أخوي من حقك أو من حق الشركة خلال فترة التجربة وهي 3 أشهر أن يفسخ العقد أحد الطرفين دون سابق انذار وبدون أي تعويض مادي.

الشركة حطت شرط جزائي وهذا الشرط لا أساس له من الصحة لان نظام الشركات فترة تجربة 3 أشهر يجوز للطرفين الفسخ دون انذار

أنت تروح تطالب الشركة بخطاب تركك العمل بتاريخه عشان تقدر تروح تنزل اسمك من مكتب العمل
وتقدر تهددهم بأنك تشتكيهم بمكتب العمل على أنك ماتعمل لديهم وهم مخلينك على رأس العمل
طبعا تقدر بعد تضغط عليهم وتطالب بالرواتب حقت الفترة اللي مازلت فيها على رأس العمل

وهم مايقدرون يطالبونك بشيئ ولا ياخذون منك ولا ريال لانك لو هددتهم بشكوى كيف انت فاصل من زمان ومازلت على راس العمل

يعنى هم استغلوا اسمك بالسعودة

روح لهم وتعالهم بالحسنى واذا شفت انهم ماتفاهموا روح اشتكى في مكتب العمل وطالب بمسير الرواتب وكيف اسمك موجود ومن اللي كان يوقع باستلام الراتب ....الخ

والله يوفقك

الله يبيض وجهك ويسهل دروبك يا ذيبان

افدتني بالشيء الكثير وريحتني من هم كبير , كنت خائف لا يجبروني أدفع الثلاث آلاف وهم مايستاهلون مستغليننا من أول يوم وكلهم من الجنسية المصريه ما عدا واحد سعودي !!

رايح لهم الأربعاء بإذن الله

الله يجزاك خير