جميع مايخص وظائف جامعة ألاميرة نورة من أسئلة بالداخل!!

نسج خيال · #**1751** (**permalink**) 26-02-2010, 02:42 PM

اقتباس:

المشاركة الأصلية كتبت بواسطة كوكي كلاسك

هههههههه نفس سؤالي بس ماحد جاوب علينا

ههههه

ا نــا من ياللي اختبرو العام على وظايف في جامعه نورة

وكانت معي وحدة من صديقاتي .. كان اختبارانــا في مساعده مبرمجه حاسب

وزحمه مابعدها ولا قبلها زحمه .. القاعه ماشوف اولهــا من اخرهـا من كثر البنات

مع كذا .. ماشاء لله تبارك الرحمن .. صديقتي نجحت في الاختبار التحريري بس مدري وش صار عليهــا بعد كذا ..

طلع اسمهــا مع المرشحات

يعني هذا المهم .. ولا تقنطو من رحمه الله ..

اكثرو الدعاء وادعو وانتو موقنين بالاجابـــه ..

ولله يابنات جتني وظايف مأحلم فيهــا من روعتها و أنــا محتـــاجه ماديــا يعني مو مثل باقي البنات للي يقولون طفشنـا من البيت .. مع كذا رفضتهــا لانهــا اختلاط
من ترك شي للــه عوضه لله بخير منه

وعسى لله يغنينــا بحلاله عن حرامــه ..

((صلو على النبي ))

للهم صلي عليه وسلم

نسج خيال · #**1752** (**permalink**) 26-02-2010, 02:45 PM

.

.

.

ايه عندها بكالوريس انجليزي وعندها خبرة في التصميم او تعرف احد تراسلني بهذي المؤهلات

وظيفه في شركه ماسكه مشاريع لجامعه الملك عبدالعزيز

قسم نسائي صغير .. والوظيفه جاهزة

ادعو لي

رنة العمر · #**1753** (**permalink**) 26-02-2010, 03:13 PM

اقتباس:

المشاركة الأصلية كتبت بواسطة نسج خيال

.

.

.

ايه عندها بكالوريس انجليزي وعندها خبرة في التصميم او تعرف احد تراسلني بهذي المؤهلات

وظيفه في شركه ماسكه مشاريع لجامعه الملك عبدالعزيز

قسم نسائي صغير .. والوظيفه جاهزة

ادعو لي

مافهمتها نسوجة يعني لازم بكالوريس انجلش وهي وظيفة تابعة لحكومة والخبرة بالتصميم ببرنام فوتوشوب ؟؟

عاطلة مؤقتا · #**1754** (**permalink**) 26-02-2010, 03:18 PM

انا صار لي مثل ماصار لشريهان
خلونا نكتب الرقم اللي جنب اسمائنا بكشف التوقيع
والرقم مختلف تماما عن ارقامنا الصحيحة
انا تنرفزت وقلت للمشرفة شلون كذا مايصير ؟؟
( يعني هالرقم اللي كتبته رقم سجل بنت ثانية )
قالت معليش هذا رقمك اللي حطيناه بالكمبيوتر الحين
سجليه واذا طلعت النتائج نعدله !
والله اني خايفة وضايق صدري

وجه اخر · #**1755** (**permalink**) 26-02-2010, 03:55 PM

لا يابنات الارقام الي عند اسمائنا في الكشف الي معهم كلهااا سجلات البنات بس كلهاا غلط المشرفه قالته
تقول اكتبوا ارقام سجلاتكم وخلوا ذا الارقام الطويله لانهااا كلها غلط

عاطلة مؤقتا · #**1756** (**permalink**) 26-02-2010, 04:04 PM

ياربيييييييييييييييييييي .. لاتضيقين صدري ..
طيب وش الحل الحين
ياويلهم من الله وبس .. ليه يلعبون باعصابنا
الحين يعني ورقتي بتنحسب لبنت ثانية ..؟
ولا وش اللي بيصير !!

اخصائية اجتماعيه · #**1757** (**permalink**) 26-02-2010, 04:16 PM

اقتباس:

المشاركة الأصلية كتبت بواسطة آلدانه

للحين تحلون وتصححون انسووووووووووا
ووسعو صدوركم وتوكلوا على الله
انا اتوقع 100 % بيرشحون البنات الي اجوبتهم 50 من 50
والي عندها لو غلط واحد ماتترشح
هذا توقعي والله اعلم

والعملي اليوم بس تاكدت مليوم بالميه انه فيه مرشحات خخخخخخخخخ اتخيل لو هالعالم كلها تختبر عملي وش بيصير

والله انا عن نفسي احس اني مااستحق الوظيفه مع اني ولله الحمد حليت كويس لكن فيه غيري احوج فها واولى فيها لكن الله يكتب الخير للجميع

مشاء الله عليك انتي وش تخصصك

كوكي كلاسك · #**1758** (**permalink**) 26-02-2010, 04:17 PM

اقتباس:

المشاركة الأصلية كتبت بواسطة سنه أولى بطاله

هي مااخذتها مني بس قالت معاك قلت يسسس

وهي مالزمت علي بس أنا تلقفت وطلعت صورة الهوية واستمارة الطلب وصفيتها بجنبي
وتراني ماكنت سرحانتون ولكن كنتو منهمكتون انهماكا شديدا في الحل

>> أتحدى تجيبين عبارة قوية كذا

هههههههه لا صراحة مايمديني عليها ،،، وان شاء الله ننقبل بالعملي

ترانيم الأمل · #**1759** (**permalink**) 26-02-2010, 04:27 PM

السلاااااام عليكم

بنااااااات كيف راح يكون امتحان العملي
وفي أحد يدري متى تطلع النتايج

سألت وحدة عن مسجلة الطالبات قالت يبغون 57
صح كلامها والا كم يبغون : /

الله يوفقنا والجميع