ياهم ربي كبير

بكالريوس · #1 (**permalink**) 31-12-2009, 03:02 AM

السلام عليكم ورحمة الله وبركاته

طبعا مبين من العنوان اني متضايق من حالتي

انا خريج كلية الطب البيطري من جامعة الملك فيصل

طبعا بسبب ظروف المعيشة تأخرت في الدراسة وخلصت الجامعه خلال 9 سنوات

قبل الترخج بسنتين كتب لي الله اني اتزوج وتزوجت والحمد لله

تخرجت قلت الان ان شاء الله نحصل لنا مكان بشهادتي واستر على حالي وعلى امي وعلى زوجتي

امي من اول يوم وهي الفرحه في عيونها يوم دخلت الجامعه ولين تخرجت مع اني متأخر كثير لكن كانت فرحانه جدا اني درست وتخرجت وانها راح ترتاح الحين من هم الدنيا بعد ماتخرجت

قدمت في كل مكان اعرفه بشهادة الجامعه وبشهادة الثانويه

اشتغلت في بندة لمدة اربعة اشهر بس صارت لي مشكلة مواصلات صار الراتب مايوفي معاي وتركتها

قبل فترة قليلة رحت امانة الدمام اراجع هل في وظائف او لا

شفت شخص اعرفه هناك بعد السلام وكذا

قال ترى موجود وظايف كثيرة للبيطريين لكن يبي لك واحد يدفك يعني واسطه

ضحكت انا قلت له واسطتي الله سبحانه وتعالى

ما ادري وش اسوي حاليا

ابي اعرف وين اروح اقدم ؟ وكيف ؟

شنو الشركات اللي اقدر اقدم لها ؟

قلت ياسبحان الله يمكن احد يعرف لي احد في بلدية الدمام ويخدمني هالخدمة الانسانيه

وارجو انو الله يرزقني واياكم بالوظيفة

السلام عليكم ورحمة الله وبركاته

سطل كوسه · #2 (**permalink**) 31-12-2009, 11:15 AM

وعليكم السلام ورحمة الله وبركاته
والله ياخوي أطلب ربك وأبحث بنفسك
صدقني أخوك وهو أخوك مابينشد عنك
الله يكون بالعون
< مجرب من يوم تخرج للحين
بالتوفيق ياصاحبي

صيدلاني داج · #3 (**permalink**) 31-12-2009, 12:42 PM

شف اخوي

طب بيطري اذا كان قصدك بكالوريس طب بيطري فوظايفها كثير في الامانه سواً في الاسواق او صحة البيئه

عموما ابقول راي اكتب خطاب استراحام ووضح فيه حالتك وانك تعول اسره وعندك الشهاده الجامعيه البيطريه وانك تبي تشتغل على بند في صحة البيئه

وان شا ءالله بتمشي امورك وعلى فكره محتاجين كثير صحة البيئه انا صيدلي وتوني توظفت فيها في المتابعة الصحية والحمدالله مبسوطين ومعنا اطباء بيطرين عددهم اثنين ويبون كثير خصوصاً بعد مازادو الميزانية

توكل على الله قدم اوراقك واذا ماقبلوك اشرح خطاب وادخل على الامين نفسه

أو جرب روح قدم على وزارة الزرعه بعد محتاجين بيطرين كثيرررر

وموفق خير