25-01-2010, 06:51 PM
|
 |
|
|
تاريخ التسجيل: May 2007
المشاركات: 2,813
معدل تقييم المستوى: 119645
|
|
الاختبارات قسمين وجميعهم في نفس اليوم :
القسم الأول :
اختبار قدرات تحريري .
مكتوب باللغه العربية .
عبارة عن كتاب + ورقة اجابة " تتضمن دوائر فارغه " ماعليك سوى ان تلون الاجابة الصحيحة
يعني جميع الـ 6 اختبارات عبارة عن اختيارات فقط
تقرأ السؤال وتجاوب في ورقة الاجابة وانتبه تلخبط في الاجابات
تقريبا 5 او 6 كتب تختبرها
كل كتاب فيه مايقارب 36 الى 40 سؤال
بالنسبة للوقت فيه من 12 دقيقة الى 20 دقيقة على حسب نوعية الاسئلة
يعني تقدر تقول كل سؤال لازم تحله في نصف دقيقة .
تختبر الـ 6 كتب دفعه وحده .
القسم الثاني :
عارفين مكعبات الاطفال اللي مكتوب عليها حروف وارقام وتقدر تبني منها وتسوي حركتات .
تقريبا مثلها .... يعطيك رسمه ومسامير وبراغي ويقولك ركب التراكيب وطبقها مثل ماهو موجود في الرسمه .
سهله جدا بس لاتلخبط .
مدة الاختبار 15 دقيقة
ملاحظات :
ياشباب اوصيكم بالنوم النوووووووووووووووووووووووم يرحم والديكم النوم تكفى انت وياه النوم ياهوه النوم اوصيكم زيادة والا يكفي
1- الاختبارات تعتمد على التركيز ويكون مخك مفتح تجي سهران والا نايم ساعه والا مواصل اقول لك راحت عليك يابطل .
2- في الاختبار التحريري اذا ماعرفت السؤال اتركه ورح لغيره لاتصرف على السؤال الواحد اكثر من 30 ثانية .
3- وشلون تعرف الوقت !!!! قسم الوقت على عدد الاسئلة يعني عطاك 40 سؤال وقا لك معك 20 دقيقة
40 سؤال تقسيم 20 دقيقة = نصف دقيقة / سؤال .....
4- نقول مثلاً انك حليت 30 سؤال من 40 ومتأكد منها ..... طيب والباقي وش تسوي فيه !!!! لاتترك شي فاضي خمن وحط اجابات من عندك . اهم شي لاتسلم الورقة وباقي فيه خانات فاضي . اللي تعرفه اكتبه واللي ماتعرفه خمن من عندك . وبعدين ثق ثقة تامه مافيه احد يقدر يجاوب الـ 40 كاملة وفي نفس الوقت مستحيييييييييل لكن حاول تجاوب اكبر قدر ممكن من الـ 40 سؤال وحاول انها تكون صحيحة
5- في اختبار التراكيب اذا استلمت المكعبات والرسمه لاتبدأ على طول مسوي فيها انك فاهم .
اعط نفسك دقيقة وحاول تتعرف على الرسمه وعلى الاغراض اللي عندك وشلون جت وشلون راحت وخل عنك العجله ففي العجلة الندامه .
6- وانت جاي الصباح لاداء الاختبار افطر فطور خفيف علشان تقدر تركز ... لا اوصيكم فول والا مشكل فلافل والا معصوب واذا قدرت تجمع بينهم الثلاثة يكون احسن . علشان ترقد في الاختبار
7- لاتنسون بطاقة الاحوال وبطاقة الوالد وتكون واضحه + السيرة الذاتية
8- خلاص وش تبون بعد !!
|
من الى يشجعون 
ولايحبطون
العرض العادي
