السلام عليكم ورحمة الله وبركاته

انا ودي اقول بس ان الفقر ذبحنااااااااااااااااااااااااااااا وش اسوي طيب لا وظيفة ولا اب ولا اخوان مافيه الا والله العظيم يا ناس متخرجه من اكثر من عشر سنين وقلت يلا يمكن الشهادة هذي مو كويسه واروح واخذ ماجستير وامتياز بعد ووالله نفس الحالة ، حراااااااااام اللي
اقل مني معدل وقدام عيني توظفن عشان الواسطه حسبي الله ونعم الوكيل على وزارة الخدمة المدنية وحسبي الله ونعم الوكيل على كل المسؤولين بالقطاعات الحكومية والاهلية كل

شي بالواسطه الله ياخذ حقنا منهم ، والله يا شفت اشياء وتعرضت لمواقف !! الواحد خلاص بيفقد عقـــــــــــله من القهر ، اروح بقدم على وظيفة تقولي المسؤولة شوفيلك واسطه اقولها ماعندي تقولي خلاص اقعدي بالبيت وادعي ، ادعي قبل ما اشوف وجهك ، رجاءً لا حد يقولي اصبري وادعي الحمدلله صبرت وادعي واستحملت وجالي اكتئااااااااااااب من الظلم اللي اشوفه
وش الحل مع ها النااااااس اللي ما تخاف من رب العالمين

حياك الله اختي والله الحال من بعضه لكن مالنا الاالصبر.".

الله يخليك اخوي بووووووناصر وقاتل الله الواسطه

طيب للي شافوا الموضوع المعاناة اللي عايشتها هذي ما تستحق النقاش ؟ واسطه واسطه واسطه واسطه بكل مكان ؟؟؟ اروح اقدم واكتب منطقة وتطلعلي الموظفة تقولي روحي شوفي الجدول اللي غير شاغر لا تكتبينه مو حرام كذا ، الوظايف محجوزة ؟؟؟؟؟؟ او يلعبون علي ويخلوني اطلع من البيت وفي حر الشمس واقعد عندهم عشان يسولفون معاي شوي وهم نصابين وربي شاهد اللي في الوظيفة اللي جايبيني مقابلة شخصية على اساس هيحددوا مين ياخذها قاعده معانا وموقعين على ورقها انه يعتمد توظيفها وتتكلم بصوت عالي بعد ، والله ما احسدها بس ليش يتلاعبون في الناس ؟؟؟؟؟؟ اللي مؤهلهم عالي يا يقعدون في البيت او يتوظفون وظايف ما تتناسب مع مؤهلاتهم ويحسون باغتراب ؟؟؟؟؟؟ وابببببببببببببي احس باغتراب عادي بس مالقيت ؟؟؟

الواسطـــــــــــــــــــــــــــــــة

والله ياناس وحده اعرفها موظفة في قطاع حكومي مثبته ومفرغة ويمشي راتبها ، ومتوظفه تعاقد في قطاع حكومي ثاني وماشي لها راتب ثاني وتدرس دراسات عليا ، واشياء ثانية كثير بس ماحد يدري
والله ما احسدها وربي شاهد بس كل هذا عشان معاها واسطه تسوي اللي تبي ، ليه كذا ؟؟؟ وين العدل ؟؟؟

الله يفك عليك كربك ويسر لك أمرك

أختي يمكن تكون خيرة لك ماتعلمين وين الخيرة فية وماتظيق إلا تنفرج

لاحول ولا قوة الا بالله العلي العظيم

اول شي كلنا بــ هوى سوا والشكوى لغير الله مذاله

ولا حول ولاقوة الابالله العلي العظيم



رَبِّ اغْفِرْ لِيَّ وَلِوَالِدَيَّ رَبِّ ارْحَمْهُمَا كَمَا رَبَّيَانِيْ صَغِيْرَا
اللهمَّ ارْزُقْنِي الْفِرْدَوْسَ الأعلى مِنْ غَيْرِ عِتَابٍ ولا حِسَابٍ ولا عَذَابْ

الله يفك كربتك وكربة الجميع يارب ..

عموما خيتوو اتفضلي قدمي هنا على أمل يتصلو فيكي إن شاء الله

سواء إنتي أو الشباب .. طبعا التقديم في أمانة جدة

للتسجيل هنــــــــــا

بعد تعبئة النموذج في رقم ع اليمين

الي هو رقم الطلب .. ياريت تحفظوه عشان في حال اتصلوا عليكم بيسألوكم ع رقم الطلب ..

وبتكون في مقابلة شخصية ..

يعني ياريت الاجابات تكون على الاسئلة صحيحة

لانك حتتسأل\ي بنفس الاسئلة والمفروض الاجابة تكون نفس اجابتك ع السؤال


والله يوفق الجميع ..

ان شاء الله اجيب لكم وظايف كماان على قد مااقدر


وللعلم أنا مو سعودي < عشان أسكت بعض الحاقدين

لاحول ولاقوة إلا بالله
فعلأ نستطيع نحل جميع المشاكل إلا (و)
الله يكون بعونك إختي
والله يكتب لكي الي فيه الخير
والله يوفقك بالدارين

الله يفك كرب الجميع ويرزقكم من حيث لا تحتســــــــــبون

اخوي متهم ، شكرا لك بس انا في الرياض

بس على فكرة مقدمة على امانة الرياض وكلمت شخص فيها وقالي مقدمين علينا فوق ال 1000 وحده بس اذا تعرفين احد يمشي طلبك !!!!
واثنين من صديقاتي اتوظفوا فيها بالواسطه وحده زي مؤهلي والثانية بكالوريوس لا لشيء الا عشان الواسطه ...
حتى الدراسة صارت بالواسطه !!!!!

ومن مواقفي اللي أتألمت بسببها في يوم كلمت جامعة الاميرة نورة ورد علي مسؤول عن الوظائف الادارية وقالي جيبي اوراقك ورحتلهم ثاني يوم بعدين مالقيته فقالولي روحي للقسم النسائي فرحت ورفضت الموظفة كلهم كلامهم متناقض وحده تقول الا فيه ووحده تقول لا مافيه واذا رجعت لثانية اللي تأكد ان فيه تنحرج وتقول خلاص ما اقدر هي المسؤولة ، واطلع واكلمهم بالتليفون واقول للمسؤول عندي شهادة كذا وتقديري كذا يقولي في وظائف مستخدمات ووالله والله ما كذبت عليه هذا رده ، حسبي الله وكفى فيه وفي امثاله

انا لو بكتب مجلد عن مواقفي مع الواسطه ماراح اخلص كلها ظلم وقهر ، افكر اروح لحقوق الانسان اذا فيهم خير يحلون مشاكلنا

الله يوفقج يااااارب
والحال من بعضه يااالغاااليــــهـ...
ماقول الا حسبي الله ونعم الوكيل على الخدمه بسسس