفون وش تسوي ؟؟
هذا السوال شوي انا اتلعثمت فيه لانك من اللخمه ماتدري وش تقول !!
بس هو جاوب عليه بطريقه دبلوماسيه وقال قل للعميل انا باخذ رقم الكود حقك
وانا بتصل فيك خلال ساعتين بعد ماراجع المدير طبعن مو كل الاسئله تجاوبها كذا
وتقوله لاتوهقت بكلم المدير اجل وش دورك انت كموظف ماتعرف تتصرف 
وبقولك سوال بقولك قلي موقف حصلك مع عميل يوم انت اشتغلت مع شركه
وكان هالعميل معصب وصار بينك وبينه خلاف وانت تفاديت الخلاف !!!؟؟
وبسالك سووووال مثلا خويك في العمل كل مايتصل عليه عميل يصرفه او يعطيه
معلومات خاطئه وتكرر من هالخوي في العمل هالشغلات دايم وش تسوي ؟؟
لو قلت اقول للمشرف بيجاااوبك ويقولك انت تبي تقطع رزززقه ؟؟؟؟؟؟ 
يعني هالسوال من جد بلحس مخك فيه واذا قلتله انا بحاول اقنعه ويغير من تعامله
مع العملاء بقولك افرض طيب خويك ملزززم ومايبي يغير تعامله وش تسوي ؟؟
انا بصراحه بهالسوال اجيبها منا وهو يجيبها منا وبالاخير مادريت وش
الصح او الخطا 
وعندهم شي ضروري ان الزملاء يكونون متعاونين
بس السوال الي بصراحه ماعرفت اعطي اجابه منطقيه الي هو يقولك
وش مهم عندك العميل ولا المدير ولا صديقك في العمل ؟؟
يوم قلتلك كلهم مهمين واحطهم بعيوني وانصفهم قال مابييك تجاوب كذا
ابيك تفضل واحد اخرتها قلت العميل والله من جد سوال مادري وش يبي 
يعني من جد فيه اسئله يبغاك تجاوب بسوالك وتكون الاجابه لمصلحه العميل
وفيه اساله يبيك تجاوب عليها وتكون المصلحه للصاحبك في العمل
فانت في اسئلتهم بتدوخ وماعندك مجال تفكر لان هم يبون منك تجاوب باجابه سريعه
ومقنعه وبدون لف ودوران ومافيها مجال بسحبونك بسحبونك لاتقولي بروح
وماني مرتبك او ماني خايف لان الاسئله ماراح تكون اجابتها مرتبطه بخوف او ارتباك
يعني توقع اي سوال مايخطر في بالك وممكن تجاوب على اسئله من داخل نفسك
تحس انها صح لكن في نظرهم خطا وانتبهو لهالنطقه ويمدحون الركاده في الاجوبه
وخلك واثق من نفسك وانا مابي اقول ان المقابله صعبه بالعكس الجو راحه
وتحس انك في بيتك والي بقابلونك قمه في الاخلاق ومرتاح نفسيا ويخلونك تاخذ
راحتك في الاجابه بس هي المشكله في الاسئله حقت التسحيب الي تخليك تحتار
وش تقوووول ؟؟ واعذروني اذا كنت ماقدرت اذكر كل الاسئله ولكن هذي
اهمها والي دققو علي فيها وهم في البدايه يسالونك اساله عاديه لكن كل سوال
ماقولك اصعب من الثاني ولكن اروغ من الثاني ويمكن يمر عليك سوال الى كم سوال
بتغرز في الاجابه بس ان شاءالله انها ماتاثر عليك لانهم هم يبون يحرجونك بالاسئله
وزي ماتقول يستخدم معك اسلوب الترهيب في الاسئله والاحراجات ولا راح
اقول مثل واحد توظف عندهم يسالونك اساله يبون يطفشونك ولكن هذي طبيعه
مقابلتهم وان شاءالله انها ماتصعب عليكم وتجاوبون على الاسئله باتزان واتقان
ويوم عاد خلصت المقابله قالي ترا الوظيفه بالشرقيه والدوام 9 ساعات عادي
عندك ولا عندك مشكله ؟؟؟
وبيقولك عندك اقارب يشتغلون في موبايلي ؟؟
وبقولك كم كنت تستلم يوم كنت تشتغل في اخر شركه اشتغلتها او في الشركه
الي شغال معاها الحين ؟؟
ويختمها معك ويقولك خلاص ان شاءالله الرد بيكون خلال اسبوع او اسبوعين
واتمنى اني افدتكم في موضوعي هذا وانكم تستفيدون منه والله يوفقني
ويوفقكم ونتوظف وكل من يقرا موضوعي هذاااا واي استفسار انا حاظر وموفقين
ادعولي بس اني اتوفق وياهم ويقبلووووووني 
02-06-2007, 01:25 PM
العرض الشجري
