السلام عليكم ورحمة الله وبركاته

ممكن سؤال في مؤسسة فيها تلاعب وابي اكشف هالتلاعب بدون ما اتضرر الاوراق للاسف كله شغله بالسليم ولا اقدر اوصلهم الغش بالفواتير واتوقع صاحب هالمؤسسه ما عنده علم بهالشي والتلاعب من قبل المديره والسكرتيره طبعا القطاع نسائي وش الطريقه التلاعب على مستوى بس من جد مقهوره من هالمديرة تعاملها للموظفات كنهم خدم عندها وظلم بالرواتب وظلم بكل شي واسلوب ما ينسكت عليه تقول للوحده انا قررت اصرف العجايز ابي العمل كله بنات صغار بوجهم رغم ان عمرهم لا يتعدى 35 سنه اذا هم عجز اجل هي وشي مخرفه لانها اكبر منهم سنا قهر الامور كلها بيدها واتوقع محد داري عنها واضح انها مستلمه الخيط والمخيط بهالمؤسسه وزي ما قالو غيب يا قط العب يا فار فياليت تدلوني على هالسبيل لاظهار الحق لانها ظلمت ناس كثار محتاجين للعمل وصرفتهم وتاكل فلوس هالمؤسسة من ورا مسؤوليها وشكرا

حسب ما هو واضح التلاعب بالفواتير وإذا كان بالمبالغ وتغيرها يعتبر تزوير يعاقب على فاعله من قبل النظام، وكذلك يعتبر من الجرائم الكبيرة الموجبة للتوقيف، أتمنى المزيد من التوضيح لتوجيهك بالخطوات الواجب اتباعها

جزاك الله خير


ادخلي الرابط تحت وتحصلي الارقام للشكوى

https://www.btalah.com/t12776.html

المديرة تتلاعب بالفواتير حتى تاخذ المبالغ الباقية لها....المشكلة شغلها بالسليم تقول اشكو علي واثقه من انها ما راح تنمسك...اصحاب المؤسسة من ال سعود الله يحفظهم لنا طال عمرك وين اوصلهم اخاف اتورط ويصير علي شي انا ودي ادافع عن هالظلم اللي يصير لان مظنهم يدرون عن هالشي لان التلاعب عليهم فهمتوا المديرة تتلاعب على اصحاب هالمؤسسة حرام تستغل هالثقة هي وسكرتيرتها لمصالحهم الشخصية لان العمل امانة وهالناس اللي يشتغلون عندها بامنتها وهي الآن جالسه تجدد الموظفات وتطفش بعضهم بالظغط نفسيا وعمليا عليهم حتى تصرف اللي عرفوا عن تلاعبها وتخفي معالم جريمتها...لانها اموال خيرية مدري كيف ينوثق بهالاشكال ويوظفونهم عشان شهايدهم وينعطون امانه ماهم قدها...والله ودي اوصل هالتلاعب بس القهر واثقه ان اوراقها كله بالسليم مو خايفه من اي تبليغ عنها وش السوات معها؟

المديره ما راح تنكشف الا في حاله وحده لواصحاب المؤسسة هم يرسلون لها مبلغ معين لغرض معين من قبل ناس خارج المؤسسة وطبعا بيصير توقيع اوراق وهالشغلات ثم يشيك بعدها الفواتير راح يظهر الحق ويكتشفون طريقة تلاعبها عليهم

أو في طريقة اخرى ان شركة معينه اتفق معها ولازم لهم محامي على اساس الطريقة تكون كلها بالسليم واسوي نفسي اني مندوبه لهالشركة والموظفة اللي بالمؤسسة المتعاونه معي لكشف هذا التلاعب نتحايل على هالمديرة ونظهر الحق بس يا ناس التلاعب كبيرررررررررررررررررررر وهالشي تشويه لسمعة طويلين العمر هاللي مخلي الناس تسكت بالهم انهم عندهم خبر عن هالشي وعن هالظلم وساكتين على فكرة المبالغ طويلين العمر مالهم دخل بها ريعها يرجع لمؤسسات خيرية اخرى ورواتب موظفات ومصاريف كهرب وصيانة يعني مهم مستفيدين شي لانها مؤسسة خيرية هدفها خيري بالتوفيق

اهم شي ابي اكشف الحق ويكون عظه وعبره هالشي ان اموال هالمساكين امانه ما تنعطى مسؤوليتها لاناس ما تخاف الله لازم اي مؤسسة لها علاقة بهالطبقة ان يوضع فيها دبوس(جاسوس) بالعمل وهم ما يدرون مهما كان ثقتهم بالمدير المسؤول لابد متابعة اموال هالفقراء والمساكين وين تروح وين تجي لانهم مسؤولين عنها يوم الدين بالتوفيق