مساء الخير
في الحقيقه قريت موضوع للأخ بنك الراجحي واعجبتني فكرته
ونزلت هالموضوع تعليق على موضوعه
ولكن المشكله اكثر الشباب ما يقرون التعليقات
فقلت انزلها كموضوع
وإن شاء الله تستفيدوا منها
الموضوع 500 باليوم وتزيدها بشطارتك
يعني كل ما اشتغلت ورحت اسواق كثيره
وضبطت علاقاتك مع المطاعم والمطابخ
بيزيد دخلك
وفي بدايتي تعبت حيل حيل حيل
في الحقيقه انا اشتغلت في الغنم ولفتره طويله ولكن قبل الغلا
وكان اكثر شغلي يوم الخميس لانه اقرب سوق لي
يعني اقوم قبل الفجر وامشي للسوق وفي الطريق اصلي واروح السوق
واشتري ولكن في المشترى حركه مره حلوه يجب تنتبه لها وانا دائما كنت اسويها
تأخذ لك ثلاث مقاسات
القسم الاول مقاس كبير وممتاز نفرض قيمتها 420 ريال وعددها مثلا 5
420 * 5 = 2100 ريال
والقسم الثاني مقاس وسط ونفترض قيمتها 360 ريال وعددها مثلا 8
360 * 8 = 2880ريال
والقسم الثالث مقاس صغير ونفترض قيمتها 320 ريال وعددها مثلا 4
320 * 4 = 1280ريال
يعني المبلغ المطلوب
2100 + 2880 + 1280 = 6260 ريال
وعدد المشترى 17 رأس
وتصبح الراس علي
6260 / 17 =368 ريال <<<<<<<متوسط الحساب
ثم أخذها واروح للمطابخ إلي متقاول معاهم
مع العلم الناس طماعين فخلك انت مو طماع مثلهم
المهم ابيعها لهم 400 ريال وحولها وحاوليها مع المعلوميه هم يحددو السعر
يعني يا طويل العمر
400 * 17 =6800 ريال
ونطرح منها راس المال
6800 - 6260 = 540 ريال
منها بنزين بـ 20 ريال
يعني تصبح
540 - 20 = 520 ريال
وعلى طول اروح اخذ لي فطور وعلى البيت افطر والنوم إلين صلاة الظهر مع العلم ما يجي الساعه 8 الصباح إلا وانا بالبيت
طيب وبيكون عندك 4 ايام خميس في الشهر
لنفترض كل اسبوع طلعت 500 ريال
يعني الشهر 2000 ريال
مع العلم يوجد اسواق كثيره وايام متفرقه
وإذا صاحب المطبخ أوعجب بنظافة الغنم
راح يطلبك باستمرار
ويوم كنت اشتغل فيها والله يا واحد طلبني 70 راس
وخلال اسبوع ونص وهي عنده
وللمعلوميه بعتها ذاك اليوم بمكسب 30 ريال في الراس
يعني طلع لي
70 * 30 = 2100ريال
بس للأمانه تعبت فيها ولكن لها حلاوتها
والحمد لله نعمه
والله يوفقك الجميع
اي استفسار او انقاد فليتفضل مشكورا
26-12-2009, 04:37 PM
500 باليوم وتزيدها انت وشطارتك
العرض الشجري
