هنــــا .... تجمع المتقدمين لوظايف الامن والسلامه بديوان الخدمه

السيدطفران · #21 (**permalink**) 10-01-2010, 01:53 PM

سر الهوى / شيك مفتوح من الشكر أسأل الله ان يكتب لك الأجر وأسال الله ان يرحم والدك وأن يسكنه فسيح جناته واموات المسلمين
0
0
أعجبني طريقة شرحك وبصراحه لجست مخي بس فهمت عليك اكتب كلمة سباك معكوسه
يعني سباك معكوسه
ههههههههه حلوه حلللللوه

بدر الذبياني · #22 (**permalink**) 10-01-2010, 07:17 PM

الف شكر على المشاركة الحلوة والله مابقى من المخ شي بس فهمت

خالد الرويس · #23 (**permalink**) 10-01-2010, 07:45 PM

شكر اخواني على تواصلكم .. واليوم اختبرنا حنا في جده المرتبه الخامسه والله الاسئله سهله بس مو مره لازم تركيز عشان تفهم . والسؤال الاول عمليات حسابيه جمع وطرح وظرب والثاني اكمل القطعه سهله والثالث اوامر
تكتب مايقوله لك بس تركز والرابع اختيارات وووبس والله ناسي ووشهي لكن والله سهل ويقدر اي واحد يجاوب عليها وبدون ماتذاكر وتقر اي شي .. والنتايج قالوا بعد شهر بس فيه واحد من الي جنبي قال انهم طالبين 28 وظيفه بس على انحاء المملكه على المرتبه الخامسه بس .. والله شي غريب حطمني لكن الله كريم وربك يعين وشكر لكم

أسير الجنوب · #24 (**permalink**) 10-01-2010, 07:53 PM

اقتباس:

المشاركة الأصلية كتبت بواسطة سرالهوى

السلآم عليكم ورحمه الله

اختبرنآ اليوم ولله الحمد وأتمنآ من الله اني أفيدكم على قد نيتي وأيضآح الصوره لطريقة الأختبآر والله يوفقكم ..

بأختصآآآر ..( نصيحه أي وآحد عنده أختبآر أمن وسلآمه يروح للدفآع المدني ويطلب مذكرهـ عن الأمن والسلآمه )

90 % من الأسئله تلآقيهآآ في مذكرهـ الدفآع المدني وكلهآآ مآتتجآوز عشر صفحآت >> المذكره طبعآ

نرجع لأسئله الآختبآر.. يتكون الأختبآر من 5 ورقآت , عدد الأسئله تقريبآ 6 كل سؤآل 10 فقرآت >> يعني وسع صدررررك , مدهـ الأختبآر سآعتين ..

السؤآل الأول : عمليآت حسآبيه ( ريآضيآت ) 10 فقرآت/ جمع + طرح + ضرب + قسمه علمآآ انهآآ في غآيه الصعوبه وفيهآآ كسور وفوآصل مثآل 16,05 في 0,4 / 1432 تقسيم 61 وهكذآآ .. ( فيهآ صعوبه )

السؤآل الثآني : مثل الوطنيه يحطلك أي موضوع وفيه فرآغآآت ( أكمل الفرآغ ) ويحطلك 10 فرآغآت.. وبآلأسفل يضع 16 كلمه عآد انت خذ الكلمه المنآسبه وضعهآ في الفرآغ المنآسب ...

السؤآل الثآلث : أسأله قدرآت أو ذكآء ( يجب التركييييييييييييز ع السؤآل وتقرآه أكثر من مره ) نصيحه لآتستهين من الأسئله ترآهآ تبي تركيز والنآس وصفوهآآ بآلأسئله الغبيه !!! والمصيبه الكثير يخطئ فيهآ
تتكون أسأله الذكآء من 10 فقرآت . مثآآل / أكتب كلمة سبآك معكوسه في خآنه الأجآبه ؟ >> الأجآبه أكتبهآ كمآ أمرك ان تكتبهآآ يعني أكتب سبآك معكوسه ,, يآرب تكون وآضحه هالنقطه
سؤآل ثآني كمثآل : أي الفقرآت فيهآ كلمه أشطب وكرر الرقم 3 مرآت >> الأجآبه كآنت كلمه أشطب في الفقره رقم 2 وضعت في مربع الأجآبه 222 ( كررتهآ ثلآث مرآت ) أحس اني لحست مخكم بطريقه شرحي أتمنآ انكم مآتوآخذوني وتتحملوون لأني والله اني أتمنآ التوفيق للجميع وأحآول أني أوصل المعلومه بالي أقدر عليه

السؤآل الرآبع والخآمس والسآدس خيآرآت وكل سؤآل فيه 5 فقرآت وكل فقره فيهآ 4 أختيآرآت أ , ب , ج , د
علمآ ان كل أسئله الخيآرآت عن الأمن والسلآمه لذآلك أنصحكم في مذكرهـ الدفآع المدني وعدم التسرع في الأجآبه والله يوفقكم يآرب ..

في الأخير أتمنآ منكم الدعآء لوآلدي بالرحمه وجميع أموآت المسلمين وتمنيآتي لكم بالتوفيق ودوآم الصحة والعآفية

تصدق ياسر الهواء حبيتك
من كتابتك
كلامك ميه الميه

وياخوان مايحتاج هذا هي الاسئله

nawwrs · #25 (**permalink**) 10-01-2010, 11:31 PM

الاسئلة كانت سهله ياجماعة عليكم بتعلم جمع وطرح وقسمة وضرب الكسور والفواصل

واسئلة الذكاء يجيب لك كلمة ويقول جيب عكسها او حط دائرة على الشكل المختلف

وتعبير خارج عن النص مكون من عشر فراغات ويقولك عندك 10 كلمات اختر للفراغ الانسب

والباقي اختيارات عن الامن

اليعني الشي الوحيد اللي لازم تذاكره وتحفظه الرياضيات لانه اجوبته معروفة اما الباقي انت وحظك

اتمنى اني وفقت في النقل

ادعولي بالتوفيق ياجماعة انا بامس الحاجة للوظيفة

صبرجميل · #26 (**permalink**) 10-01-2010, 11:52 PM

السؤال الثالث اتبع التعليمات حتى ولو كانت خطأ واكتب الأجابة
1- اذا كانت مدينة الطائف سياحيه فكتب (جده) واذا لم تكن سياحيه فكتب خليج
2-ضع دائره على الشكل المختلف بين الشكال امامك وكتب الرقم 3 داخل اكبر دائره
3-اكتب كلمة (رحب) بالمقلب طبعا تكتب (بحر)
4-ضع علامة صح داخل المثلث واكتب رقم 6 يمين ضلع المثلث
5- اكتب الكلمه الخامسه من الفقره الثالثه داخل المستطيل وضع علامة خطأ يسار المستطيل
6-وصل حرف أ بحف ب ووصل ب بحف ج وضع دائره حول علامة يساوي (=)
7-اكتب رقم الفقرة التي سبقة هذه الفقره
هذه بالنسبه لسؤال الثالث

صبرجميل · #27 (**permalink**) 10-01-2010, 11:53 PM

السؤال الرابع والخامس
اسأله وفيها اختيارات أ ب ج د يعني سهله لتخاف منه
1- هل من مسئوليات رجل الأمن إن يعرف مداخل ومخارج الطوارئ
أ-لا
ب-نعم
ج-مستحسن
د-يجب معرفة مداخل ومخارج الطوارئ

2-المنشأة الحيوية
أ-هي المنشأة عامة المنفعة
ب-هي المنشأة الحيوية التي تهم جميع أطياف المجتمع
ج-هي المنشأة الاقتصادية السياسية ذات المنفعة ألعامه
د-جميع ماذكر

وباقي الاسئله على هالامثله هذا بس أحب أقول لإخواني ابشروا بالخير الكل راح يحل الاختبار وهو مرتاح بس لاتنسون ذكر الله وآنا حاضر لأي استفسار وأتوقع بكرا الأسئلة سهلة جدا

خالد الرويس · #28 (**permalink**) 11-01-2010, 12:06 AM

صحيح ياأخوان الأسهله سهله وان شاء الله خير . لكن والله الي محيرني عدد الوظائف الشاغره مدري كم حنا المرتبه الخامسه ولا ادري كم الي يبونه ؟ في واحد اليوم يقول 28 وظيفه بس والمشكله انا عندي الجدول حقت الوظايف مراقب الامن ومكتوب عند المرتبه الخامس العدد المطلوب 184 على مختلف المدن وهذا اخذت من موقعهم اول مانزلت الوظايف بس مادري هل بيمشون على الجدول لانهم لو بيشمون والله حلوووه مره خاصه للمرتبه الخامسه اتركم مع الجدول لاني ماعرفت انزل كامرفق.

مسمى الوظيفة

المرتبة

الرمز

العدد

المقر

المؤهلات العلمية والعملية المقبولة لشغل الوظيفة

مراقب أمن وسلامه

6

5090406

33

الجفر، الدرب،الرياض، الطوال، العيون، القيصومة، الموسم، الهفوف، ثار، ثريبان، حريملاء، عروى، عنك، مرات، ينبع البحر
· الجامعية مع القدرة.
· الثانوية العامة مع القدرة مع خبرة لا تقل عن ثلاث سنوات.
· الكفاءة المتوسطة مع القدرة مع خبرة لا تقل عن تسع سنوات.

مراقب أمن وسلامه

5

5090405

184

المدينة المنورة ،سكاكا، الجفر، الدرب، الدمام، الرياض، رجال، ابوراكة، البجادية، البدع، الحديثة، الحسو، الحمنه، السديد، السعيرة، السليل، الشنان، الظلفه، الطوال، العارضه، العيساويه، العيون، الغزاله، القويعية، القيصومه، المويه،الوجه، الهفوف، املج، تبوك، ترج، تمير، تيماء، ثادق، ثريبان، جازان، خليص،
حريملاء، رأس تنورة، رماح،
عروى، ساجر، شواق، مرات، طريف، مكه، نفي، يدمه، ينبع البحر، ينبع النخل

· الثانوية العامة مع القدرة.

· الكفاءة المتوسطة مع القدرة مع خبرة لا تقل عن ست سنوات.

مراقب أمن وسلامه

4

5090404

78

الدمام، الباحة، مليجة، أبها، سكاكا، مكه، الدوادمي، المدينة، بيشه، تبوك، جازان، جده، حائل، حفرالباطن، عرعر، نجران، وادي الدواسر، الخرمه، العقيق، القحمه، طريف، مكه، حريملاء، صامطة، قلوه، الرياض، الهفوف، المجمعة، الأفلاج ليلى، الطائف، القريات، شقراء، عنيزة البويطن، الخفجي، العيص، العيون، حقل
· الثانويه مع تدريب اقل من ستة أشهر.
· الكفاءة المتوسطة مع القدرة مع خبرة لا تقل عن ثلاث سنوات.

مراقب أمن وسلامه

3

5090403

14

تربه، الرياض، الدمام، تبوك، حائل، سكاكا، عرعر
· الكفاءة المتوسطة مع القدرة.
· الابتدائية مع القدرة مع خبرة لا تقل عن ثلاث سنوات

مراقب أمن وسلامه

2

5090402

19

ينبع البحر،المدينة، بريدة، جازان، الرياض، الهفوف، الدمام، تبوك، حفر الباطن، نجران
· الابتدائية مع القدرة.

المنتحر · #29 (**permalink**) 11-01-2010, 01:06 AM

مساء الخير ياخوان معليش علي التاخير
انا اختبرت اليوم اختبار المرتبه الخامسه وكانت الفكره نفس فكرة اختبار السادسه ولاختبار سهل وبسييييييييييط مررررررررره للي عنده معلومات وخلفيه عن الامن والسلامه طبعا مطيل عليكم الاختبار كتالي الصفحه الاولي 1- اسئلة رياضيات يعني ضرب وجمع وطرح وقسمه وكلها سهله بس يبيلها تركيز فقط
2- قطعه فيها فراغات وتعبي ها الفراغات من الكلمات الي تحت تختار منها وطبعا يبيلها تركيز لان هي تقريبا 14 كلمه والفرغات 10 كلمات .
3- الصفحه الثانيه وتعتمد علي ذكي وليسي ذكاء خارق بل تركيز وتفكير يعني يعطيك ثلاث اشكال ويقول ضع دائره علي الشكل الي شكله مختلف وعدد احرف الكلمه الرابعه في الفقره الرابعه واشياء مرررررره سهله مثل كذا
وبعدها تقريبا خمس صفحات كلها اختيارات عن الامن والسلامه تختار اختيار وأتمني من الجميع التركيز في الخيارات لان الاجابات متشابها واهم شي من الاخوان انهم يراجعون معلوماتهم عن الامن مثلا واجبات رجل الامن يعني واجباته معروفه هي الحفاظ علي الامن وحماية المنشاء من التخريب او الاعتداء او السرقه
- الاهتمام في مظهر رجل الامن والبنيه الجسديه تعطي قوه وشخصية لرجل الامن وهذا شي مهم فيها وجانا خيارات عليها
- التخريب البشري في المنشأت وهو الحريق والسرقه والاعتداء كلها عوامل تخريب بشري
- العوامل الطبيعيه في تخريب المنشأه طبعا معروفه هي طبيعيه يعني مثل الكوارث ولامطار والسيول ولاشياء التي كلنا عارفينها
- التقرير لامنيه هي ملخص لحالات حدثت واقتراح حلول لحل مشاكل او تفادي مشاكل قد تحدث وهذا هو الخيار الصح
طبعا قبل ما أنسي ياخوان واجبات رجل الامن ذكرتها فوق وركزوا فيها مهم جدا باقي واجبات المشرف وهي التعقيب علي لامن والتواصل مع الادارات العلي التخطيط وحسن التعامل مع المشاكل والحوادث التي قد تحدث
شي اخير علاقة رجل مع الموضفين يعني فيه خيارات عليها بس بختصار يعني لاينبغي علي رجل الامن انشاء علاقات مع الموضفين
وعذروني علي الي كتبته عشان والله من الظهر صاحي ومشوار علي الين اختبرت وفيني النوم وهذا اختبارنا حنا في ابها وتري نفس فكرة اختبار السادسه يعني بكره انشاء الله تكون نفس اختبارنا ومثل ماقلت ركزوا علي الامن اكثر وماعليكم من الباقي والله يوفقني ويوفقكم جميعا

النعامة · #30 (**permalink**) 11-01-2010, 02:51 AM

الأسئلة سهلة جدا بس يبيلها تركيز يعني لايطوفك شيء من السؤال بالنسبة لأسئلة الرياضيات تلقونها بكتب السادس ابتدائي واول متوسط قسمة جمع وطرح والكسور هذي لاتنسونها والسؤال الثاني جايبين قطعة والكلمات انت تحطها بالمكان المناسب يعني جدتي تحله السؤال هذا وبالنسبة للسؤال الثالث سؤال بسيط اعتقد وضحوه الاخوان ماقصروا ولاسئلة الباقية اختياري اغلبها عن الأمن والسلامة بس انتبهوا للأجوبة زين وركزوا بالمصطلحات (ترى حاطين لك اجابات متشابهه )ياعيال ولا يهمكم وإعرفوا والله لو تسلمون الورقة فاضيه وكاتب لك الله فيها نصيب لاتفكر اللي لك بتاخذه والله يوفق الجميع وبالنسبة للنتائج تاخذ أكثر من شهر ويفرزونها
تحياتي لكم ماجد الشطي واللي يبي شي انا جاهز ....

هنــــا .... تجمع المتقدمين لوظايف الامن والسلامه بديوان الخدمه

إستفسارات ونتائج وظائف القطاع الخاص

السلام عليكم ورحمة الله وبركاته أخواني متقدمين لوظايف الامن والسلامه كما تعلمون سوف تبدا اختباراتنا من يوم السبت الى يوم الاربعاء اتمنى من الاخوان...

هنــــا .... تجمع المتقدمين لوظايف الامن والسلامه بديوان الخدمه

تسجيل الدخول

هنــــا .... تجمع المتقدمين لوظايف الامن والسلامه بديوان الخدمه

إستفسارات ونتائج وظائف القطاع الخاص

السلام عليكم ورحمة الله وبركاته أخواني متقدمين لوظايف الامن والسلامه كما تعلمون سوف تبدا اختباراتنا من يوم السبت الى يوم الاربعاء اتمنى من الاخوان...

هنــــا .... تجمع المتقدمين لوظايف الامن والسلامه بديوان الخدمه