نعم رقمي منتشر بالشاتات ولا أعرف من هو الحقير والتافه اللي نشره لعنه الله عليه

وهذا هو ثاني رقم لي ألغيه

كانت توصلني مكالمات من أرقام غريبه في البدايه على رقمي الأول وألغيته
وجبت رقم ثاني وقبل شهرين تقريباً صارت توصلني مكالمات من شخص واحد
وفي كل مره يغير رقمه واحياناً يكلمني من ارقام ثابته تبدأ بفتح الخط 07
كان لما يسمع صوت رجال يقفل الخط لكن مع هذا يرجع ثاني ويدق
احيانا اضغط زر الرد واترك الجوال يصرف عليه بدون ما اقول اي كلمه
ومره دق على جوالي رقم نفس رقم اختي تقريباَ ورديت عليه بدون ما ادقق في الرقم ولما سمع صوتي قال لي أخيراً رديتي
وكأنه عارف انه هالرقم لبنت
لما سمعت صوته ثرت عليه وجلست ادعي عليه واسبه وسألته من وين جايب رقمي
قال لي جبته وبس وابغى اسولف معك
قفلتها بوجهه وصار كل مايدق اعمل طريقتي الأولى ارد واتركه يصرف عليه بدون اي كلمه مني
وفي الآخير اخذ اخوي رقمه على اساس يجيب اسمه او يقطع عنه الخط ولا ادري وش صار عليه
قبل يومين وصلني اتصال من رقم جديد ما اعرفه وطنشته
شوي وتجيني رساله من واحد يقول لي مساء الخير يا قمر انا الجنرال ..!!
قلت لامي عنه وقالت امسحيها ولا تردين عليه
واليوم الصباح دق علي رقم ورديت عليه وانا نايمه المهم
الشخص هذا قال اسمي وقفلها
انا انصدمت ودقيت عليه ثاني وقلت من انت ووش تبي قال لا تتبليني انا ما كلمتك ومدري وش
...قفلتها وراح دق علي مره ثانيه وجلس يستهبل
قلت لا تكثر كلام ومن وين جبت الرقم
قال من واحد اسمه سامر
يقول انك معطيته رقمك في شات
سبيه وجلست ادعي عليه وعلى هالسامر
قال لي الشرهه مو عليك على اللي يعلمك
رجعت وقفلتها بوجهه
شوي ويرسل لي رساله يقول يا بنت أنا آسف لكن والله رقمك منتشر في الشاتات ..؟؟

لو اني ادخل شات او اني اعطي رقمي حتى لو بنت في النت ممكن اشك في الموضوع

لكن أرقامي ما احد يعرفها إلا اهلي وصديقات مقرباات مني

والمشكله مو برقمي الحين
المصيبه بأسمي شلون عرفه .......؟؟؟؟

أنا شاكه في شي واحد بس
وهو الفاكسات ..والإيميلات المشبوهه في الموقع طبعاً غير الهوتميل والياهو

واللي أكد لي هالشي انه هالازعاجات ما تجيني إلا على الارقام اللي احطها في السيره الذاتيه حقتي
حتى رقم امي ما سلم من هالازعاجات لإني اكتبه كرقم بديل

رقمي هذا ما اقدر أغيره أبداً لإنه هو الرقم الوحيد اللي اكتبه في كل الاماكن سواء في الوظائف او اشتراكات او فواتير وحتى صديقاتي والبنات اللي اعرفهم وضيعت انا ارقامهم
ما يعرفون الا هالرقم
وصعبه ألغيه او أتخلى عنه
مع العلم انه مو بأسمي

وش رأيكم وش اسوي
ووش الحل مع هالحيوانات حسبي الله ونعم الوكيل فيهم
وكيف راح نثق بعد اليوم بهالفاكسات والاعلانات اللي توضع في الموقع


اقسم بالله حالتي حاله من بعد هالاتصالات وموضوع رقمي اللي ينتشر

ولو وصل رقمي لواحد من اخواني او اقاربي وش بيكون موقفي

عطوني حل تكفون

لا حول ولا قوة إلا بالله

حسبي الله ونعم الوكيل

نصيحة من اخ

لا تضعي رقم جوالك في السيرة الذاتية

ضعي جوال أحد اخوانك أو والدك

والرقم اللي بدايته 07 هذا من المنطقة الجنوبية

نصيحتي لك ياخت
لاتحطين في سيرتك لاايميل ولا اسمك الكامل
ويفضل رقم واحد حتى يكون الموضوع جدي

وممكن يكون احد يعرفك وحاقد عليك او وحدة من قريباتك
وتنشر رقمك استغفر الله بس اغلب الظن من الفاكسات الي تقولين
وحاولي تشوفين ارقام الفاكسات اذا كانت منتشرة مرره بالنت
ارسلي اما اذا شفتي الاعلان مشبوة وغير مصدق او عرض قوي لاتصدقين
وبالتوفيق

الله يعينك

والافضل ان تتبعي اسلوب التجاهل التام من غير رد لانه بيفهم ردك انك تبغي كلام

وطنشي رقم غريب خير ياطير انتهى لاتدققي على كل رقم وكم مره اتصل

لانه تكرمي والقارئ الحمار يحس انه بعد كم ضربه يمشي

فالحمار المعاكس بيفهم ان هالرقم ماوراه رد ..وخليه يفكر الرقم لبنت او ولد

مش تثبتي انه لبنت وتحرقي اعصابك على ناس تافهه

اما نشر رقمك فاحترسي من الصديق الف مره ومن عدوك مره ممكن يكون حد عارفك

اقولك شئ ..
احنا بعد حاصل معنا نفس الشئ ..
على رقم اختي واحد له 6 شهور مزعجها ..
والمشكله انه عارف اسمها ولقبها من وين جابه ما ادري ..
هي بعد عاطله وتقدم برقمها ..
لكني ما اعتقد ..
المشكله الحين انها ما قالت لامي والا لاصغر اخواني..
وهي خايفة لان الحال زاد ..
لكن والله مافيه حل الا التطنيش ..
ناس لزقه زي ذولي لما يطيحون على رقم جوال ما فكوه ..
وعلى فكرة ..
ترى هي ما عمرها قدمت من شئ من المنتدى ..
يعني الامر مو متعلق بالضبط فيه ..
الله يعييييييييييين ..

لا حـول ولا قـوة الا بـالـلـه .......

حـسـبـي الـلـه ونـعـم الـوكـيـل عـلـى إبـن الـكـلـب .......

إعـذرونـي عـلـى الـكـلـمـة لـكـن صـراااحـة أنـي أنـقـهـرت ....

واااحـــد يـبـي يـضـيـع مـسـتـقـبـل بـنـت نـااااااس ....... وش تـقـولـون عـلـيـة ......


عــنــدي لـكـن نـصـيـحـة :

* الــشــريــحــة إكـسـريـهــااااا ...... < لازم عـلـشـان تـرتـاحـيـن > مـن الإزعـااااج ...

* بـالـنـسـبـة لـسـالـفـة الإنـتـشـار مـاعـلـيـكـي مـنـهـااااااا ...... < وكأنـك مـا سـمـعـت شـي >

* ورقـمـك لا لا لا لا لا تـعـطـيـنـة أحــد خـاصـة الـلـي فـي الـمـنـتـديـاااات < بـعـضـهـم يـخـتـار أسـم بـنـت عـلـشـان يـتـعـرف عـلـى الـبـنـاااات وبـعـديـن يـجـي الـتـهـديـد أذا أخـذ الـرقـم >

* لا لا لا ............. تـرسـلـيـن الـسـيـرة الـذاااتـيـة مـن الـبـاب لـطـاقــة أي إعـلان ..... حـتـى عـنـدنـا هـنـا فـي الـمـنـتـدى ....... فـيـه نـااااس قـصـدهـم زفـــت وعـيـال حـ....... ! يـعـنـي يـكـتـب الـحـق عـلـى الـوظـيـفـة ويـحـط رقـم فـاكـس ويـكـون تـبـعـة أو حـق صـديـق لـه ..... < الـبـنـت عـنـدهـم مـا تـعـدي بـسـلام >



وعــلـــيـــكـــم بــالــدعــــااااااااااااء عــلـــى الـــســــافـــل ................

اختي الله يعينك وفعلا مرة الموضوع منتشر حتى انا بعد ماصرت ارسل سيرتي جاتني معاكسات على جوالي وكل شوية يرسل مسج عطيته اخوي ومارد رسل مسج يقول جربي شي ثاني قديمه فاكرني مغيرة صوتي
ناس والله زباله مايفهمون والله قلت لو عندك خوات ترضى قال عادي عادي
بسببه قفلت جوالي
وفعلا لازم نمسح جولاتتا من السيرة يمكن يكون ذ حل مؤقت
دمتي بخير اختي

حسبي الله عليه , لاحول ولاقوة الا بالله
ولازم المنتدى يشوف حل في ارقام الفاكسات والتأكد منها
ويمكن يكون موظف تبع احد الشركات التي تم الارسال اليها