السلام عليكم


صبحكم الله بالخير

ياجماعه انا محتار وراسي يودي ويجيب له كم يوم بعد عناء البحث عن وظيفه الحمدالله وفقني الله وحصلت وظيفتين وحده ( مراقب صحي ) في صحة البيئه على بند الاجور واول مربوط تقريبا 4000 ريال وبعد ثمان اشهر على كلام شؤون الموظفين تترسم ويوصل راتبك 5700 ريال على المرتبه السادسه او السابعه < طبعاً للملاحظه هذي الوظيفه في منطقتي ولاتبعد عن بيتي الا عشر دقايق بس مشكلتها الترسيم ماني متأكد منه مع ان الكل يقول تترسم بعد ثمان اشهر + انها مو في مجال تخصصي

والثانيه عريف فني صيدلة في القوات البريه في تبوك والراتب تقريباً 6700 ريال او مربوط هذي مميزاتها انها في دورات لامريكا بعد سنه وتعلق ملازم اول + انها في مجال تخصصي + سكن بس المشكله انها في تبوك وبعيده عني تقريباً بـ 1200 كيلو

وانا قلت لو رحت لمراقب صحي وقدمت في الديوان خصوصا ان التقديم بيفتح وانتظر رقمي افضل والى الان محتار
مادري وش رايكم وش تقترحون علي ؟ ؟ ؟

الله يقدم مافيه الخير

0

كان ودي افيدك,,

بس استخييرر.. واختار المضمونه قبل مايروحون كلهم,,

اشوف ان الوظيفة اللي فيها مجال تخصصك تناسبك وبعدين فيها تطوير من قدراتك ودورات وخبرات تناسبك أم الأولى صحيح قريبة بس مو مضمون الترسيم أعرف لك ناس عشر سنوات بوظائفهم ليومك ينتظرون ترسيم مرات الترسيم يصير حلم تنتظره روح للي مضمونة وقبل كل شئ أستخير ررررررررررربك والله يوفقك ويرزقك أأخووووووووووووي ..

والله لو اني مكانك راح اختار وظيفة مراقب صحي
ولكن اذا كنت متاكد انك في القوات البرية راح توصل رتبة ملازم خلال سنة روح البرية
لانه مومعقول توصل من عريف الى ملازم

يا اخوي من الي قال لك توصل ملازم اول ولد عمي له 13 سنه ولا وصل الي تقوله

وانصحك تروح مراقب صحي

السلام عليكم ورحمة الله وبركاته

ياخوي بللة قلي وين صحة البيئة الي قدمت فيها انا تخصصي مراقب صحي وعاطل واللة يجعلها في ميزان حسناتك

رد علينا ياصيدلي

القصد ان بعد سنه ملازم اول اقصد بعد سنه نروح اكمال دراسه على حسابهم اكمال اخصائي واعلق ملازم اول يعني بعد سنتين ونص دراسه ارجو المعلومه تكون واضحه لانه قالو في ابتعاث على حساب القوات المسلحه تكملون دراسه وترجع تعلق ملازم

اما بالنسبة للمراقب الصحي وانا اخوك والله قدمت في مكه بواسطه


لكن ابشر في احتياج كبير وفيه تقديم مع بداية شهر 2 قدم واذا ماقبلوك ادخل ع الامين مايقصر معك اكتب خطاب واشرح فيه وضعك


شاكراً لكم ردودكم ولكن بالنسبة للمراقب الصحي كثير عشموني خير قالو لاتخاف الترسيم جايك جايك بأذن الله لان في ناس يجيهم ترسيم ولا يبغونه يقولون بند الاجور افضل من ناحية منت موظف رسمي وتقدر تسجل محلات بأسمك أو تفتح صيدليه أو مستودع ادويه . . . الخ يعني منت مسجل في الديوان زيد على ذلك انه تقدم في الديوان على الصحه واذا جاك رقمك في اي وقت تسحب عليهم


والى الان محتار خصوصا القوات المسلحه بعد اسبوعين لازم اراجعهم بالصور والاوراق الاصليه

مكان صحة البيئه >> هي ادارة تابعه للأمانه ( يعني مثلاً امانة جده ) تروح لشؤون الموظفين في الامانه وتقدم ملفك وهم يحولونك على الادارة العامة لصحة البيئه تختبر فيها ويرفعون ملفك بالموافقه او لا

انواع التوظيف فيها ثلاث انواع :

بند تشغيل > تستلم تقريبا 4300 ريال شهرياً ومافيه زياده نهائيا طول العمر واذا تقاعدت مالك نهاية خدمه ولا لك راتب تقاعدي

بند الاجور > الراتب تقريبا 3700 ريال شهرياً وفيها زيادة علاوة سنوية تقريبا 200 ريال + تقدر تترسم في الوظيفه بعد 8 اشهر + لك راتب تقاعدي + لك نهاية خدمه + في رمضان والحج تاخذ راتبين يعني يصير راتبك في رمضان و الحج 7400


الرسمي > الراتب الاساسي للجامعي تقريباً 6000 ريال شهرياً ونفس مميزات بند الاجور بالضبط


طبعاً بند الاجور والرسمي صعب التوظيف فيه الا بواسطه وواسطه قويه


وربك يوفقكم ان شاء الله