استشارة تخص السجل التجاري والبلدية الله يسعدكم

HoPe · #11 (**permalink**) 07-01-2010, 06:44 PM

اقتباس:

المشاركة الأصلية كتبت بواسطة بيزنس مااان

بالنسبة لرخصة فيه بعض الفروع من البلديات مايتعاموا مع المكاتب عن طريقهم يتم استخراج الرخصة والبعض الآخر عن طريق المكاتب . وخذ في بالك لازم تجيب طفاية حريق ولوحة ممنوع التدخين وتجبلك كرسي دوار

وطاولة وكنبة بس لاتجيب كنب البيت . طفاية الحريق شوف اقرب واحد تعرفه ووديها حق الصيانة وخذلك فاتورة . وبالنسبة للوحة ترى عليها رسوم حسب المساحة فنصيحة لا تكبرها خليها 1*1 . واتوقع تطلع الرخصة وعلى طول مكتب العمل .
ومبروك مقدما بالموسسة

شكرا والله يعطيك العافية والله يبارك فيك بس خليها تطلع ههههههههه وشكرا مرة ثانية

HoPe · #12 (**permalink**) 07-01-2010, 08:41 PM

يعني طلع لازم احط اللوحة والديكور بعدين تجي البلدية

لايكون لازم احط البضاعة!!!

HoPe · #13 (**permalink**) 10-01-2010, 01:24 PM

سؤال مستعجل الله يوفقكم

لازم اسم السجل التجاري يكون نفسه اسم اللوحة ؟

يعني مثلا: اذا السجل باسم مؤسسة كلاسيك على لوحة المحل لازم يتكتب كلاسيك؟

ولا عادي المؤسسة باسم محمد وعلى اللوحة ورخصة البلدية كلاسيك؟

احساس عميق · #14 (**permalink**) 10-01-2010, 02:09 PM

على كلام المعقب اليوم الصباح بعدالمكالمه :

الطلبات : صورة الهوية او كرت العائلة + برنت من الاحوال المدنيه
وكالة من كاتب العدل ( توكل المعقب باستخراج السجل التجاري )
رسوم السجل 200ريال في السنه
واكثر شي خمس سنوات يعني تضيف 200ريال على كل سنه .
رسوم الغرفه التجارية 900 ريال و 100 ريال تسجيلها .
الأتعاب 300 ريال .
( تكلفة كامله مع الاتعاب 1500 ريال ) !!

ويطلع بنفس اليوم

محمد الطميحي · #15 (**permalink**) 10-01-2010, 02:22 PM

الله يوفقك

ديك نجدي · #16 (**permalink**) 10-01-2010, 04:07 PM

بختصار
الي قالك الموضف هذا ما عنده سالفه او انه يصرفك
ما انسى يوم كنت حديث في هذه الشغلات تدري انهم دفعوني زكاة الدخل وانا مؤسستي تحت الانشاء . حسبي الله على الموظف والنظام لا يلزم حديثي الانشاء بدفع الزكاه كون المؤسسه تاسيس
المهم
الاسم لايختلف عليه ابدا ... ولا يكون عايق ابدا . الا في حاله واحده فقط هي ان يكون الاسم ماركه مسجله في وزارة التجاره غيرها لو تفتح انت والجيران محلات بمسمى واحد
ارجع للموضف وصكه بمخمس وقله هذا الكلام
وسلامتك

خيشة نوم · #17 (**permalink**) 10-01-2010, 06:24 PM

اقتباس:

ارجع للموضف وصكه بمخمس

والله ماعندك تفاهم يا الديك نجدي .. طول بالك ..

اخوي ..
الاسم اللي في اللوحة لازم يكون احد أمرين ..

يا يكون اسمك الرباعي .. او اسم تجاري تكون اخترته من وزارة التجارة
( هذا النظــــــــــــام )

اخوي
ديك نجدي ،،، وش كان نشاط مؤسستك ؟؟

عاطل وجوال · #18 (**permalink**) 11-01-2010, 12:15 PM

عندي سؤال يدور في راسي واتمنى القى اجابة منكم

وش هي فائدة السجل التجاري ؟؟؟؟؟؟؟؟؟؟؟؟؟؟؟؟؟؟؟؟؟؟؟

HoPe · #19 (**permalink**) 13-01-2010, 06:26 AM

اقتباس:

المشاركة الأصلية كتبت بواسطة احساس عميق

على كلام المعقب اليوم الصباح بعدالمكالمه :

الطلبات : صورة الهوية او كرت العائلة + برنت من الاحوال المدنيه
وكالة من كاتب العدل ( توكل المعقب باستخراج السجل التجاري )
رسوم السجل 200ريال في السنه
واكثر شي خمس سنوات يعني تضيف 200ريال على كل سنه .
رسوم الغرفه التجارية 900 ريال و 100 ريال تسجيلها .
الأتعاب 300 ريال .
( تكلفة كامله مع الاتعاب 1500 ريال ) !!

ويطلع بنفس اليوم

الف شكر لك ولتوضيح الاسعار يارب يسهل لي الامور ويقبلو بالاسم اللي اخترته
شكرا مرة ثانية

والله يعطيك العافية