السلام عليكم ورحمة الله وبركاته
رجاء خاص لدي استفسار والرجاء الي مار علية يدلني وين اروح
بختصار انا اليوم ذهبت لضمان وكنت مقدمه لبنتي ضمان بسبب ان ولدها لايصرف عليها وقالوا تعالي بعد شهرين
وجيت اليوم وردت الموظفة البطاقة حقت الصراف وصلت وقالت ماتقدرين تستلمين البطاقة
إلأ ورقة من المحكمة انك ولايتها وانك انتي تستلمين بطاقة الضمان حقت بنتك
سؤالي ؟ اي محكمة أذهب هل الكبرى ام الي في مخرج خمس طعش ام اذهب لمحكمة الدرعية
وهل الورقة طول في المحكمة لاني بجد والله تعبت مع العلم اني انسانة تعبانه أحد يدلني تكفون

أختي مشاعل الله يوفقك ومثل ما حصلي يسمى صك وكاله وتأخذيها في نفس الوقت إذا كانت بنتك معاك وتروحي للضمان وتعطيهم هذا الصك من بنتك لك أنتي ويصرفولك البطاقه لكن تقولي المحكمة الي في الدرعيه ولا الثاني ألله أعلم أنا ماني من الرياض .. لكن موضوع إنتهاء باقي هذي الورقه وإن شالله ربي يسهلها لك قولي أمين ..

السلام عليكم ورحمة الله وبركاته
ألف شكر لك اخوي فارس والله يسهلك كل صعب بس أخوي هي قالت الموظفة (( ابي ورقة انك ولاية عليها وانك تستلمين بطاقة الصراف حقت صراف الضمان حقت بنتي ) بس ماقالت صك وكاله الموظفة

أختي مشـاعل ياليت لـو تسـالين الاخ باحـث أجتمــاعي في موضـوعه اللي هو (((تشرف بالاجابه على جميع أسئلتك بخصوص الضمان الاجتماعي ))) ولاتسـاليـن مكتــب الضمـان اللي رحتـي له واكيـد بيقـولون لك منوين تطلعيـها

ماعندي علم
بس انشالله الاخوان يفيدونك
والله يسر امرك
ويرزقك
ويفرج همك وكربتك
اختي

انتي مقدمة لبنتك وطلبوا منك صك هجران عشان تاخذين المساعدة لبنتك خلاص الصك الاول يكفي بس الموظفة تبي تعقد معاملتك

مافي اي مانع انهم يطلبون صك ولاية لانك انتي في تقديمك الاول طلبوا منك صك هجران وهذا يكفي

اختي بعض الموظفات والله عندهم تعقيد مو طبيعي وبعض كلامهم من عندهم فقط للتعقيد

يجب عليك مراجعة المحكمة لا ستخراج صك اسمه " صك اعالة ونفقة " وليس وكالة ولا وصاية

والمقصود منه هو انك انتي من تعيلين ابنتك المعاقة وتنفقين عليها




ولكن ليس لدي المعلومة في اي محكمة في الرياض ولا فترة التقديم..... ولكن نتمنى لك التوفيق

الاخ الباحث اجابك
مثل اختي يوم توفى زوجها وعندها بنتين وقدمت لهم وقالوا لها جيبي صك ولاية عليهم وعادي على طول طلعولها تاخذينها او تقديمنها في اي شي عادي المحمكة ولا كتابة عدل مافي اي اشكالية
الله يعينك