ارجو من الاخوان العسكريين الإفادة

جندي اول جامعي · #1 (**permalink**) 05-01-2010, 02:19 PM

انا احد افراد وزارة الداخلية ولي في الخدمة 7 سنوات وادرس بالجامعة انتساب تخصص علم اجتماع وباقي على التخرج ان شاء الله حوالي ترمين . وعمري حاليا 26 سنة
سؤالي هل استطيع ان التحق بالكلية الامنية مباشرة
وهل في حالة التحاقي باكاديمية نايف لدراسة الماجستير سوف استطيع الالتحاق بالكلية
ارجو التوضيح وشكرا لكم

مرج الزهوور · #2 (**permalink**) 05-01-2010, 02:34 PM

بسم الله الرحمن الرحيم
السلام عليكم
أما بعد
أنا قبلوني قبول نهائي في دورة التأهيلية 1430هـ الرياض
ورحت يوم الدورة قالو أدخلو جري إلين جوه وفتشونا وأخذو الجوالات والأمواس وأي حاجه حاده
وبعدين وقت التوزيع ماذكرو إسمي ومعايه 20 واحد ما ذكرة أسمائهم
وبعدين قالولنا معليش إنتم تطلعون من الدورة عشان حنا غلطنا بأرقامكم وإنتم في الإحتياط
وما دقو علينا حتى الآن

والسلام عليكم ورحمة الله وبركاته

................................. ولاتنسوني بالدعاء لي

جندي اول جامعي · #3 (**permalink**) 06-01-2010, 08:22 PM

طيب ياخوي تتوقع اقدر التحق ولا ما اقدر

جندي اول جامعي · #4 (**permalink**) 07-01-2010, 03:24 PM

ماحد يبي يرد

جامعي بدون وظيفة · #5 (**permalink**) 08-01-2010, 06:42 PM

يا خوي الانتساب مالهم قبول في الكلية الامنية لو تقرا الشروط من ضمنها ان يكون منتظم وايضا ما يكون موظف في قطاع حكومي سواء عسكري او مدني ...وعمي نفس حكايتك الى حد الآن وهو فرد مع انه حاصل على شهادة جامعية طبعا النظام هذا كان موجود قبل 10 سنين على ما اتوقع يوم كانوا يقبلون الثانوية لكن اللحين لا ...الطلاب الجامعيين المنتظمين ياالله ينقبلون بالواسطات والله يوفقك ويوفق الجميع .

الجوازات · #6 (**permalink**) 10-01-2010, 03:29 PM

اقتباس:

المشاركة الأصلية كتبت بواسطة جامعي بدون وظيفة

يا خوي الانتساب مالهم قبول في الكلية الامنية لو تقرا الشروط من ضمنها ان يكون منتظم وايضا ما يكون موظف في قطاع حكومي سواء عسكري او مدني ...وعمي نفس حكايتك الى حد الآن وهو فرد مع انه حاصل على شهادة جامعية طبعا النظام هذا كان موجود قبل 10 سنين على ما اتوقع يوم كانوا يقبلون الثانوية لكن اللحين لا ...الطلاب الجامعيين المنتظمين ياالله ينقبلون بالواسطات والله يوفقك ويوفق الجميع .

كلامك صحيح
نظام ان الفرد يترقى ظابط بعد حصوله على الجامعه ملغي منذ عشر سنوات بسبب كثرة انضمام الافراد للدراسه الجامعيه طمعآ بالنجمه
انا حصلت على الجامعه انتساب وخدمتي 4سنوات ولا اتمنى النجمه بل اتمنى الخيط (ابي اترقى جندي اول) ... وبدون امل

لا يزال الظلم ضد ابسط حقوق الفرد
لا حول ولا قوة الا بالله

القاموس · #7 (**permalink**) 11-01-2010, 01:11 AM

اخوي خذها نصيحه لا تفصل لان النظام مايسمح اول عندك مشكلتين 1- انك اذا فصلت وسجلت في الكلية او في اي قطاع عسكري ثاني مايقبلك لانك عسكري سابق .
2- الشهادة حقتك انتساب يعني مايقبلونك لان هم طالبين انتظام .

عندك خيارين حتى تحقق حلمك .
1- هو انك بعد ماتخلص الجامعة ان شاء الله تنتظر حتى يجي ترشيح لي معه شهادة جامعية يخش الكلية .
2- هو انك تحاول ان تخش الكلية فقط في دراسة الماجستير لان رايح يكون لك الافضلية ان تكون ضابط .

بعض لاحلام لا تجي في يوم ولليلة ولكن مع الصبر ولا جتهاد تجي ان شاء الله.

ملاحظة ( بعد ماتخلص الجامعة حاول ان تقابل لامير محمد بن نايف وكتابت معروض طلب دراسة الماجستير في كلية الملك فهد لان هذي الطريقة افضل الامير انسان في قمت التواضع ولاخلاق مع اني عارف كل الطريقتين صعبة ولكن لكل مجتهد نصيب)

ولك التحية

نسيت اقول لك اني كنت عسكري سابق اني مرة قدمت على المكافحة المخدرات وانقبلت فيها بس في النهاية يوم جيت سلمت لاوراق قالو انت عسكري سابق تقول انها على قضية سابقة مدري ليش كذا
بس انا ذلحين ادرس في الجامعة انتظام في تخصص للغة انجليزي باقي على التخرج سنة ونصف وان شاء الله رايح اقدم على الامنية مع اني فاقد الامل بس اذا طلع لي قبول مبدئي ابروح عند الامير ابقول له مابغى غير انك تسقط الشرط هذا (ان لايكون عسكري سابق ) بس *

جندي اول جامعي · #8 (**permalink**) 16-01-2010, 01:05 AM

طيب ياشباب انا سمعت انه إذا قدرت ادخل اكاديمية نايف لدراسة الماجستير اقدر التحق بالكلية الامنية وش صحة هذا الكلام وكيف
وشكرا لكل من رد

مدمن هولستن · #9 (**permalink**) 16-01-2010, 03:34 AM

هذ ا نضام قديم

الان ليس موجود هالنظااااااااااااااااااام

اكل علية الدهر وشرب

نواف تركي · #10 (**permalink**) 24-01-2010, 06:53 PM

السلام عليكم ورحمة الله وبركاتة

اما بعد يا اخوي ليه انت متعب بالك في الخدمة العسكرية اسأل من هم اقدم ( 15او20او30) سنه خدمة
او اسأل الضباط المتقاعدين وسأله :-
س/ وش اخذت من الرتبة طول خدمتك ؟؟؟؟؟
ج/ نوعين
1- تلعنه الافراد والناس بسبب ظلمة .
2- او يذكر بالخير عند طارية .
س/ وش حقق في حياته هل ملك منزل ؟؟؟؟
ج/ اكيد لالالا طبعاً اذا كان مستقيم ولا يحب الواسطة .
س/ كيف تنظر لوظعك قبل التقاعد وانت على راس العمل ؟
ج/ اكيد يشوف نفسه اسد يتدلع بنجومه .
س/ كيف وظعك بعد التقاعد وبذات احترام الناس لك ؟؟؟!!!!!
ج/ والا شي الناس تدور وراي دامي لابس الرتبة واذا تقاعدت يمكن يمكن احد يسلم علي او يسأل كيف حالك لانه ما منك فايده الحين متقاعد ويخافون تقول ابي سلف.
س / كيف نظرتك لزملاء الدراسة (الذين يعملون في احد الشركات سابك , ارامكو , سكيكو , مدرس )؟؟
ج/ تراه يتحسف على وقته وعمره لان ظاع بدون ان يحقق او يأمن شي لأولادة .
س/ وش نظرتك لرتبة ظابط من جد بدون مجاملة ؟؟؟؟
ج/ مثل كرسي الحلاق .

نصيحتي يا أخوي بعد ما تخلص دراسة الجامعة تبحث عن عمل يناسب شهادتك وهذا شي مجرب كثير من زملائي فعلوها يقدم في الديوان او كتب العمل او الشركات الكبرى وانت عسكري سابق بذات الهيئة الملكية بالجبيل الصناعية او شركة سابك وجامعة البترول والمعادن يدورون اللي مثلك جامعي وخبره عسكرية على طول في الامن الصناعي والله ثم والله اكثر الضباط سجلو فيها وانت اسأل يابوي راتب يرفعني والا كل يوم ( مرابط ) ومحكوك وجهك حك ياهي مطر او شمس لا واذا جاك مدير اكبر منك هزئك ( اوامر عسكرية ) ما تقدر تقول شي الضابط مثل الفرد كل واحد يجية اللي اكبر منه ويغسل شراعة اخوي من جد عز نفسك لكن لا تقدم فصل نهائياًً نظام انك ترجع جندي عدي سلتوح انساها بعد الفصل لكن اذا ظمنت وظيفه حلوووه اكيد عادي تجي وتقدم استقاله من غير حقوق عشان تظيفها مع الوظيفه الجديدة في التأمينات والله كثير سوهاا وانت ما شاء الله عليك ذكي والمستقبل قداك ان شاء الله ,,,,,,,, الله يوفقك في كل درب تخطيه .

تقبل مروي // نـــواف