بسم الله الرحمن الرحيم

اخواني واخواتي هذه قصيده اعجبتني وحبيت طرحها لكم للقرائه القصيده للشاعر الكبير

حمد بن علي الهقاص البقمي

يوم فكيت القلم ارتعش كفي وطاح
............ قصدي اكتب للحبيبه عن اللي بالضمير

عن هموم لاجيات بقلب ما استراح
........... اتصبر واتكتم واخفي وش يصير

بس اقلب صورته في مساي الى الصباح
......... بس افتش ذكريات الورق وانا الاسير

أتذكرما مضى وانقضى معها وراح
......... يوم ورد الروض ماله وكيل ولا امير

اتذكر يوم كنا بسجه وانشراح
......... بيني وبينه محبه على سلك الحرير

كم ترعنا كاسنا من شهاليل قراح
......... دافنين سدنا في جبا بحر غزير

ذا وانا ذا اليوم طير فقد نصف الجناح
....... صابه القناص واقفى ولا يقدر يطير

دمعتي من فوق خدي ولا فاد الصياح
......... سالت الدمعه وشابت وانا منها خطير

كيف كبدي ضاميه من سبب سيد الملاح
......... ناشف ريقي وكفي على جال الغدير

وسلامتكم
منقووووووووووووووول