إستفسار بخصوص شركة السلام للطائرات

عاطل على طوول · #81 (**permalink**) 10-01-2010, 04:53 PM

ياليت اللي اختبروا اليووووم
يبشرروونا .. كيف كان الاختبار
وان شاء الله مقبولين

لا اله الا انت سبحانك اني كنت من الظالمين

ذايب بفن التايب · #82 (**permalink**) 10-01-2010, 05:30 PM

السلام عليكم ورحمة الله وبركاته

كيفكم شباب

انا اختبرت اليوم اختبار ما بعد اختبرت مثله مثل ما قال اخونا كرستيانو والله العظيم اختبار اصعب من الصعب

الطريقه هي :مثل ما تكلم عنها اخونا كرستيانوا بس التعابير تختلف.

وانا انصح اللي من خارج الرياض لا يجي الرياض من شان الاختبار نصيحه لايجي

لان فيه واحد جاي من الشمال اليوم واصل الساعه 10 الصباح بس شاف الاسئله والراديو اللي يتكلم ههههه

انسحب من الاختبار ورجع لشمال بلا فايده

وقال ياليتني ما جيت عشان الاختبار .

تصدقون كان في القاعه يمكن 30 طالب يوم شافوا الاسئله ما بقي الا 7 ههههههههه

يجيك مدرس يمكن بريطاني ما يعرف اللغه العربيه ويتكلم وما تدري وش يقول .

وما ابي اطول عليكم النصيحه لا احد يجي من خارج الرياض

وبراحتكم
اخوكم /حسين محمد

عاطل على طوول · #83 (**permalink**) 10-01-2010, 05:55 PM

اخوي حسين يعطيك العافيه خوفتنا من الاختبار وسببت لي ربشه ,,

ممكن تعطينا تفاصيل الاختبار وتوضح لنا اكثر شوي ؟

الله يوفقك ويوفق حميع المسلمين

ذايب بفن التايب · #84 (**permalink**) 10-01-2010, 06:41 PM

السلام عليكم ورحمة الله وبركاته

؛؛ طريقة الاسئله ؛؛

السؤال الاول / (الاستماع) عندك 40 سؤال 35 فراغات و5 اختياري هو يتكلم عن الموضوع وانت اقرا السوال ثم اسمع الاجابه واكتبها في الفراغ (ترى ما يعطيك وقت تقرا الاسئله) وهو ما يقولك السوال الثاني ثم الثالث لا اول شي مقسم السوال الى 4 اوراق الورقه الاولى من السوال(1_10) والورقه الثانيه من السوال(11_20) وكدا الى نهايه 35 ( بس بيقولك من السوال الاول الى العاشر) وكدا والخمسه الباقيه اختيارات يتكلم وانت تشوف وين الاجابه وتختارها.

السوال الثاني / القراءه يجيك 40 سوال 35 فراغات و5 اختياري يعطيك ثلاث قطعات عليها اسئله وانت تجاوبها . وتختار الاجابات حقت الخمس الاسئله الاخيره

السوال الثالث / التعبير يقولك اكتب عن موضوعين "الموضوع الاول اكتب 150 كلمه والموضوع الثاني 250 كلمه

وللمعلوميه: السوال الاول / 40 دقيقه والسوال الثاني / ساعه والسوال الثالث / ساعه

وسلامتكم

واعذروني اذا قصرت

الذيب الأزرق · #85 (**permalink**) 10-01-2010, 07:49 PM

السلام عليكم و رحمة الله و بركاته

بداية يا شباب أحب أوضح لكم طريقة الأختبار بالشركة .. لأني أختبرت عندهم يوم السبت ( 9 \ 1 \ 2010 ) ..

أول شئ لازم تكون عندهم بمقر الشركة قبل الأختبار بـ 30 دقيقة ( نص ساعة ) .. لأنه اذا تأخرت على الأختبار الظاهر أنهم ما يدخلونكـ .. و علشان اللي ما يعرف مقرهم بيضيع ترا .. و علشان اجرائات الدخول ( مع انها سهله ) ..

الزبدهـ يالربع .. الأختبار بصراحة صعب جداّ ( يبيله واحد متمرس من اللغة الأنقليزية ) .. يعني يا أخوان اللي من برا الرياض .. لا تعبون أنفسكم و تجون للرياض ( الا اذا كنت متمرس من اللغة زي ما قلت ) ..

لأن الأختبار معروف عالمياّ .. و الأختبار معتمد بجميع دول العالم ( للجامعات ) ..

الأختبار هــو .. اختبار .. الأيلتس - ELITS .. زي ما قلت . هذا الأختبار معروف و معتدم على مستوى العالم كله .. وهو مثل اختبار .. التوفل - TOFL .. المعروف أيضاّ ..

يا جماعة الخير .. بالعربي (( اللي متمرس من اللغة يحضر الأختبار .. و اللي لغته مهب Top .. لا يخسر و يتعب عمرهـ على الفاضي )) ..

الأختبار عبارهـ عن ثلاث جزئيات .. كل جزئية تنقسم لعدة أقسام :-

الجزئية الأولى / استماع - Listen ..

الأختبار هذا عباره عن انك تسمع محادثه بين شخصين , ثم تكتب الأجوبه على ورقة الأسئلة ..

يعني يبيله تركيز مع المحادثة ..

مدة هذا الأختبار , أو الجزء هذا : ساعه .. ( 60 ) دقيقه ..

.. ثـــــم بــــريــــــك 5 دقــايــق ..

الجزئيه الثانية / قرائة - Reading ..

هذا الاختبار عباهـ عن أنهم يعطونك ورقة الأسئلة , و تبداّ تجاوب على الأسئلة المكتوبة ..

و مدة هذا الاختبار : ساعة .. ( 60 ) دقيقه ..

.. ثـــم بــريــك 5 دقــايــق ..

الجزئية الثالثة / كتابة -Writing ..

هذا الأختبار عبارهـ عن كتابة , و ينقسم الى قسمين ..

القسم الاول : تكتب 150 كلمه .. مدته : 20 دقيقه ..

القسم الثاني : تكتب 250 كلمه .. مدته : 40 دقيقه ..

يعني .. يحددون لك موضوع معين .. (( مثلاّ مثل ما جاني أنا شخصياّ بالأختبار .. قالولي تكلم عن " البنك " في القسم الأول )) .. هنا يبونك تكتب 150 كلمة عن الموضوع ..

و القسم الثاني نفس الشئ ..

.. و بــعــديــن يــنــتــهــي الأخــتــبــار ..

-------------------------------------------------------------------------

نصيحه .. ( أخواني زي ما قلتلكم .. اللي Top In English .. يحضر للأختبار وهو مرتاح .. و اللي غير كذا .. الله يوفقه و يوفقنا معه بشئ أحسن من هاذي الشركة ) ..

----------------------------------------------------------------

و اّسف على الأطاله بالموضوع .. لكن علشان يكون كل شئ واضح للأخوان ..

و أي استفسار أو شئ .. أنا بالخدمه .. حط استفسارك هنا .. و انشاء الله خير ..

.. بالتوفيق لي و للجميع ..

عاطل على طوول · #86 (**permalink**) 10-01-2010, 08:37 PM

يسلمكم ربي ويحفظكم ويوفقكـــم على جهودكم

مجرد بشر · #87 (**permalink**) 10-01-2010, 08:44 PM

عاطل على طوول
التعبير هم يحددونه التعبير الاول 150 كلمة والثاني 250 كلمه
.........................

الذئب الازرق
انت تقول التعبير الاول عن البنك
اوك ممكن تقول لنا التعبير الثاني عن شنو ؟؟؟

عمرين · #88 (**permalink**) 10-01-2010, 08:46 PM

الله يعطيكم العافيه على الافاده بس والله حطمتونى المهم انا عندي اختبار بكره
طيب يمكن يمشي حضك وتنجح في الاختبار والله واعلم ....!!!

عاطل على طوول · #89 (**permalink**) 11-01-2010, 12:44 AM

ياليت يا اخوان تفيدوونا اكثر في مواضيع التعابير

التعبير الاول عن البنك طيب الثاني وشو عنه ؟

الذيب الأزرق · #90 (**permalink**) 11-01-2010, 03:16 AM

اقتباس:

المشاركة الأصلية كتبت بواسطة مجرد بشر

عاطل على طوول
التعبير هم يحددونه التعبير الاول 150 كلمة والثاني 250 كلمه
.........................

هلابك أخوي .. نعم هم محددينه .. الأول 150 كلمة .. و الثاني 250 كلمة ..

الذئب الازرق
انت تقول التعبير الاول عن البنك
اوك ممكن تقول لنا التعبير الثاني عن شنو ؟؟؟

أخوي .. أنا ضربت مثل بالأختبار اللي جاني .. قلت أنا جاني " التعبير الأول عن .. البنك .. و الثاني .. بصراحه مادري عن وش بالظبط " ..

مو شرط أنه يجيك نفس التعبير اللي جاني أخوي .. يمكن الأسئله أو التعابير تختلف ..

إستفسار بخصوص شركة السلام للطائرات

إستفسارات ونتائج وظائف القطاع الخاص

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين كيف حالك إن شاء الله دائما بخير ؟ انا اليوم ضهرا جاتني الرسالة من...

إستفسار بخصوص شركة السلام للطائرات

تسجيل الدخول

إستفسار بخصوص شركة السلام للطائرات

إستفسارات ونتائج وظائف القطاع الخاص

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين كيف حالك إن شاء الله دائما بخير ؟ انا اليوم ضهرا جاتني الرسالة من...

إستفسار بخصوص شركة السلام للطائرات