[align=center]
السلام عليكم ورحمة الله وبركاته


أخواني / أخواتي ..

أتمنى تساعدوني ..

لي صديق دقو عليه أتحاد عذيب Go Telecom

في مقابله خلال الأسبوع الجاي ..

على وظيفة ممثل مبيعات ..


كيف طريقة الأختبار ..
وما هي الأسئلة ..

ما هي عيوب لجنة الأختبار ومحاسنها ..؟؟

أتمنى افادتي .. للذين دخلواللجنة من قبل .. ..

تقبلو تحياتي ..


[/align]

الله يوفقه ويوفقك
للاسف ماعندي خلفيه

الله يوفق الجميع
ماعندي خلفيه بس انشاء الله يفيدونك الاخوان

الله يوفقه ان شاء الله

ادخل على قوقل واكتب مهام ممثل مبيعات وان شاء الله تلقى الحل

بالتوفيق

شكراً للأخوان اللي ردو ..

اتمنى اذا أحد دخل المقابله يعطيني خبر ..

فعلاً الرجال محتاج .. ويبي احد يفيده ..

تحياتي لكم ..

الله يوفقه ويوفقك
للاسف ماعندي خلفيه

شكرا لك ..

رفع ..
رفع ..
رفع ..

هلا اخوي وين كلموك في جده او الرياض
انا استدعوني للمقابله ورحت لهم في اليوم الاول جيت متأخر فقالولي تجي بكره ضروري تجي في نفس الموعد
المهم اللي سوى معي المقابله واحد مصري قالي قدم نفسك بالانجلش اخوك عطاه من اللي يحفظه من ايام الثانوي طبعا انا بكالوريوس حاسب بعد كذا قالي وش تعرف عن خدمة العملاء وعطيته قالي تعرف انك مقدم على خدمة العملاء اولا قلت ما ادري المهم قالي تحب العمل جماعي او فردي قلتله جماعي بعد كذا يقيمك عن طريق رصد الدرجات بعد كذا سألته عن الراتب قالي الموظف بيقولك بعد مايتصل فيك والحمدلله قالي ان شاء الله نتصل فيك خلال الايام الجايه طبعا سويت المقابله في جده في مركز املكيس تقاطع شارع حراء مع طريق الملك فهد في شمال جده يعني تشوف فندق الهلتون وانت تضحك
الله يوفقك اخي وييسر امرك امين

الأسئلة كانت على قول اللي دخل الأختبار ( خويي ) ...

1- تكلم عن نفسك .. ( بالأنجلش ) ..
2- كم سؤال عن المبيعات والتسويق ..
3- اسألة عامة راح تكون عن عن حياتك .. وميولك .. ( والقصد منها يختبرون اسلوبك وطريقة كلامك )


تم المقابله في فندق ( توليب أن ) الخبر ...

اعضاء المقابلة :
1- الأخت غادة ( مديرة الموارد البشرية )
ملاحظة على جنب ..
وربي فرحت يوم شفت بنت تقابلني .. ويكفي أنها بنت هل البلد ..
بنت محترمة جداً .. وحبوبه .. وراقية بالحوار ..

2- الأستاذ غسان ..
أخ لبناني .. ولكن قمة بالأحترام والحوار ..
بجد اللي يشوفه اول مره يخاف .. لكن وربي أنه راقي جداً



الوظيفة / ممثل مبيعات .
الراتب / ما ابي اقوله و أخليكم تتحطمون ..
لكن فيه عموله مجزية ..



لكن كلمة حق اقولها لكم ..
الله يكثر من امثال هل اللجنة .. وربي ناس ذوق ..
انا عن نفسي ودي اشتغل عندهم ببلاش ..
علشان اسلوبهم الراقي ..


الله يكثر من امثالهم ..


تحياتي لكم ..