السلام عليكم ورحمة الله وبركاته
ان شاء الله اخباركم تمام يا اعضاء وعضوات منتدى البطالة
في البداية ارجوكم يامشرفين ومشرفات واحة الاعضاء ارجوكم
لاتحذفوا الموضوع فانه لايحتمل التاجيل ربما يفرج الله كرباتكم
وهمومكم بسبب هذا الموضوع فنحن بحاجة من يستطيع المساعدة

انا عندي موضوع تكفون ودي احد يساعدني فيه وصدقوني راح الله
عزوجل يفرج همومكم ويزيل احزانكم ويفرح قلوبكم ان شاء الله
الموضوع يخص ايتام انا ما ابي احد يتصدق او يكفل جزاكم الله

الموضوع هو انا كافلة ايتام عددهم 7 الله يحفظهم يارب
بس المشكلة هم اجانب ودي احد يساعدني بتجديد اقامتهم
ضروري تكفون وانا مستعدة بالتكاليف المالية ويكفي انك تساعد ايتام
وانتم تعرفون اجر كافل اليتيم وهو مصاحبة النبي الكريم
وتعرفون قصص من كفل اليتيم كيف ان الله يفرج همومه ويشرح الله صدرورهم

انا ودي اللي يقدر يساعدهم بتجديد الاقامة يكون من الطائف ويبشر بالخير

انا انتظركم اخواني واخواتي ومن يعرف احد يستطيع تجديد الاقامة لهم
وصدقوني اني لم الجأ الى اليكم بعد الله عزوجل


اختكم صورة حزينة تنتظركم
ارجو من يريد المساعدة على الخاص وفقكم الله

الله يجزآكـ آلف خيرآختي ويكثرمن آمثآلكـ’
هذه محسوبه لكـ الله يرزقك ويوفقك دنيآوآخره
وناوالله من سكان أبها للأسف

انا اختك لايهمك النك ’’

وبصراحه مالي الا اني ادعيلك من قلب ان ربي يفرج لك همك

ويسخر لك من يساعدك عاجلآ غير اجل ’’’’

وماراح انساك من دعوات ظهرالغيب ’’’

يارب عقبال مااتوظف واكفل يتيم هذي امنية حياتي’’’


اختي عليك بالاستغفار بنية الفرج وبإذن الله ربي راح يفرجها لك,,,

الله يجزاك خير ويعيني ويعينك والمسلمين على الطاعه’’’

جزاك الله خير

أول شي جزاك الله خير وكثر الله من أمثالك

وآنا من الطائف وابشررري أجددهآ لهم عن طريق

ولد عمي بالجوازات بالطائف .. آنتظر ردك

وش مشكلتهم بالضبط اذا كانت تجديد فقط هذي بسيطة وكبتن عتيبة ما بيقصر(لله دره)

اما اذا كانت مشكلة ثانية ياليت توضحينها عشان نشوف لها حل

الله يسهل أمركم ويبارك لكم ويجعلها في ميزان حسناتكم

الله يرزق الجميع كفالة اليتيم وان كنت ارى كفالة اليتيم السعودي أسهل نظامياً والله أعلم

والله يرزقنا أجر كفالة اليتيم المسلم

يآآآرب تسهلها ياأرحم الراحمين

الله يوفقكم يارب وين ماكنتم ويكتب اجركم
سبحان الله يا اخواني واخواتي بمنتدى البطالة لم الجا اليكم بعد الله
في امر من الامور الا ووجدت حل الله يدخلكم الجنة ياارب
ويفرج همومكم ويجعل السعادة لكم بالدنيا والاخرة