السلام عليكم

الله يعطيك العاااافية يارب أخوي أبو سلمان ويشافي والدتك ويخليها لكم يالله يالله يالله ويرحم والديك ... أدري الشباب متعبينك اشوي معلش تحملهم اشوي والله انك مو مقصر.

أما أنا عندي كذا استفسار بخصوص الاختبار ..
١. شنو طبيعة الاختبار الثاني؟ هل راح يكون فيه رياضيات والا؟ يعني مواضيع الاختبار في شنو راح تكون علشان نذاكر او نحضر له يعني.
٢. متى راح تكون نتايج الاختبار الثاني تقريبا يعني؟

وشكرا مقدما على تعبك معانا والله يرحم والديك

نصيحه
ياشباب اللي يدرس بالجامعه وقبل بالشركة لا يروح أو يروح لكن وهو مؤظف يكمل جامعه
خلص جامعه وروح أتؤظف بالسلام مثلاً هندسه بكالوريوس كمل لا تروح
من شأن لا سمح الله لو يفنشونك تكون عندك شهادة وتقدر تتؤظف مو ثانوي
.................
انا عندي اخوي قسم بالله تؤظف بشركة باي سيتيمز ومن عام 2000 وهو فيها
وراتبه حلو ماشاءالله لكن بيدرس بالجامعه لأن القطاع الخاص للأسف مو مضمون
هذا اللي حبيت أقولكم
..........
دعواتكم عندي اختبارات

بصراحة أنا أقر وأعترف ما حليت زين في الاختبار ..
لان كان الاختبار صعب جدا ً ..

بعد ما طلعت من الاختبار قلت 100% مو مقبول
وحمدت ربي على كل حال ، وقدمت الأسباب

تفاجأت أمس [ الاربعا ] .. جاتني رسالة يقولون لي
تعال للاختبار الثاني [ القدراات ] ...

بس ـأخوي بوسلمان خايف والله أروح وأتعّب نفسي
وفي النهاية ما احصل شي ..

لان في ملاحظة كاتبينها يقولون فيها بالرسالة :
فرصتك لأداء الاختبار تعتمد على توفر مقعد شاغر
في القاعة فلا نضمن لك الدخول. ..

يعني حرام عليهم ، أروح وأضرب مشوآر من الاحساء إلى الريآض
وبعدين يقولون لي ما في لك محل في القآعة < أكبر تحطيم والله

وش رايك بو سلمان أروح ؟

وتتوقع لي أمل بالقبول إذا حليت زين بالاختبار الثاني ؟

والله محتآر ـأشـوي

السلام عليكم بصراحه تابعت الموضوع من الاول الى الاخر... بصريحه العباره بطل
والله يوفقك يابو سلمان ولا يهونون الشباب اللي شاركوا كلهم ...
سؤالي لك يابو سلمان هو كالاتي
انا واعوذ بالله من كلمة انا ..

خريج الولايات المتحده بنهاية 2009 بتخصص هندسة نظم الاتصالات وبمعدل 3.36 من اربعه
وحاصل على دبلوم برمجيات الحاسب من كلية الاتصالات بمعدل 3.25 من خمسه في 2005

قدمت على شركة السلام قبل اسبوعين وللحين ماجاني منهم رد استفساراتي ياغالي كالاتي:

1- وش مجال عمل المهندسين في الشركه بصوره اوضح هل لهم برامج غير عن البرامج الثانيه ؟؟
2- وش مميزات برامجهم ؟؟؟؟
3- وقت الدوام العام للمهندس وهل يختلف عن غيره من الاداريين والموظفين ؟؟؟
4- معدل رواتب المهندسين ؟؟؟ ادري انه من الصعب تحديد الراتب .. لكن ابي معدله بمعنى يتراوح مابين .. وبين .. ؟؟؟
5- هل فيه مجال للاكمال الدراسات العليا؟؟ على سبيل المثال البرنامج الموازي بجامعه الملك سعود او جامعة الامير سلطان اللي يكون بإنتظام ومحاضراته تكون ثلاث ايام بالاسبوع من 3 ونص العصر الى 8 بالليل ...
6- هل في الشركه مجال لإبتعاث موظفيها ؟؟؟


اتمنى اني ماطولت عليك... وشاكر لك ومقدر ...سلفاَ

اخوك : ثقل الحزيمي

مرحبا شباب..

انكرفنا كرف من الساعة 7 ونص واحنا عند بوابة الشركة وبعدين دخلنا وبدينا اختبارات طبعا 6 اختبارات وكرررررررررررف 3 اختبارات ورا بعض بعدين بريك ماخذ ربع ساعة يمكن وكملنا الثلاث الباقين ...

خلصنا وعبينا ورقة التزكية الأمنية في مبنى الادارة ... ودبسناهم مع الأوراق الثانية والصور وسلمناهم
بعضهم بطاقاتهم مش واضحة فقالوا لهم يجيبون اوضح ...

المهم بعدها رحنا الكفتيريا وجلسنا مع الأخ عبدالله مسؤل التدريب اللي كان يتحدث ... صراحة قال كلام حلو وكلام مش حلو ... الكلام الحلو واجد ... أما الكلام اللي مش حلو ان السالفة في انتظار بالكثير ثلاث شهور والدورة تبدأ في شهر ستتتتتتتتتتتتتتتتتتة!!!!!! ركزو عليها صراحة بعيدة مرة!!

واللي طالبينهم 14 من 60 على حسب تقييمي للقاعتين ... طيب والباقي شنو مصيرهم؟

أنا أقول دام انهم خلصوا تصحيح ومن هالكلام وطلعت نتايج التزكية ليش مو مباشرة تبدأ الدورة؟!!

بالنسبة للاتحاق بدفة شهر 8 فهذا شي حلو وتشجيع صراحة للطلاب المتميزين في الانجليزي بس العدد محدود بستة اشخاص بس .



وطبعا باقي اختبار بكره العملي ... ان شاء الله نتوفق فيه ... بس اتمنى يعطونا موعد محدد للنتايج ... ويقربون مواعديهم اشوي!!

على العموم ننتظر راي أخونا الاستاذ الفاضل ابو سلمان ليبدي رايه في الموضوع.

شباب اللي أختبر اليوم العملي يا ليت يبلغنا ايش وضع الأختبار ..