السلام عليكم ...

صبحكم الله بكل خير ....

يقول المثل ما خاب من استشار ...

وابي استشيركم في مشروع ابي انفذه .. وهو عباره عن بوتيك لبيع ملابس الانجري النسائيه ..

ويكون مغلق يعني العماله الي فيه نسائيه

وراح يكون باحد مولات الدمام...

تكلفة الايجار بتكون من60-70الف

المساحه 5*6

لكن اخاف من المغامره لانه بيكلفني حدود ال100 الف واخاف ما بيكون عليه اقبال ..

وانا حاليآ اجهز

لدراسة الجدوى ..

واذا احد يعرف محل ديكور يجهز المحل وتكون اسعاره معقوله لا يبخل علينا ..

وشاكره لكم عناء قراءتكم ولا تحرمونا توجيهاتكم..

ما شاء الله
دراسة الجدوى بإذن الله تساعدك
على النجاح
ولكن رى بأن التنويع مطلوب
وفقك الله

فكره جميلة بالتوفيق

يا هلا والله مشكورين على تواجدكم ...

وبالنسبه للأخت طهر النور ... اعتقد تسمحفيه البلديه لاني شايفه كذا محل نسائي بمول مفتوح ..

شوفي حبيبتي انا عملت لفتره قصيره بمحل نسائي مغلق

وتحديدا بأحد مولات الدمام وكان فيه لانجري وغيره

وفكرت اعمل لنفسي نفس الفكره بس بشكل اخر

لكن غلا الايجارات هو اللي خوفني شوي وكذلك عدم توفر راس المال الكافي

المشروع الصراحه ان شاء الله مربح خصوصا اذا تميزت البضاعه

واحضرتي اشياء جديده وغير متوفره كثير يعني يبغالك

اذا دخلتي هالمجال تشوفين هالمحلات و البوتيكات

وتدرسين الاشياء اللي موجوده عندهم

عشان تجيبين الاشياء اللي مو متوفره ...واي سؤال انا حاضره

وياليت تعطيني اسم المجمع عشان افيدك اكثر

والله يوفقك يارب

بالتوفيق

نهاية حلم
يا هلا نورتي الموضوع والله يسعد قلبك على الرد الي يثلج القلب ويحمس ..

ولك رسالة على الخاص وان شاء الله ما تبخلين علينا ..


........................

ا ل و ا ن ...

الله يوفقنا واياك وجميع الاخوان لما يحب ويرضى ..

سبحان الله وبحمده سبحان الله العظيم

أنصحك بالعمل ولو لفترة مؤقتة لمعرفة حجم الطلب عليهم أو حتى الجلوس مع من عمل في هذا المجال لكي لاتغامري لأن كما تعرفين الإيجارات في المولات مكلفة جدا .