جميع مايخص وظائف جامعة ألاميرة نورة من أسئلة بالداخل!!

jood-ammar · #**2921** (**permalink**) 03-03-2010, 03:46 PM

للأسف طلاب وطالبات الثانوي يعانون لما يتخرجون من الثانوي ..

وطلاب وطالبات الجامعات والمعاهد أيضا يعانون لما يتخرجون ....

والسبب الأنظمة الفاشلة والظلم اللي سائد بكل القطاعات ...

حسبي الله وكفى ...

أقروا كلام طالب متخرج من الثانوي هذي شكواه وهو توه ما بعد قام يدور على وظيفه

عاد وشولون لو انقبل بجامعه وتخرج وقام يبحث عن وظيفه وش بيصير حاااله ...

والله انه صااااااادق .....

اقتباس:

تفوووووووووووووووو عليك يا وزير التربيه والتعليم ..قال أيش وزير تربيه ربي نفسك با الأول لو جايبين هندي أو يهودي بيرحمنا يا بو كررررش

بسم الله الرحمن الرحيم ~

السلام عليكم ورحمة الله وبركاته ~
......
طفاَكي القدر ياشمعتي .. خلاَني اَجر بحسرتي
شلي بهالعمر ياَدنيتي .. محسود على حظي وقسمتي
.....
ااخ بس توي حسيت بمعاني هالكلمات
الله لايوفقكم ياوزارة التربيه والتعليم .. اسف قصدي وزارة الملعنه والتحطيم
ياناس ياعالم ياهوه وش هاللي قاعد يصير فينا
حنا الشباب بدينا نظيع والسبب للاسف مومنا .. السبب من ........ !!
......
الله لايوفق من حط هالأنظمه الزفت الي زي وجهه الي خلتنا نعاني بعد الثانويه
يعني معقوله دراسه سـ 12 ـنه من الابتدائي الى الثانوي
وبالأخير ماتؤخذ من نسبتك الثانويه غير 20%
طيب هذا الشي قلنا يمشي مومشكله ولوانه مايمشي بس بنقول يمشي
ليه التعقيد ؟؟ ليه اختبارات قدرات وتحصيلي ليه !!
يعني معقوله الجامعات تهتم بنسبة القدرات والتحصيلي اكثر من الثانويه
يعني دراسة عمرك كلها راحت بالهوا ؟؟
القدرات : ركب احمد فوق ظهر وزير التربيه .. وركض به نحو الدرج
فكم سرعة الوزير من مكتبه الى الدرج ؟ <<< سؤال مشابه لأسئلة القدرات
طيب يرحم لي ام امك هالسؤال وش بيفيدني بالجامعه ؟؟
اجيب بالقدرات نسبة ززززفت على اسئله ورب النعمه ماتسوي والله !!
.....
ويابختك لاقالولك بكرة اختبار تحصيلي .. ههاااااااااااااااااااااي
روح دور لك كتب من اول وثاني ثانوي عشان تذاكرهم .. طيب لييييه
انا دروس ثالث زين اني اذكرها تبون تختبروني بدروس اول وثاني !!
السالفه هل هي تعقيد ؟ ام لعانه ؟ ام قلة حيا ؟ ام تصريف الشباب والفكه منهم عشان مايكملون دراستهم ؟
ولا وش المقصد بالظبط !!
....
طيب خلوني اتكلم عن نفسي شوي !!
انا واحدن قدر الله علي بثاني ثانوي وصار لي حادث وتنومت بالمستشفى .. وللاسف كان وقت دراسه
تميت بالمستشفى تقريبا شهر الا كم يوم
وجا وقت الاختبارات النهائيه ونا ماكنت احظر منوم بالمستشفى
كلمنا ادارة المدرسه وراسلنا الوزاره بخصوص تأجيل اختباراتي عالاقل بعد الطلاب باسبوع
اكون ذاكرت وجبت مدرسين وسنعت اموري !!
كان ردهم : ياتختبر مع اخوياك ياتعيد السنه .. بغيت ولاكيفك
ختفووووووووووووو عليكم واحد واحد
ودخلت الامتحانات وجبت ام ام العيد واخذت نسبتي بثاني 70%
طيب جا ثالث وقلت لازم اشد حيلي .. والحمدلله شديت حيلي واجتهتد وجبت 95%
وتجيك حلاوة التربيه والتعليم بنظام التراكمي .. وتخسف ام امي من 95% إلى 82 %
بذمتك ماهو تحطيم .. بالله عليكم ماهو ظلم
وجبت بالقدرات 77 % .. وبالتحصيلي 72 %
يعني نسب حلوه ومعقوله .. الاغلبيه داجين 70 وتحت .. نص الي اعرفهم بالستينات
ماعلينا اخذت ملفي من المدرسه ومبسووووط اني خلصت الثانويه الحين وشاق ام ام الابتسامه خلاص كبرت .. هههههههه
المهم وتميت فتره مابقى جامعة .. ولاكليه .. ولامعهد بالمملكه العربيه السعوديه الا قدمت فيه
والله العظيم لواحسبهم فوق الـ 18 جامعه وكليه ومعهد سجلت فيهم !!
وطلعت كل نتايجهم وكلهم نفس الرد : نعتذر بعدم قبولك .. نتمنى لك التوفيق
اي توفيق بيجيني من وراكم حسبي الله عليكم ..
وش تبون مني تبوني غصب اجيب لكم 99% .. يعني هذا الي الله كتبه لي وجبته ليه الرفض !!
مسكييين الي يقول حلمي ادرس كذا وكذا ههههههههههه
هذاك اول ياحلو ياللي تفكر بمستقبلك .. مستقبلك من الان ورايح موبيدك فديت قلبك بايد غيرك يانايم صح صح ~
رساله لطلاب الثانويه الان :
لحد جاك وسئلك ها يابطل وش طموحك تكمل بعد الثانويه ؟
قله كل تبن وظف وجهك .. وعطه ظهرك وروح المقصف خذ لك شي تاكله
قال ايش قال وش طموحك ؟ ياما سئلوني هالسؤال وكنت اجاوب اقول ودي : مهندس
مهندس مييين ياحبيبي .. لوتجيني خباز الحين بروح اقدم ملفي .. هههههههههههههه
......
هل يعقل ياناس نسبة الطلبه الي قدمو عالبعثات هالسنه هي 47 ألف طالب وطالبه
معقوله كل هذولي اظطرو يطلعون يدرسون بره بسبب انهم مالقو لهم جامعات هنا !!
حنا عيال الديره مانلقى لنا جامعات هنا ؟؟ يظطر الواحد يروح للغربه عشان يدرس ويتعلم
الغربه صارت هي وطنا بهالأيام .. الغربه للاسف هم الي قدرونا واهتمو فينا ودرسونا وعلمونا
....
كنت بالثانويه اخطط احلامي .. كنت افكر بمستقبلي
كنت وكنت وكنت .. !! لكن كل شي انهدم
خخخخخختفووووووووووووو على كل من كان السبب بضياعنا
....
من اليوم ورايح خلاص .. والله لاصير اكبر سربوت بالسعوديه
بدج بالشوارع .. بتحرش بالبنات .. بفحط .. بهستر ..
لين حد يحس فينا !!
...
المشكله كل جامعه تقدم فيها يقولك نبي مثلا 80% وفوق
ويبون عدد الطلاب 10 الاف طالب مثلا
تلقا 20 ألف طالب مسجلين نسبهم 90 وفوق
بالله حنا يااصحاب الثمنينات وش نسوي ؟؟
....
افرضو انه فيه جامعه ماتقبل الا طلاب نسبهم من 70% إلى 90%
فوق الـ 90% ماتقبل خلاص يشوفون لهم جامعات ثانيه ياكثرهم بهالديره
جامعه وحده بسسس لويصير فيها هالنظام وقسمن بالله العظيم ان نص العاطلين الحين تلقاهم يدرسون فيها
يعني ليش وزارتنا مايشغلون عقلوهم ليش الوزير جالس على كرسيه وراز خنفرته ومغير يطلع قوانين وشروط مدري من وين جايب امها
ليش مايفكر كيف يلقى حل لهالطلبه الي متكين ببيتوهم ماجاهم شي .. ليه كل تفكيره بالطلبه الدوافير ليييه
ليه يبي كل الناس يجيبون 90 وفوق ليه مايفكر ان الدراسه مستويات .. ناس مستواهم عالي وناس متوسط وناس نازل
....
انا اهم شي طلعت كل الي بقلبي
ومتأكد ان هذا مثل ماهو بقلبي برضو بقلب كل طالب خريج الثانويه
وكلنا بصوت واحد : حسبي الله ونعم الوكيل على من كان السبب
....
وبالأخير انا ماكتبت هالموضوع عشان اشهر نفسي
انا كتبته عشان توصل رسالتنا للمسؤولين ولمن يهمهم الامر
عشان كذا انا مابكتب لااسمي ولالقبي ولاشي
الي ابيه منكم ان هالايميل مايوقف عندكم وبس
لاتبخل على نفسك حتى لوترسله لواحد ..
اقل شي قدرو تعبي بكتابته ولاتوقفوه عندكم وانشروه وهالشي لمصلحتنا كلنا
وتقبلو تحياتي للجميع
واعذروني على زلاتي لكن وربي من حرر مافيني

كم احبك يإلهي · #**2922** (**permalink**) 03-03-2010, 03:52 PM

لحظه صمت نشكر عضوات المنتدى مابذلو قصارى جهدهم لتزويدنا بعلومات مهمه ومفيدة وتعاملهم الراقي نشكر كل من ساهمت بدعاء وشكر وتفاؤل ومساندتنا في المحن نشكر لمن ادخلت الضحكة في شفاهنا من رغم ان الاحباط والألم يتسلسل في قلوبنا نشكر لمن تؤازرنا وتقول هناك امل لكنا لاتيأسوا نشكر ثم نشكر ثم نشكر والى اللقاء في مسابقة وظيفيه اخرى وبإذن لله سيكون فيها الوضوح وفيها الحق وفيها العدل ومسح اي من لديه واسطه بإذن لله والسلام عليكم ورحمه الله وبركاته

آزمة موهوبة · #**2923** (**permalink**) 03-03-2010, 03:57 PM

.

بنااااااااااااااااااااااااات انا راسلت جريدة الجزيرة للإطلاع على هالرابط وموضوعنا

ويارب يدعمونا إعلاميا ويبثون في شكوانا ضد الجامعة

كلكم راسلوا الجرائد واعطوهم الرابط ..بهالصفحة

.

لييييش · #**2924** (**permalink**) 03-03-2010, 03:57 PM

رنه انا معك بس سؤال وش يضمنا انو الورقه بيقرونها وبياخذونها بعين الاعتبار

يمكن يرمونها من غير مايفتحونها انا عندي حل نجتمع يابنات ونرووووووووووح لمكتب الملك عبدالله والله انسان رائع وبيتفهم وضعنا

ودمتم

شيريهان · #**2925** (**permalink**) 03-03-2010, 04:00 PM

يا الله لا تقعدون تودعون توكلو على الله وسجلو ماجستير العادي بجامعة الامام يوم السبت هذا او الاثنين وخلوكم من هالوظايف اللعبه مكشوفه وكم مره نجربهم وهما هما ماتغير شي واتمنى التوفيق للجميع

وهَـجْ ~. · #**2926** (**permalink**) 03-03-2010, 04:06 PM

اناااااااا معااااااااكم اي شي بتسووونه انااااا معاااكم
رنة العمر انااااا معااااااك لا تنسووووني _____ انهبلت البنت مخها طفى ؟

جيهانه · #**2927** (**permalink**) 03-03-2010, 04:06 PM

لا حول ولا قوة إلا بالله العلي العظيم
إنا لله وإنا إليه راجعون....اللهم أجرني في مصيبتي واخلف لي خيرا منها

عن ام سلمه رضي الله عنها قالت : سمعت رسول الله صلى الله عليه وسلم يقول : « ما من عبد تصيبه مصيبة ، فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها . قالت : فلما توفي أبو سلمة ، قلت كما أمرني رسول الله صلى الله عليه وسلم فأخلف الله لي خيرا منه رسول الله صلى الله عليه وسلم . رواه مسلم .

قهوه ساده · #**2928** (**permalink**) 03-03-2010, 04:07 PM

صحيح ماضا ع حق وراه مطالب بس الشكوى لغير الله م\له
كل الدواير والمؤسسات الحكوميه مليانه بالفساد
نشكي على ميييييين ولا مييين
النكته المضحكه والمبكيه الديوان منزلين اسامي بنات جديده على انه ترشيح جديد
وان قاريه اساميهم وترشيحاتهم قبل شهر
يعني شوفونا ترى نرشح ونشتغل

مااقول هيك وزاره بدها هيك ناس

وهَـجْ ~. · #**2929** (**permalink**) 03-03-2010, 04:08 PM

أعلنت وزارة الخدمة المدنية أسماء (87) مواطنة مرشحة لوظائف إدارية وطلبت منهن سرعة مراجعة أي من فروع ومكاتب وزارة الخدمة المدنية اعتباراً من يوم السبت الموافق 2/ 3/1431هـ حتى نهاية دوام يوم الأربعاء الموافق24/3/1431هـ لاستكمال إجراءات ترشيحهن وتوجيههن للجهات الحكومية لمباشرة مهام وظائفهن.