01-01-2010, 10:55 PM
|
|
Banned
|
|
تاريخ التسجيل: Jan 2010
المشاركات: 122
معدل تقييم المستوى: 0
|
|
تكفووووون ابي حل اللي عنده خبره في البنوك والقروض
السلام عليكم ورحمة الله وبركاته
عندي استفسار وابي مساعدتكم يا اخوان
انا موظف بشركة ما تحول رواتب الموظفين للبنوك يعني تودع الرواتب في حسابات الموظفين في البنوك مجرد ايداع فقط
جيت ابطلع قرض للزواج قال البنك لازم اتفاقية بين البنك والشركة الي تعمل فيها من ضمنها تحويل الراتب علينا او على الاقل تحويل الراتب على اي بنك محلي آخر
حاولت يمين يسار ما خليت طريقة بس مافي فايدة صراحة
احد البنوك قال نعطيك قرض بكفالة شركتك لك ، طبعا الشركة رافضة كفالة اي موظف كفالة مالية او غيره وهي شركة أجنبية بالمناسبة وعدد موظفيها بالكامل 12 موظف انا السعودي الوحيد فيهم
مع العلم ان لدي كفالة شخصية عبارة عن موظف مدني حكومي او موظف عسكري وعندي قريب يعمل قاضي مستعد يكفلني لكن موظفي خدمة العملاء بالبنوك رافضين و يقولون لازم تحويل راتب ممنوعة الكفالة الشخصية للقروض الشخصية
فكرت اطلع سيارة بالتقسيط لكن شفت اني خسران بالبيع كذلك قيمة القسط الشهري اعلى من قيمة القسط الشهري في حالة طلعت قرض واصلا قيمة السيارة بعد البيع بالصافي ما تسوي لي شي .
ذهبت لشركات التقسيط لكن لاسف استغلاليين وقروضهم ضعيفة جدا واقساطهم الشهرية عالية جدا
دورت شركة ثانية اشتغل فيها وللاسف صار لي 4 شهور اقدم على شركات ومافي فايدة ، مع العلم اني مرتاح مع ذولا وراتبهم زين 7000 ريال بالشهر ما بلاقيه عند غيرهم لكن مشكلتهم بتحويل الراتب وشروط تحويل الراتب ما تنطبق عليهم اولها عدد الموظفين 12 موظف فقط
شباب تكفوووون اريد حل عاجل للموضوع هذا
والله نفسيتي بالارض وصرت منعزل عن الناس وعن جماعتي واهلي وبدأت اهوجس ، طاقني وسواس العنوسة الذكورية  وللعلم انا من قبيلة تكاليف الزواج عندهم لا تقل عن 120 الف
وانا من عائلة بسيطة واخواني كل واحد مشغول مع نفسه ومع عياله ورواتبهم على قدهم وابوي متوفي ولا عم ولاشي ، عندي خال واحد بس وعنده خبر اني حي للحين ما مت .
برضو اصحابي تزوجو كلهم وانا للحين ما تزوجت وما قدرت اطلع قرض وعمري شارف على الثلاثين
ارجوكم ساعدوني ونصيحة للي باني مستقبله على قرض يسأل الشركه الي بيتوظف فيها بالاول هل تحول الرواتب على البنوك ام لا علشان ما يتوهق
ساعدوني بالمشورة والراي الله يجزاكم الف خير
اخوكم شبه موظف
|
العرض العادي
