04-01-2010, 05:46 PM
|
عضو مهم
|
|
تاريخ التسجيل: Aug 2008
الدولة: القصيم
المشاركات: 304
معدل تقييم المستوى: 214782
|
|
|
فضفضة معيدة بنظام المكافأة المقطوعة-----جامعة القصيم
align=center][/align][align=center]
السلام عليكم ورحمة الله وبركاته
عندي استفسار بخصوص الخبرة
انا السنة الي فاتت كنت أدرس في مدرسة اهلية وبداية هالسنة داومت ثلاث ايام واتصلوا علي الكلية قالولي راح نتعاقد معك هالترم وفي حالة احتجنا راح نتعاقد معك الترم الثاني فرحت كثير يومها لانه مستوى ارقى من الاهلية وغير كذا طموحي (كان) التدريس في الكلية وتكملة تعليمي العالي
المهم تركت الاهلية وداومت فالكلية وفنفس اليوم الي داومت فية اتصلوا علي (مكتب الاشراف) بدل استثناء ترم( الوظايف يا تجي سوى يا نقعد نطاردها لحد ماتجي) وبعد التفكير رحت للكلية وتركت بدل استثناء لانه كان في قرية وبعيد والكلية شارعين ورى بيتنا هذ1 اولا وثانيا نفس الراتب وكلهم نفس المدة وكلهم وظايف حكومية وفيهم خبرة<<<<والحين اعض اصابعي ندم بسبب الشائعات ان الجامعة ماتعطي خبرة الا لمن امضى في العمل 6 اشهر فما فوق بالله عليكم تعاقدهم معي ترم والترم مايوصل خمس شهور من وين اجيب لهم شهرين زيادة؟؟!!!
المهم هذا كلام مديرة شؤون الموظفين في الكلية الي انا اشتغل فيها انصدمت وماسكتت وبديت اتصالات على الجامعة وعارفين جامعة القصيم ماشاء الله لا اله الا الله ترد على الاتصال بسرعة
جلست كم يوم وانا اتصل وكل موظف اقوله حالتي يقوم مو من اختصاصي ويعطيني تحويلة جديدة وعلى هالحالة لحد ما رد شخص طمني قالي لو لك شهر مداومة نعطيك خبرة ولا تسألين احد خلاص عن الخبرة لانهم مايعرفون شي بالنظااااام وانتي اول ماتخلصين بس ارسلي احد عندي وانا اطلعلك خبرتك ومن بكرى قلت هالكلام لمديرة شؤون الموظفين بالكلية وكذبت هالكللام وتقول اكيد الي رد عليك ماعنده سالفة و تقول انا بنفسي مكلمتهم وقالولي مانعطي خبرة الا بعد مضي 6 شهور عمل ورجعت ضاق صدري قلت مافي الا ان اخوي يروح بنفسه للجامعة ويستفسر وقالوله نفس الكلام انه لي خبرة بس بعد ما انهي التعاقد ويرسلوا اوراقي للجامعة على الترم الثاني اروح اطلعها جيت وقلتلها قالت مانعطيك انا متأكدة وعندي اللوائح تقول كذا قلت لها انه قالي تعالي وانا اطلعلك الخبرة ماقالي خوذيها من الكلية وان الي مطلوب منكم بس تعبولي نموذج ديوان الخدمة المدنية كم يوم وكم ساعة اشتغلت قالت لي انتي طلعي الخبرة وبعدين يصير خير وقالت لي راح نعبيلك النموذج على حسب الساعات الي اشتغلتية قلتله كيف انا مو كل اليوم محاضرات بس يوميا انا ادوام كاني رسمية من 7وربع الا وحدة ونص لاني كل يوم عندي الاولى والسادسة المفروض على طول تعبي ساعات اليوم كله (زي خبرة الأهلية حاطين لي ساعات الدوام كامل مو عدد حصصي باليوم) قالت لا حنا غير؟؟!!!!<<<<<< على هالحالة الديوان بعد ماراح يقبل هالخبرة لان الديوان مشترط ان ساعات العمل اليوم لا تقل عن 6 ساعات وانا باليوم عندي اربع او خمس ساعات
المهم طلعت معانا استاذة برضوا سبق واشتغلت بكلية غير هالكلية هذي وعطوها خبرة عن ثلاث شهور اشتغلتهم ويوم قلتلهم هالكلام قالولي هذولا نظامهم غير يعني كيف النظام غير وكلنا نتبع جامعة القصيم؟؟؟!!!!!
معاي وحدة والله رفضت تعاقد سنة مو ترم بدل استثناء واخرتها قالولها مالك خبرة وهي نفس وضعي خبرتها الي قبل ناقصة وتبغى تكملها ووالباقين نفس الكلام بفارق انهم ما انعرضت عليهم وظايف بخبرات افضل او بنفس المستوى قبل عشان يتندموا مثلي انا وإياها؟؟!!
اللي قاهرني اني الديوان ما احتسب لي خبرة المدرسة الأهلية الي قبل لانها ناقصة أربع أيام عن تسع شهور وكنت ناوية اكملها بخبرة الكلية والكلية تقول مافي خبرة يعني انا في نظر الديوان ما اشتغلت وماعندي خبرات وانا من تخرجت وانا اكرف بالوظايف عشان الخبرات انا حتى كنت اشتغل من العصر للعشاء عشان الخبرة وقالولي الديوان ماتاخذ خبرتين بنفس الفترة يعني ضغطت على نفسي عالفاضي وبالاخير عمل بلا خبرات معترف بها للديوان ورجعت ضغطت نفسي واخذت دورة الicdl والله يستر ما يرفضوها بعد الديوان او ترجع شائعات الغاء اعتمادها
الي يعرف بنظام الجامعة او يعرف موقع فيه لوائح الجامعة وانظمته لا يبخل علي
هذي مشكلتي ودعوااااااااااااااتكم
[/align]
|
العرض المتطور
